[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Citikanda](https://indike.org/pramana/in.veda.brahmana.citikanda) › 53.2 # Citikanda 53.2 Citikāṇḍa 53.2 - **Language:** Sanskrit ### [53.2](https://indike.org/pramana/in.veda.brahmana.citikanda.53.2) ) ityādikairvibhaktaiḥ pañcāśanmantraiḥ pañcāśadiṣṭakā upadheyā ityekaḥ pakṣastamevābhipretya praśnamudbhāvayati-tadāhuḥ kathamasyaitā iti | ' tat ' tatra ' āhuḥ ' codayanti brahmavādinaḥ, ' asya ' agneḥ sambandhinyaḥ ' etāḥ ' pañcāśadiṣṭakāḥ ' sarvāḥ ' ' katham ' ? ' prājāpatyāḥ ' prajāpatidevatākā upahitā ' bhavantīti ' tasminpakṣe ekasminneva hi mantre " prajāpatigṛhītayā " iti padaṃ, na sarvatra, ataḥ sarvāsāṃ prājāpatyatā na sambhavatīti | asyottaramāha-yadeva sarvāsvāheti | yasmādeva kāraṇāt ' sarvāsu ' api pañcāśadiṣṭakāsu yat " prajāpatigṛhītayā " iti ' āha' anenaiva khalu 'etāḥ ' prāṇabhṛtaḥ ' sarvāḥ ' ' prājāpatyāḥ bhavanti ' | ayamabhisandhiḥ, yad " ayaṃ puraḥ " ityādīnāṃ vibhaktānāṃ mantrāṇāṃ prayoga eva na sambhavati, aparisamāptārthatvāt | " ayaṃ puraḥ " ityāramya " prajābhyaḥ " ityante hyeko'rthaḥ parisamāpyate | ekārthāvacchedakatvādaiko mantra iti pratīṣṭakaṃ saṅgha evāvartanīyaḥ | ataḥ sarvāsravīṣṭakāsu prajāpatigṛhītayetyetatprajāpatiśabdasambandho bhaviṣyatīti sarvāsāṃ prājāpatyatāsiddhiriti - [Previous: 52.54](https://indike.org/pramana/in.veda.brahmana.citikanda.52.54) - [Next: 53.4](https://indike.org/pramana/in.veda.brahmana.citikanda.53.4) - [Up: 53](https://indike.org/pramana/in.veda.brahmana.citikanda.53) --- Source: [https://indike.org/pramana/in.veda.brahmana.citikanda.53.2](https://indike.org/pramana/in.veda.brahmana.citikanda.53.2) · Pramāṇa