[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Śatapathabrāhmaṇa](https://indike.org/pramana/in.veda.brahmana.satapatha) › [Citikanda](https://indike.org/pramana/in.veda.brahmana.satapatha.citikanda) › 80.12 # Citikanda 80.12 Citikāṇḍa 80.12 - **Language:** Sanskrit ### [80.12](https://indike.org/pramana/in.veda.brahmana.satapatha.citikanda.80.12) 9 ) ityādisūtreṇa tumarthe tavai-pratyayaḥ nirasanenābhinnasya tasya balādbhedane kiṃ labhyata iti tatrāha-yadīti | atra ' yadi na bhidyeta bhettavai brūyād' iti sāmānyena ca tadbheda namaśmaviṣayamuta kumbhaviṣayamiti nirṇayo na dṛśyate ato'tra vicāryate kimetadbhedane kumbhaviṣayamaśmaviṣayaṃ veti | kiṃ tāvatprāptam | sāmarthyātkumbhaviṣayametadbhedane nāśmaviṣayam | kuta etat evametadvacanaṃ samartha bhavati-yadi na bhidyeta bhettavai-brūyāditi | aśno tvasamarthameva | nahi tasya kaṭhinatvādbhedūnamāśakyeta iti prāpte'bhidhīyate | aśmaviṣayaṃ caitadbhedane pratipattavyam, na kumbhaviṣayam | kutaḥ ? arthavādāt 'yadā hyeva sa bhidyate'tha taṃ śugṛcchati yaṃ dveṣṭi' iti | sā ca śugaśmani nihitā "tadaśmani śucaṃ dadhāti" iti kiñca aśmanyeva bādhyaṃ bhedanam, na kumbhe | sa hyadrigarbhaḥ kṣipto'vaśyameva bhidyeteti | tadetatsarvaṃ kātyāyanena sūtritam-" abhinne bhettavai brūyāt, kumbhe bhedana1 sāmarthyāt, aśmani vā'rthavādāt, vācyatvācca "-(kā. śrau. sū. 18 | 11, 12, 13, 14 ) iti | nirasanānantaraṃ kartavyamāha-apratīkṣamiti - [Previous: 80.4-2](https://indike.org/pramana/in.veda.brahmana.satapatha.citikanda.80.4-2) - [Next: 80.13-2](https://indike.org/pramana/in.veda.brahmana.satapatha.citikanda.80.13-2) - [Up: 80](https://indike.org/pramana/in.veda.brahmana.satapatha.citikanda.80) --- Source: [https://indike.org/pramana/in.veda.brahmana.satapatha.citikanda.80.12](https://indike.org/pramana/in.veda.brahmana.satapatha.citikanda.80.12) · Pramāṇa