[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Gopathabrahmana](https://indike.org/pramana/in.veda.brahmana.gopatha) › 1.1 # Gopathabrahmana 1.1 Gopathabrāhmaṇa 1.1 - **Language:** Sanskrit ### [1.1.1](https://indike.org/pramana/in.veda.brahmana.gopatha.1.1.1) oṃ brahma ha vā idam agra āsīt svayaṃbhv ekam eva tadaikṣata mahad vai yakṣam yad ekam evāsmi hantāhaṃ mad eva manmātraṃ dvitīyaṃ devaṃ nirmimā iti tad abhyaśrāmyad abhyatapat samatapat tasya śrāntasya taptasya saṃtaptasya lalāṭe sneho yad ārdram ājāyata tenānandat tad abravīt\_ mahad vai yakṣaṃ suvedam avidam aham iti tad yad abravīt\_ mahad vai yakṣaṃ suvedam avidam aham iti tasmāt suvedo 'bhavat taṃ vā etaṃ suvedaṃ santaṃ sveda ity ācakṣate parokṣeṇa parokṣapriyā iva hi devā bhavanti pratyakṣadviṣaḥ || 1 || ### [1.1.2](https://indike.org/pramana/in.veda.brahmana.gopatha.1.1.2) sa bhūyo 'śrāmyad bhūyo 'tapyad bhūya ātmānaṃ samatapat tasya śrāntasya taptasya saṃtaptasya sarvebhyo romagartebhyaḥ pṛthaksvedadhārāḥ prāsyandanta tābhir anandat tad abravīt\_ ābhir vā aham idaṃ sarvaṃ dhārayiṣyāmi yad idaṃ kiṃ ca\_ ābhir vā aham idaṃ sarvaṃ janayiṣyāmi yad idaṃ kiṃ ca\_ ābhir vā aham idaṃ sarvaṃ āpsyāmi yad idaṃ kiṃ ceti tad yad abravīt\_ ābhir vā aham idaṃ sarvaṃ dhārayiṣyāmi yad idaṃ kiṃ ceti tasmād dhārā abhavan\_ tad dhārāṇāṃ dhārātvaṃ yac cāsu dhriyate tad yad abravīt\_ ābhir vā aham idaṃ sarvaṃ janayiṣyāmi yad idaṃ kiṃ ceti tasmāj jāyā abhavan\_ taj jāyānāṃ jāyātvaṃ yac cāsu puruṣo jāyate yac ca putraḥ \[ed.: yāc\] pun nāma narakam anekaśatatāram\_ tasmāt trātīti putras tat putrasya putratvam\_ tad yad abravīt\_ ābhir vā aham idaṃ sarvaṃ āpsyāmi yad idaṃ kiṃ ceti tasmād āpo 'bhavan\_ tad apām aptvam ### [1.1.2x](https://indike.org/pramana/in.veda.brahmana.gopatha.1.1.2x) āpnoti vai sa sarvān kāmān yān kāmayate || 2 || ### [1.1.3](https://indike.org/pramana/in.veda.brahmana.gopatha.1.1.3) tā apaḥ sṛṣṭvānvaikṣata tāsu svāṃ chāyām apaśyat tām asyekṣamāṇasya svayaṃ reto 'skandat tad apsu pratyatiṣṭhat tās tatraivābhyaśrāmyad abhyatapat samatapat tāḥ śrāntās taptāḥ saṃtaptāḥ sārdham eva retasā dvaidham abhavan\_ tāsām anyatarā atilavaṇā apeyā asvādvyas tā aśāntā retaḥ samudraṃ vṛtvātiṣṭhan\_ athetarāḥ peyāḥ svādvyaḥ śāntās tās tatraivābhyaśrāmyad abhyatapat samatapat tābhyaḥ śrāntābhyas taptābhyaḥ saṃtaptābhyo yad reta āsīt tad abhṛjjyata \[ed.: asīt\] tasmād bhṛguḥ samabhavat tad bhṛgor bhṛgutvam\_ bhṛgur iva vai sa sarveṣu lokeṣu bhāti ya evaṃ veda || 3 || ### [1.1.4](https://indike.org/pramana/in.veda.brahmana.gopatha.1.1.4) sa bhṛguṃ sṛṣṭvāntaradhīyata sa bhṛguḥ sṛṣṭaḥ prāṅ aijata taṃ vāg anvavadat\_ vāyo vāya iti sa nyavartata sa dakṣiṇāṃ diśam aijata taṃ vāg anvavadat\_ mātariśvan mātariśvann iti sa nyavartata sa pratīcīṃ diśam aijata taṃ vāg anvavadat\_ pavamāna pavamāneti sa nyavartata sa udīcīṃ diśam aijata taṃ vāg anvavadat\_ vāta vāteti tam abravīt\_ na nv avidam aham iti na hīti\_ athārvāṅ enam etāsv evāpsv anviccheti tad yad abravīd athārvāṅ enam etāsv evāpsv anviccheti tad atharvābhavat tad atharvaṇo 'tharvatvam\_ tasya ha vā etasya bhagavato 'tharvaṇa ṛṣer yathaiva brahmaṇo lomāni yathāṅgāni yathā prāṇa evam evāsya sarva ātmā samabhavat tam atharvāṇaṃ brahmābravīt prajāpateḥ prajāḥ sṛṣṭvā pālayasveti tad yad abravīt prajāpateḥ prajāḥ sṛṣṭvā pālayasveti tasmāt prajāpatir abhavat ### [1.1.4x](https://indike.org/pramana/in.veda.brahmana.gopatha.1.1.4x) tat prajāpateḥ prajāpatitvam ### [1.1.4\_2](https://indike.org/pramana/in.veda.brahmana.gopatha.1.1.4_2) atharvā vai prajāpatiḥ ### [1.1.4\_3](https://indike.org/pramana/in.veda.brahmana.gopatha.1.1.4_3) prajāpatir iva vai sa sarveṣu lokeṣu bhāti ya evaṃ veda || 4 || ### [1.1.5](https://indike.org/pramana/in.veda.brahmana.gopatha.1.1.5) tam atharvāṇam ṛṣim abhyaśrāmyad abhyatapat samatapat tasmāc chrāntāt taptāt saṃtaptād daśatayān atharvaṇa ṛṣīn niramimataikarcān dvyṛcāṃs tṛcāṃs caturṛcān pañcarcānt ṣaḍarcānt saptarcān aṣṭarcān navarcān daśarcān iti \[ed.: ṣaḍarcāṃt\] tān atharvaṇa ṛṣīn abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyo daśatayān ātharvaṇān ārṣeyān niramimataikādaśān dvādaśāṃs trayodaśāṃś caturdaśān pañcadaśān ṣoḍaśānt saptadaśān aṣṭādaśān navadaśān viṃśān iti \[ed.: ṣoḍaśāṃt, note also pañcarcānt above\] tān atharvaṇa ṛṣīn ātharvaṇāṃś cārṣeyān abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyo yān mantrān apaśyat sa ātharvaṇo vedo 'bhavat tam ātharvaṇaṃ vedam abhyaśrāmyad abhyatapat samatapat tasmāc chrāntāt taptāt saṃtaptād om iti mana evordhvam akṣaram udakrāmat sa ya icchet sarvair etair atharvabhiś cātharvaṇaiś ca kurvīyety etayaiva tan mahāvyāhṛtyā kurvīta sarvair ha vā asyaitair atharvabhiś cātharvaṇaiś ca kṛtaṃ bhavati ya evaṃ veda yaś caivaṃvidvān evam etayā mahāvyāhṛtyā kurute || 5 || ### [1.1.6](https://indike.org/pramana/in.veda.brahmana.gopatha.1.1.6) sa bhūyo 'śrāmyad bhūyo 'tapyad bhūya ātmānaṃ samatapat sa ātamata eva trīṃl lokān niramimīta pṛthivīm antarikṣaṃ divam iti sa khalu pādābhyām eva pṛthivīṃ nirmamimīta\_ udarād antarikṣaṃ mūrdhno divam\_ sa tāṃs trīṃl lokān abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyas trīn devān niramimīta\_ agniṃ vāyum ādityam iti sa khalu pṛthivyā evāgniṃ niramimītāntarikṣād vāyuṃ diva ādityam\_ sa tāṃs trīn devān abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyas trīn vedān niramimīta ṛgvedaṃ yajurvedaṃ sāmavedam iti\_ agner ṛgvedaṃ vāyor yajurvedaṃ ādityāt sāmavedam sa tāṃs trīn vedān abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyas tisro mahāvyāhṛtīr niramimīta bhūr bhuvaḥ svar iti bhūr ity ṛgvedād bhuva iti yajurvedāt svar iti sāmavedāt sa ya icchet sarvair etais tribhir vedaiḥ kurvīyety etābhir eva tan mahāvyāhṛtibhiḥ kurvīta sarvair ha vā asyaitais tribhir vedaiḥ kṛtaṃ bhavati ya evaṃ veda yaś caivaṃvidvān evam etābhir mahāvyāhṛtibhiḥ kurute || 6 || ### [1.1.7](https://indike.org/pramana/in.veda.brahmana.gopatha.1.1.7) tā yā amū retaḥ samudraṃ vṛtvātiṣṭhaṃs tāḥ prācyo dakṣiṇācyaḥ pratīcya udīcyaḥ samavadravanta tad yat samavadravanta tasmāt samudra ucyate tā bhītā abruvan bhagavantam eva vayaṃ rājānaṃ vṛṇīmaha iti yac ca vṛtvātiṣṭhaṃs tad varaṇo 'bhavat taṃ vā etaṃ varaṇaṃ santaṃ varuṇa ity ācakṣate parokṣeṇa parokṣapriyā iva hi devā bhavanti pratyakṣadviṣaḥ sa samudrād amucyata sa mucyur abhavat taṃ vā etaṃ mucyuṃ santaṃ mṛtyur ity ācakṣate parokṣeṇa parokṣapriyā iva hi devā bhavanti pratyakṣadviṣas taṃ varuṇaṃ mṛtyum abhyaśrāmyad abhyatapat samatapat tasya śrāntasya taptasya saṃtaptasya sarvebhyo 'ṅgebhyo raso 'kṣarat so 'ṅgaraso 'bhavat taṃ vā etaṃ aṅgarasaṃ santam aṅgirā ity ācakṣate parokṣeṇa parokṣapriyā iva hi devā bhavanti pratyakṣadviṣaḥ || 7 || ### [1.1.8](https://indike.org/pramana/in.veda.brahmana.gopatha.1.1.8) tam aṅgirasam ṛṣim abhyaśrāmyad abhyatapat samatapat tasmāc chrāntāt taptāt saṃtaptād viṃśino 'ṅgirasa ṛṣīn niramimīta tān viṃśino 'ṅgirasa ṛṣīn abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyo daśatayān āṅgirasān ārṣeyān niramimīta ṣoḍaśino 'ṣṭādaśino dvādaśina ekarcān dvyṛcāṃs tṛcāṃś caturṛcān pañcarcān ṣaḍarcān saptarcān iti tān aṅgirasa ṛṣīn āṅgirasāṃś cārṣeyān abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyo yān mantrān apaśyat sa āṅgiraso vedo 'bhavat tām āṅgirasaṃ vedam abhyaśrāmyad abhyatapat samatapat tasmāc chrāntāt taptāt saṃtaptāj janad iti dvaitam akṣaraṃ vyabhavat sa ya icchet sarvair etair aṅgirobhiś cāṅgirasaiś ca kurvīyety etayaiva tan mahāvyāhṛtyā kurvīta sarvair ha vā asyaitair aṅgirobhiś cāṅgirasaiś ca kṛtaṃ bhavati ya evaṃ veda yaś caivaṃvidvān evam etayā mahāvyāhṛtyā kurute || 8 || ### [1.1.9](https://indike.org/pramana/in.veda.brahmana.gopatha.1.1.9) sa ūrdhvo 'tiṣṭhat sa imāṃl lokān vyaṣṭabhnāt tasmād aṅgiraso 'dhīyāna ūrdhvas tiṣṭhati tad vrataṃ sa manasā dhyāyed yad vā ahaṃ kiṃ ca manasā dhyāsyāmi tathaiva tad bhaviṣyati \[ed.: yed\] tad dha sma tathaiva bhavati tad apy etad ṛcoktam\_ śreṣṭho ha vedas tapaso 'dhi jāto brahmajyānāṃ kṣitaye saṃbabhūva | ṛjyad bhūtaṃ yad asṛjyatedaṃ niveśanam anṛṇaṃ dūram asyeti \[ed.: ṛcy ṛgbhūtaṃ - see note Patyal\] tā vā etā aṅgirasāṃ jāmayo yan menayaḥ karoti menibhir vīryaṃ ya evaṃ veda || 9 || ### [1.1.10](https://indike.org/pramana/in.veda.brahmana.gopatha.1.1.10) sa diśo 'nvaikṣata prācīṃ dakṣiṇāṃ pratīcīm udīcīṃ dhruvām ūrdhvām iti tās tatraivābhyaśrāmyad abhyatapat samatapat tābhyaḥ śrāntābhyas taptābhyaḥ saṃtaptābhyaḥ pañca vedān niramimīta sarpavedaṃ piśācavedam asuravedam itihāsavedaṃ purāṇavedam iti sa khalu prācyā eva diśaḥ sarpavedaṃ niramimīta dakṣiṇasyāḥ piśācavedam\_ pratīcyā asuravedam udīcyā itihāsavedam\_ dhruvāyāś cordhvāyāś ca purāṇavedam sa tān pañca vedān abhyaśrāmyad abhyatapat samatapat tebhyaḥ śrāntebhyas taptebhyaḥ saṃtaptebhyaḥ pañca mahāvyāhṛtīr niramimīta vṛdhat karad ruhan mahat tad iti vṛdhad iti sarpavedāt karad iti piśācavedāt\_ ruhad ity asuravedāt\_ mahad itītihāsavedāt tad iti purāṇavedāt sa ya icchet sarvair etaiḥ pañcabhir vedaiḥ kurvīyety etābhir eva tan mahāvyāhṛtibhiḥ kurvīta sarvair ha vā asyaitaiḥ pañcabhir vedaiḥ kṛtaṃ bhavati ya evaṃ veda yaś caivaṃvidvān evam etābhir mahāvyāhṛtibhiḥ kurute || 10 || ### [1.1.11](https://indike.org/pramana/in.veda.brahmana.gopatha.1.1.11) sa āvataś ca parāvataś cānvaikṣata tās tatraivābhyaśrāmyad abhyatapat samatapat tābhyaḥ śrāntābhyas taptābhyaḥ saṃtaptābhyaḥ śam ity ūrdhvam akṣaram udakrāmat sa ya icchet sarvābhir etābhir āvadbhiś ca parāvadbhiś ca kurvīyety etayaivā tan mahāvyāhṛtyā kurvīta sarvābhir ha vā asyaitābhir āvadbhiś ca parāvadbhiś ca kṛtaṃ bhavati ya evaṃ veda yaś caivaṃvidvān evam etayā mahāvyāhṛtyā kurute || 11 || ### [1.1.12](https://indike.org/pramana/in.veda.brahmana.gopatha.1.1.12) sa bhūyo 'śrāmyad bhūyo 'tapyad bhūya ātmānaṃ samatapat sa manasa eva candramasaṃ niramimīta nakhebhyo nakṣatrāṇi lomabhya oṣadhivanaspatīn\_ kṣudrebhyaḥ prāṇebhyo 'nyān bahūn devān\_ sa bhūyo 'śrāmyad bhūyo 'tapyad bhūya ātmānaṃ samatapat sa etaṃ trivṛtaṃ saptatantum ekaviṃśatisaṃsthaṃ yajñam apaśyat \[ed. ekaviśatisaṃsthaṃ\] tad apy etad ṛcoktam \ iti\_ athāpy eṣa prākrīḍitaḥ ślokaḥ pratyabhivadati sapta sutyāḥ sapta ca pākayajñā iti || 12 || ### [1.1.13](https://indike.org/pramana/in.veda.brahmana.gopatha.1.1.13) tam āharat tenāyajata tasyāgnir hotāsīt\_ vāyur adhvaryuḥ sūrya udgātā candramā brahmā parjanyaḥ sadasyaḥ\_ oṣadhivanaspatayaś camasādhvaryavaḥ\_ viśve devā hotrakāḥ\_ atharvāṅgiraso goptāras taṃ ha smaitam evaṃvidvāṃsaḥ pūrve śrotriyā yajñaṃ tataṃ sāvasāya ha smāhety abhivrajanti mā no 'yaṃ gharma udyataḥ pramattānām amṛtāḥ prajāḥ pradhākṣīd iti tān vā etān parirakṣakānt sadaḥprasarpakān ity ācakṣate dakṣiṇāsamṛddhān\_ tad u ha smāha prajāpatiḥ\_ yad vai yajñe 'kuśalā ṛtvijo bhavanty acaritino brahmacaryam aparāgyā vā tad vai yajñasya viriṣṭam ity ācakṣate yajñasya viriṣṭam anu yajamāno viriṣyate yajamānasya viriṣṭam anv ṛtvijo viriṣyante\_ ṛtvijāṃ viriṣṭam anu dakṣiṇā viriṣyante dakṣiṇānāṃ viriṣṭam anu yajamānaḥ putrapaśubhir viriṣyate putrapaśūnāṃ viriṣṭam anu yajamānaḥ svargeṇa lokena viriṣyate svargasya lokasya viriṣṭam anu tasyārdhasya yogakṣemo viris.yate yasminn ardhe yajanta iti brāhmaṇam || 13 || ### [1.1.14](https://indike.org/pramana/in.veda.brahmana.gopatha.1.1.14) taṃ ha smaitam evaṃvidvāṃsaṃ brahmāṇaṃ yajñaviriṣṭī vā yajñaviriṣṭino vety upādhāveran namas te astu bhagavan yajñasya no viriṣṭaṃ sandhehīti tad yatraiva viriṣṭaṃ syāt tatrāgnīn upasamādhāya śāntyudakaṃ kṛtvā pṛthivyai śrotrāyeti trir evāgnīnt samprokṣati triḥ paryukṣati triḥ kārayamānam ācāmayati ca saṃprokṣati ca yajñavāstu va samprokṣati\_ athāpi vedānāṃ rasena yajñasya viriṣṭaṃ sandhīyate tad yathā lavaṇena suvarṇaṃ saṃdadhyāt suvarṇena rajataṃ rajatena lohaṃ lohena sīsaṃ sīsena trapv evam evāsya yajñasya viriṣṭaṃ saṃdhīyate yajñasya saṃdhitim anu yajamānaḥ saṃdhīyate \[ed. saṃghīyate\] yajamānasya saṃdhitim anv ṛtvijaḥ saṃdhīyante\_ ṛtvijāṃ saṃdhitim anu dakṣiṇāḥ saṃdhīyante dakṣiṇānāṃ saṃdhitim anu yajamānaḥ putrapaśubhiḥ saṃdhīyate putrapaśūnāṃ saṃdhitim anu yajamānaḥ svargeṇa lokena saṃdhīyate svargasya lokasya saṃdhitim anu tasyārdhasya yogakṣemaḥ saṃdhīyate yasminn ardhe yajanta iti brāhmaṇam || 14 || ### [1.1.15](https://indike.org/pramana/in.veda.brahmana.gopatha.1.1.15) tad u ha smāhātharvā devo vijānan yajñaviriṣṭānandānīty upaśamayeran yajñe prāyaścittiḥ kriyate 'pi ca yad u bahv iva yajñe vilomaṃ kriyate na caivāsya kā canārtir bhavati na ca yajñaviṣkandham upayāty apahanti punarmṛtyum apātyeti punārājātiṃ kāmacāro 'sya sarveṣu lokeṣu bhāti ya evaṃ veda yaś caivaṃvidvān brahmā bhavati yasya caivaṃvidvān brahmā dakṣiṇataḥ sado 'dhyāste yasya caivaṃvidvān brahmā dakṣiṇata udaṅmukha āsīno yajña ājyāhutīr juhotīti brāhmaṇam || 15 || ### [1.1.16](https://indike.org/pramana/in.veda.brahmana.gopatha.1.1.16) brahma ha vai brahmāṇaṃ puṣkare sasṛje sa khalu brahmā sṛṣṭaś cintām āpede kenāham ekenākṣareṇa sarvāṃś ca kāmānt sarvāṃś ca lokānt sarvāṃś ca devānt sarvāṃś ca vedānt sarvāṃś ca yajñānt sarvāṃś ca śabdānt sarvāś ca vyuṣṭīḥ sarvāṇi ca bhūtāni sthāvarajaṅgamāny anubhaveyam iti sa brahmacaryam acarat sa om ity etad akṣaram apaśyad dvivarṇaṃ caturmātraṃ sarvavyāpi sarvavibhvayātayāmabrahma brāhmīṃ vyāhṛtiṃ brahmadaivatām\_ tayā sarvāṃś ca kāmānt sarvāṃś ca lokānt sarvāṃś ca devānt sarvāṃś ca vedānt sarvāṃś ca yajñānt sarvāṃś ca śabdānt sarvāś ca vyuṣṭīḥ sarvāṇi ca bhūtāni sthāvarajaṅgamāny anvabhavat tasya prathamena varṇenāpaḥ snehaṃ cānvabhavat tasya dvitīyena varṇena tejo jyotīṃṣy anvabhavat || 16 || ### [1.1.17](https://indike.org/pramana/in.veda.brahmana.gopatha.1.1.17) tasya prathamayā svaramātrayā pṛthivīm agnim oṣadhivanaspatīn ṛgvedaṃ bhūr iti vyāhṛtiṃ gāyatraṃ chandas trivṛtaṃ stomaṃ prācīṃ diśaṃ vasantam ṛtuṃ vācam adhyātmaṃ jihvāṃ rasam itīndriyāṇy anvabhavat || 17 || ### [1.1.18](https://indike.org/pramana/in.veda.brahmana.gopatha.1.1.18) tasya dvitīyayā svaramātrayāntarikṣaṃ vāyuṃ yajurvedaṃ bhuva iti vyāhṛtiṃ traiṣṭubhaṃ chandaḥ pañcadaśaṃ stomaṃ pratīcīṃ diśaṃ grīṣmam ṛtuṃ prāṇam adhyātmaṃ nāsike gandhaghrāṇam itīndriyāṇy anvabhavat || 18 || ### [1.1.19](https://indike.org/pramana/in.veda.brahmana.gopatha.1.1.19) tasya tṛtīyayā svaramātrayā divam ādityaṃ sāmavedaṃ svar iti vyāhṛtiṃ jāgataṃ chandaḥ saptadaśaṃ stomam udīcīṃ diśaṃ varṣā ṛtuṃ jyotir adhyātmaṃ cakṣuṣī darśanam itīndriyāny anvabhavat || 19 || ### [1.1.20](https://indike.org/pramana/in.veda.brahmana.gopatha.1.1.20) tasya vakāramātrayāpaś candramasam atharvavedaṃ nakṣatrāṇy om iti svam ātmānaṃ janad ity aṅgirasām ānuṣṭubhaṃ chanda ekaviṃśaṃ stomaṃ dakṣiṇāṃ diśaṃ śaradam ṛtuṃ mano 'dhyātmaṃ jñānaṃ jñeyam itīndriyāṇy anvabhavat || 20 || ### [1.1.21](https://indike.org/pramana/in.veda.brahmana.gopatha.1.1.21) tasya makāraśrutyetihāsapurāṇaṃ vākovākyaṃ gāthā nārāśaṃsīr upaniṣado 'nuśāsanānīti vṛdhat karad ruhan mahat tac cham om iti vyāhṛtīḥ svaraśamyanānātantrīḥ svaranṛtyagītavāditrāṇy anvabhavac caitrarathaṃ daivataṃ vaidyutaṃ jyotir bārhataṃ chandas triṇavatrayastriṃśau stomau dhruvām ūrdhvāṃ diśaṃ hemantaśiśirāv ṛtū śrotram adhyātmaṃ śabdaśravaṇam itīndriyāṇy anvabhavat || 21 || ### [1.1.22](https://indike.org/pramana/in.veda.brahmana.gopatha.1.1.22) saiṣaikākṣararg brahmaṇas tapaso 'gre prādurbabhūva brahmavedasyātharvaṇaṃ śukram ata eva mantrāḥ prādurbabhūvuḥ sa tu khalu mantrāṇām atapasāsuśrūṣānadhyāyādhyayanena yad ūnaṃ ca viriṣṭaṃ ca yātayāmaṃ ca karoti tad atharvaṇāṃ tejasā pratyāpyāyayet\_ mantrāś ca mām abhimukhībhaveyur garbhā iva mātaram abhijighāṃsuḥ purastād oṃkāraṃ prayuṅkte\_ etayaiva tad ṛcā pratyāpyāyet\_ eṣaiva yajñasya purastād yujyate\_ eṣā paścāt sarvata etayā yajñas tāyate tad apy etadṛcoktam\_ yā purastād yujyata ṛco akṣare parame vyomann iti tad etad akṣaraṃ brāhmaṇo yaṃ kāmam icchet trirātropoṣitaḥ prāṅmukho vāgyato barhiṣy upaviśya sahasrakṛtva āvartayet sidhyanty asyārthāḥ sarvakarmāṇi ceti brāhmaṇam || 22 || ### [1.1.23](https://indike.org/pramana/in.veda.brahmana.gopatha.1.1.23) vasor dhārāṇām aindraṃ nagaram\_ tad asurāḥ paryavārayanta te devā bhītā āsan ka imān asurān apahaniṣyatīti \[ed. īmān\] ta oṃkāraṃ brahmaṇaḥ putraṃ jyeṣṭhaṃ dadṛśrus te tam abruvan bhavatā mukhenemān asurāñ jayemeti sa hovāca kiṃ me pratīvāho bhaviṣyatīti varaṃ vṛṇīṣveti vṛṇā iti sa varam avṛṇīta na mām anīrayitvā brāhmaṇā brahma vadeyuḥ\_ yadi vadeyur abrahma tat syād iti tatheti te devā devayajanasyottarārdhe 'suraiḥ saṃyattā āsan\_ tān oṃkāreṇāgnīdhrīyād devā asurān parābhāvayanta tad yat parābhāvayanta tasmād oṃkāraḥ pūrvam ucyate yo ha vā etam oṃkāraṃ na vedāvaśī syād ity atha ya evaṃ veda brahmavaśī syād iti tasmād oṃkāra ṛcy ṛg bhavati yajuṣi yajuḥ sāmni sāma sūtre sūtram\_ ### [1.1.23x](https://indike.org/pramana/in.veda.brahmana.gopatha.1.1.23x) brāhmaṇe brāhmaṇam\_ ### [1.1.23\_2](https://indike.org/pramana/in.veda.brahmana.gopatha.1.1.23_2) śloke ślokaḥ ### [1.1.23\_3](https://indike.org/pramana/in.veda.brahmana.gopatha.1.1.23_3) praṇave praṇava iti brāhmaṇam || 23 || ### [1.1.24](https://indike.org/pramana/in.veda.brahmana.gopatha.1.1.24) oṃkāraṃ pṛcchāmaḥ ko dhātuḥ kiṃ prātipadikam\_ kiṃ nāmākhyātam\_ kiṃ liṅgam\_ kiṃ vacanam\_ kā vibhaktiḥ kaḥ pratyayaḥ kaḥ svara upasargo nipātaḥ kiṃ vai vyākaraṇam\_ ko vikāraḥ ko vikārī katimātraḥ kativarṇaḥ katyakṣaraḥ katipadaḥ kaḥ saṃyogaḥ kiṃ sthānānupradānakaraṇaṃ śikṣukāḥ kim uccārayanti kiṃ chandaḥ ko varṇa iti pūrve praśrāḥ\_ athottare mantraḥ kalpo brāhmaṇam ṛg yajuḥ sāma kasmād brahmavādina oṃkāram āditaḥ kurvanti ### [1.1.24x](https://indike.org/pramana/in.veda.brahmana.gopatha.1.1.24x) kiṃ daivatam\_ ### [1.1.24\_2](https://indike.org/pramana/in.veda.brahmana.gopatha.1.1.24_2) kiṃ jyotiṣam\_ ### [1.1.24\_3](https://indike.org/pramana/in.veda.brahmana.gopatha.1.1.24_3) kiṃ niruktam\_ ### [1.1.24\_4](https://indike.org/pramana/in.veda.brahmana.gopatha.1.1.24_4) kiṃ sthānam\_ ### [1.1.24\_5](https://indike.org/pramana/in.veda.brahmana.gopatha.1.1.24_5) kā prakṛtiḥ ### [1.1.24\_6](https://indike.org/pramana/in.veda.brahmana.gopatha.1.1.24_6) kimadhyātmam iti ### [1.1.24\_7](https://indike.org/pramana/in.veda.brahmana.gopatha.1.1.24_7) ṣaṭtriṃśat praśrnāḥ ### [1.1.24\_8](https://indike.org/pramana/in.veda.brahmana.gopatha.1.1.24_8) pūrvottarāṇāṃ trayo vargā dvādaśakāḥ\_ ### [1.1.24\_9](https://indike.org/pramana/in.veda.brahmana.gopatha.1.1.24_9) etair oṃkāraṃ vyākhyāsyāmaḥ || 24 || ### [1.1.25](https://indike.org/pramana/in.veda.brahmana.gopatha.1.1.25) indraḥ prajāpatim apṛcchat\_ bhagavann abhiṣṭūya pṛcchāmīti pṛccha vatsety abravīt kim ayam oṃkāraḥ kasyaḥ putraḥ kiṃ caitac chandaḥ kiṃ caitad varṇaḥ kiṃ caitad brahmā brahma sampadyate tasmād vai tad bhadram oṃkāraṃ pūrvam ālebhe svaritodātta ekākṣara oṃkāra ṛgvede traisvaryodāta ekākṣara oṃkāro yajurvede dīrghaplutodātta ekākṣara oṃkāraḥ sāmavede hrasvodātta ekākṣara oṃkāro 'tharvavede\_ udāttodāta dvipada a u ity ardhacatasro mātrā makāre vyañjanam ity āhuḥ\_ yā sā prathamā mātrā brahmadevatyā raktā varṇena yas tāṃ dhyāyate nityaṃ sa gacched brāhmaṃ padam\_ yā sā dvitīyā mātrā viṣṇudevatyā kṛṣṇā varṇena yas tāṃ dhyāyate nityaṃ sa gacched vaiṣṇavaṃ padam\_ yā sā tṛtīyā mātraiśānadevatyā kapilā varṇena yas tāṃ dhyāyate nityaṃ sa gacched aiśānaṃ padam\_ yā sārdhacaturthī mātrā sarvadevatyā vyaktībhūtā khaṃ vicarati śuddhasphaṭikasannibhā varṇena yas tāṃ dhyāyate nityaṃ sa gacchet padam anāmakam oṃkārasya cotpattiḥ\_ ### [1.1.25x](https://indike.org/pramana/in.veda.brahmana.gopatha.1.1.25x) vipro yo na jānāti tatpunarupanayanam\_ ### [1.1.25\_2](https://indike.org/pramana/in.veda.brahmana.gopatha.1.1.25_2) tasmād brāhmāṇavacanam ādartavyaṃ yathā lātavyo gotro brahmaṇaḥ putraḥ\_ ### [1.1.25\_3](https://indike.org/pramana/in.veda.brahmana.gopatha.1.1.25_3) gāyatraṃ cchandaḥ ### [1.1.25\_4](https://indike.org/pramana/in.veda.brahmana.gopatha.1.1.25_4) śuklo varṇaḥ ### [1.1.25\_5](https://indike.org/pramana/in.veda.brahmana.gopatha.1.1.25_5) puṃso vatsaḥ ### [1.1.25\_6](https://indike.org/pramana/in.veda.brahmana.gopatha.1.1.25_6) rudro devatā ### [1.1.25\_7](https://indike.org/pramana/in.veda.brahmana.gopatha.1.1.25_7) oṃkāro vedānām || 25 || ### [1.1.26](https://indike.org/pramana/in.veda.brahmana.gopatha.1.1.26) ko dhātur iti\_ āpṛdhātuḥ\_ avatim apy eke rūpasāmānyād arthasāmānyaṃ nedīyas tasmād āper oṃkāraḥ sarvam āpnotīty arthaḥ kṛdantam arthavat prātipadikam adarśanam\_ pratyayasya nāma saṃpadyate nipāteṣu cainaṃ vaiyākaraṇā udāttaṃ samāmananti tad avyayībhūtam anvarthavācī śabdo na vyeti kadā caneti sadṛśaṃ triṣu liṅgeṣu sarvāsu va vibhaktiṣu vacaneṣu ca sarveṣu yan na vyeti tad avyayam\_ ko vikārī cyavate prasāraṇam āpnoter ākarapakārau vikāryau\_ ādita oṃkāro vikriyate dvitīyo makāraḥ\_ eva dvivarṇa ekākṣara om ity oṃkāro nirvṛttaḥ || 26 || ### [1.1.27](https://indike.org/pramana/in.veda.brahmana.gopatha.1.1.27) katimātra iti\_ ādes tisro mātrāḥ\_ abhyādāne hi plavate makāraś caturthīm\_ kiṃ sthānam iti\_ ubhāv oṣṭhau sthānam\_ nādānupradānakaraṇau ca dvisthānam\_ \[ed. nādāna-, cf. Patyal p. 28\] saṃdhyakṣaram avarṇaleśaḥ kaṇṭhyo yathoktaśeṣaḥ pūrvo vivṛtakaraṇasthitaś ca dvitīyaspṛṣṭakaraṇasthitaś ca na saṃyogo vidyate\_ ākhyātopasargānudāttasvaritaliṅgavibhaktivacanāni ca saṃsthānādhyāyina ācāryāḥ pūrve babhūvuḥ śravaṇād eva pratipadyante na kāraṇaṃ pṛcchanti\_ athāparapakṣīyāṇāṃ kaviḥ pañcālacaṇḍaḥ paripṛcchako babhūvāṃbu pṛthagudgīthadoṣān bhavanto bruvantv iti tad vācy upalakṣayed varṇākṣarapadāṅkaśaḥ\_ vibhaktyām ṛṣiniṣevitām iti vācaṃ stuvanti tasmāt kāraṇaṃ brūmaḥ\_ varṇānām ayam idaṃ bhaviṣyatīti ṣaḍaṅgavidas tat tathādhīmahe kiṃ chanda iti gāyatraṃ hi chandaḥ\_ gāyatrī vai devānām ekākṣarā śvetavarṇā ca vyākhyātā dvau dvādaśakau vargau\_ ### [1.1.27x](https://indike.org/pramana/in.veda.brahmana.gopatha.1.1.27x) etad vai vyākaraṇaṃ dhātvarthavacanaṃ śaikṣyaṃ chandovacanaṃ ca\_ ### [1.1.27\_2](https://indike.org/pramana/in.veda.brahmana.gopatha.1.1.27_2) athottarau dvau dvādaśakau vargau vedarahasikī vyākhyātā ### [1.1.27\_3](https://indike.org/pramana/in.veda.brahmana.gopatha.1.1.27_3) mantraḥ kalpo brāhamaṇam ṛg yajuḥ sāmātharvāṇi\_ ### [1.1.27\_4](https://indike.org/pramana/in.veda.brahmana.gopatha.1.1.27_4) eṣā vyāhṛtiś caturṇāṃ vedānām ānupūrveṇoṃ bhūr bhuvaḥ svar iti vyāhṛtayaḥ || 27 || ### [1.1.28](https://indike.org/pramana/in.veda.brahmana.gopatha.1.1.28) asamīkṣyapravalhitāni śrūyante dvāparādāv ṛṣīṇām ekadeśo doṣapatir iha cintām āpede tribhiḥ somaḥ pātavyaḥ samāptam iva bhavati tasmād ṛgyajuḥsāmāny apakrāntatejāṃsy āsan\_ tantra maharṣayaḥ paridevayāṃ cakrire mahac chokabhayaṃ prāptāḥ smaḥ\_ na caitat sarvaiḥ samabhihitam\_ te vayaṃ bhagavantam evopadhāvāma sarveṣām eva śarma bhavānīti te tathety uktvā tūṣṇīm atiṣṭhan nānupasannebhya iti\_ upopasīdāmīti nīcair babhūvuḥ sa ebhya upanīya provāca māmikām eva vyāhṛtim ādita āditaḥ kṛṇudhvam iti\_ evaṃ māmakā ādhīyante narte bhṛgvaṅgirovidbhyaḥ somaḥ pātavyaḥ\_ ṛtvijaḥ parābhavanti yajamāno rajasāpadhvasyati śrutiś cāpadhvastā tiṣṭhatīti\_ evam evottarottarād yogāt tokaṃ tokaṃ praśādhvam iti\_ evaṃ pratāpo na parābhaviṣyatīti tathā ha tathā ha bhagavann iti pratipedira āpyāyayan\_ te tathā vītaśokabhayā babhūvus tasmād brahmavādina oṃkāram āditaḥ kurvanti || 28 || ### [1.1.29](https://indike.org/pramana/in.veda.brahmana.gopatha.1.1.29) kiṃ devatam iti\_ ṛcām agnir devatam\_ tad eva jyotiḥ\_ gāyatraṃ chandaḥ pṛthivī sthānam \ ity evam ādiṃ kṛtvā ṛgvedam adhīyate yajuṣāṃ vāyur devatam\_ tad eva jyotis traiṣṭubhaṃ chandaḥ\_ antarikṣaṃ sthānam \\_ity evam ādiṃ kṛtvā yajurvedam adhīyate sāmnām ādityo devatam\_ tad eva jyotiḥ\_ jāgataṃ chandaḥ\_ dyauḥ sthānam \\_ity evam ādiṃ kṛtvā samāvedam adhīyate\_ atharvaṇāṃ candramā devatam\_ tad eva jyotiḥ sarvāṇi chandāṃsi\_ āpaḥ sthānam\_ \<śaṃ no devīr abhiṣṭaya \[PS 1.1.1\]\> ity evam ādiṃ kṛtvātharvavedam adhīyate\_ adbhyaḥ sthāvarajaṅgamo bhūtagrāmaḥ saṃbhavati tasmāt sarvam āpomayaṃ bhūtaṃ sarvaṃ bhṛgvaṅgiromayam ### [1.1.29x](https://indike.org/pramana/in.veda.brahmana.gopatha.1.1.29x) antaraite trayo vedā bhṛgūn aṅgirasaḥ śritā ity ab iti prakṛtir apām oṃkāreṇa ca\_ ### [1.1.29\_2](https://indike.org/pramana/in.veda.brahmana.gopatha.1.1.29_2) etasmād vyāsaḥ purovāca ### [1.1.29\_3](https://indike.org/pramana/in.veda.brahmana.gopatha.1.1.29_3) bhṛgvaṅgirovidā saṃskṛto 'nyān vedān adhīyīta ### [1.1.29\_4](https://indike.org/pramana/in.veda.brahmana.gopatha.1.1.29_4) nānyatra saṃskṛto bhṛgṅgiraso 'dhīyīta ### [1.1.29\_5](https://indike.org/pramana/in.veda.brahmana.gopatha.1.1.29_5) sāmavede 'tha khilaśrutir brahmacaryeṇa caitasmād atharvāṅgiraso ha yo veda sa veda sarvam iti brāhmaṇam || 29 || ### [1.1.30](https://indike.org/pramana/in.veda.brahmana.gopatha.1.1.30) adhyātmam ātmabhaiṣajyam ātmakaivalyam oṃkāraḥ\_ ātmānaṃ nirudhya saṅgamamātrīṃ bhūtārthacintāṃ cintayet\_ atikramya vedebhyaḥ sarvaparam adhyātmaphalaṃ prāpnotītyarthaḥ savitarkaṃ jñānamayam ity etaiḥ praśnaiḥ prativacanaiś ca yathārthaṃ padam anuvicintya prakaraṇajño hi prabalo viṣayī syāt sarvasmin vākovākya iti brāhmaṇam || 30 || ### [1.1.31](https://indike.org/pramana/in.veda.brahmana.gopatha.1.1.31) etad dha smaitad vidvāṃsam ekādaśākṣaṃ maudgalyaṃ glāvo maitreyo 'bhyājagāma sa tasmin brahmacaryaṃ vasato vijñāyovāca kiṃ svin maryā ayaṃ tan maudgalyo 'dhyeti yad asmin brahmacaryaṃ vasatīti tad dhi maudgalyasyāntevāsī śuśrāva sa ācāryāyāvrajyācacaṣṭe duradhīyānaṃ vā ayaṃ bhavantam avocad yo 'yam adyātithir bhavati kiṃ saumya vidvān iti trīn vedān brūte bho iti tasya saumya vipaṣṭo vijigīṣo 'ntevāsī taṃ me hvayeti tam ājuhāva tam abhyuvācāsāv iti bho iti kiṃ saumya ta ācāryo 'dhyetīti trīn vedān brūte bho iti yan nu khalu saumyāsmābhiḥ sarve vedā mukhato gṛhītāḥ kathaṃ ta evam ācāryo bhāṣate kathaṃ nu śiṣṭāḥ śiṣṭebhya evaṃ bhāṣeran yaṃ hy enam ahaṃ praśnaṃ pṛcchāmi na taṃ vivakṣyati na hy enam adhyetīti sa ha maudgalyaḥ svam antevāsinam uvāca parehi saumya glāvaṃ maitreyam upasīda\_ adhīhi bhoḥ sāvitrīṃ gāyatrīṃ caturviṃśatiyoniṃ dvādaśamithunām\_ yasyā bhṛgvaṅgirasaś cakṣuḥ\_ yasyāṃ sarvam idaṃ śritaṃ tāṃ bhavān prabravītv iti sa cet saumya duradhīyāno bhaviṣyaty ācāryovāca brahmacārī brahmācāriṇo sāvitrīṃ prāheti vakṣyati tat tvaṃ brūyād duradhīyānaṃ taṃ vai bhavān maudgalyam avocat ### [1.1.31x](https://indike.org/pramana/in.veda.brahmana.gopatha.1.1.31x) sa tvā yaṃ praśnam aprākṣīn na taṃ vyavocaḥ ### [1.1.31\_2](https://indike.org/pramana/in.veda.brahmana.gopatha.1.1.31_2) purā saṃvatsarād ārtim āriṣyasīti || 31 || ### [1.1.32](https://indike.org/pramana/in.veda.brahmana.gopatha.1.1.32) sa tatrājagāma yatretaro babhūva taṃ ha papraccha sa ha na pratipede taṃ hovāca duradhīyānaṃ taṃ vai bhavān maudgalyam avocat sa tvā yaṃ praśnam aprākṣīn na taṃ vyavocaḥ purā saṃvatsarād ārtim āriṣyasīti sa ha maitreyaḥ svān antevāsita uvāca yathārthaṃ bhavanto yathāgṛhaṃ yathāmano viprasṛjyantām\_ duradhīyānaṃ vā ahaṃ maudgalyam avocam\_ sa mā yaṃ praśnam aprākṣīn na taṃ vyavocam\_ tam upaiṣyāmi śāntiṃ kariṣyāmīti sa ha maitreyaḥ prātaḥ samitpāṇir maudgalyam upasasādāsau vā ahaṃ bho maitreyaḥ kimartham iti duradhīyānaṃ vā ahaṃ bhavantam avocam\_ tvaṃ mā yaṃ praśnam aprākṣīr na taṃ vyavocam\_ tvām upaiṣyāmi śāntiṃ kariṣyāmīti sa hovācātra vā upetaṃ ca sarvaṃ ca kṛtaṃ pāpakena tvā yānena carantam āhuḥ\_ atho 'yaṃ mama kalyāṇas \[Patyal's transl. implies the emendation āhū ratho\] taṃ te dadāmi tena yāhīti sa hovācaitad evātrātviṣaṃ cānṛśaṃsyaṃ ca yathā bhavān āha\_ upāyāmi tveva bhavantam iti ### [1.1.32x](https://indike.org/pramana/in.veda.brahmana.gopatha.1.1.32x) taṃ hopeyāya ### [1.1.32\_2](https://indike.org/pramana/in.veda.brahmana.gopatha.1.1.32_2) taṃ hopetya papraccha kiṃ svid āhur bhoḥ savitur vareṇyaṃ bhargo devasya kavayaḥ kim āhur dhiyo vicakṣva yadi tāḥ pravettha ### [1.1.32\_3](https://indike.org/pramana/in.veda.brahmana.gopatha.1.1.32_3) pracodayāt savitā yābhir etīti \[ed. pracodayānt, corr. Patyal\] ### [1.1.32\_4](https://indike.org/pramana/in.veda.brahmana.gopatha.1.1.32_4) tasmā etat provāca vedāṃś chandāṃsi savitur vareṇyam ### [1.1.32\_5](https://indike.org/pramana/in.veda.brahmana.gopatha.1.1.32_5) bhargo devasya kavayo 'nnam āhuḥ karmāṇi dhiyas ### [1.1.32\_6](https://indike.org/pramana/in.veda.brahmana.gopatha.1.1.32_6) tad u te prabravīmi pracodayāt savitā yābhir etīti \[ed. pracodayānt\] ### [1.1.32\_7](https://indike.org/pramana/in.veda.brahmana.gopatha.1.1.32_7) tam upasaṃgṛhya papracchādhīhi bhoḥ kaḥ savitā kā sāvitrī || 32 || ### [1.1.33](https://indike.org/pramana/in.veda.brahmana.gopatha.1.1.33) mana eva savitā vāk sāvitrī yatra hy eva manas tad vāg yatra vai vāk tan mana iti\_ ete dve yonī ekaṃ mithunam agnir eva savitā pṛthivī sāvitrī yatra hy evāgnis tat pṛthivī yatra vai pṛthivī tad agnir iti\_ ete dve yonī ekaṃ mithunam\_ vāyur eva savitāntarikṣaṃ sāvitrī yatra hy eva vāyus tad antarikṣaṃ yatra vā antarikṣaṃ tad vāyur iti\_ ete dve yonī ekaṃ mithunam āditya eva savitā dyauḥ sāvitrī yatra hy evādityas tad dyaur yatra vai dyaus tad āditya iti\_ ete dve yonī ekaṃ mithunam\_ candramā eva savitā nakṣatrāṇi sāvitrī yatra hy eva candramās tan nakṣatrāṇi yatra vai nakṣatrāṇi tac candramā iti\_ ete dve yonī ekaṃ mithunam ahar eva savitā rātriḥ sāvitrī yatra hy evāhas tad rātrir yatra vai rātris tad ahar iti\_ ete dve yonī eka mithunam uṣṇam eva savitā śītaṃ sāvitrī yatra hy evoṣṇaṃ tac chītaṃ yatra vai śītaṃ tad uṣṇam iti\_ ete dve yonī ekaṃ mithunam abhram eva savitā varṣaṃ sāvitrī yatra hy evābhraṃ tad varṣaṃ yatra vai varṣaṃ tad abhram iti\_ ### [1.1.33x](https://indike.org/pramana/in.veda.brahmana.gopatha.1.1.33x) ete dve yonī ekaṃ mithunam\_ ### [1.1.33\_2](https://indike.org/pramana/in.veda.brahmana.gopatha.1.1.33_2) vidyud eva savitā stanayitnuḥ sāvitrī ### [1.1.33\_3](https://indike.org/pramana/in.veda.brahmana.gopatha.1.1.33_3) yatra hy eva vidyut tat stanayitnur yatra vai stanayitnus tad vidyud iti\_ ### [1.1.33\_4](https://indike.org/pramana/in.veda.brahmana.gopatha.1.1.33_4) ete dve yonī ekaṃ mithunam\_ ### [1.1.33\_5](https://indike.org/pramana/in.veda.brahmana.gopatha.1.1.33_5) prāṇa eva savitānnaṃ sāvitrī ### [1.1.33\_6](https://indike.org/pramana/in.veda.brahmana.gopatha.1.1.33_6) yatra hy eva prāṇas tad annaṃ yatra vā annaṃ tat prāṇa iti\_ ### [1.1.33\_7](https://indike.org/pramana/in.veda.brahmana.gopatha.1.1.33_7) ete dve yonī ekaṃ mithunam\_ ### [1.1.33\_8](https://indike.org/pramana/in.veda.brahmana.gopatha.1.1.33_8) vedā eva savitā chandāṃsi sāvitrī\_ \[ed. omits sentence end marker\] ### [1.1.33\_9](https://indike.org/pramana/in.veda.brahmana.gopatha.1.1.33_9) yatra hy eva vedās tac chandāṃsi yatra vai chandāṃsi tad vedā iti\_ ### [1.1.33\_10](https://indike.org/pramana/in.veda.brahmana.gopatha.1.1.33_10) ete dve yonī ekaṃ mithunam\_ ### [1.1.33\_11](https://indike.org/pramana/in.veda.brahmana.gopatha.1.1.33_11) yajña eka savitā dakṣiṇāḥ sāvitrī ### [1.1.33\_12](https://indike.org/pramana/in.veda.brahmana.gopatha.1.1.33_12) yatra hy eva yajñas tad dakṣiṇā yatra vai dakṣiṇās tad yajña iti\_ ### [1.1.33\_13](https://indike.org/pramana/in.veda.brahmana.gopatha.1.1.33_13) ete dve yonī ekaṃ mithunam ### [1.1.33\_14](https://indike.org/pramana/in.veda.brahmana.gopatha.1.1.33_14) etad dha smaitad vidvāṃsam opākārim āsastur brahmacārī te saṃsthita ity athaita āsastur ācita iva cito babhūva\_ ### [1.1.33\_15](https://indike.org/pramana/in.veda.brahmana.gopatha.1.1.33_15) athotthāya prāvrājīd ity etad vā ahaṃ veda naitāsu yoniṣv ita etebhyo vā mithunebhyaḥ saṃbhūto brahmacārī mama purāyuṣaḥ preyād iti || 33 || ### [1.1.34](https://indike.org/pramana/in.veda.brahmana.gopatha.1.1.34) brahma hedaṃ śriyaṃ pratiṣṭhām āyatanam aikṣata tat tapasva yadi tad vrate dhriyeta tat satye pratyatiṣṭhat sa savitā sāvitryā brāhmaṇaṃ sṛṣṭvā tat savitrīṃ paryadadhāt tat savitur vareṇyam iti sāvitryāḥ prathamaḥ pādaḥ \[ed. savitryāḥ\] pṛthivy arcaṃ samadadhāt\_ ṛcāgnim agninā śriyam\_ śriyā striyam\_ striyā mithunam\_ mithunena prajām\_ prajayā karma karmaṇā tapas \[ed. kamaṇā\] tapasā satyam\_ satyena brahma brahmaṇā brāhmaṇam\_ brāhmaṇena vratam\_ vratena vai brāhmaṇaḥ saṃśito bhavati\_ aśūnyo bhavaty avichinno bhavaty avichinno 'sya tantur avichinnaṃ jīvanaṃ bhavati ya evaṃ veda yaś caivaṃvidvān evam etaṃ sāvitryāḥ prathamaṃ pādaṃ vyācaṣṭe || 34 || ### [1.1.35](https://indike.org/pramana/in.veda.brahmana.gopatha.1.1.35) bhargo devasya dhīmahīti sāvitryā dvitīyaḥ pādaḥ\_ antarikṣeṇa yajuḥ samadadhāt\_ yajuṣā vāyum\_ vāyunābhram abhreṇa varṣam\_ varṣeṇauṣadhivanaspatīn oṣadhivanaspatibhiḥ paśūn paśubhiḥ karma karmaṇā tapas tapasā satyam\_ satyena brahma brahmaṇā brāhmaṇam\_ brāhmaṇena vratam\_ vratena vai brāhmaṇaḥ saṃśito bhavati\_ aśūnyo bhavaty avichinno bhavaty avichinno 'sya tantur avichinnaṃ jīvanaṃ bhavati ya evaṃ veda yaś caivaṃvidvān evam etaṃ sāvitryā dvitīyaṃ pādaṃ vyācaṣṭe || 35 || ### [1.1.36](https://indike.org/pramana/in.veda.brahmana.gopatha.1.1.36) dhiyo yo naḥ pracodayād iti sāvitryās tṛtīyaḥ pādaḥ\_ divā sāma samadadhāt sāmnādityam ādityena raśmīn \[ed. raśmi+īn\] raśmibhir varṣam\_ varṣeṇauṣadhivanaspatīn oṣadhivanaspatibhiḥ paśūn paśubhiḥ karma karmaṇā tapas tapasā satyam\_ satyena brahma brahmaṇā brāhmaṇam\_ brāhmaṇena vratam\_ vratena vai brāhmaṇaḥ saṃśito bhavati\_ aśūnyo bhavaty avichinno bhavaty avichinno 'sya tantur avichinnaṃ jīvanaṃ bhavati ya evaṃ veda yaś caivaṃvidvān evam etaṃ sāvitryās tṛtīyaṃ pādaṃ vyācaṣṭe || 36 || ### [1.1.37](https://indike.org/pramana/in.veda.brahmana.gopatha.1.1.37) tena ha vā evaṃviduṣā brāhmaṇena brahmābhipannaṃ grasitaṃ parāmṛṣṭam\_ brahmaṇākāśam abhipannaṃ grasitaṃ parāmṛṣṭam ākāśena vāyur abhipanno grasitaḥ parāmṛṣṭaḥ\_ vāyunā jyotir abhipannaṃ grasitaṃ parāmṛṣṭam\_ jyotiṣāpo 'bhipannā grasitāḥ parāmṛṣṭāḥ\_ adbhir bhūmir abhipannā grasitā parāmṛṣṭā bhūmyānnam abhipannaṃ grasitaṃ parāmṛṣṭam annena prāṇo 'bhipanno grasitaḥ parāmṛṣṭaḥ prāṇena mano 'bhipannaṃ grasitaṃ parāmṛṣṭam\_ manasā vāg abhipannā grasitā parāmṛṣṭā vācā vedā abhipannā grasitāḥ parāmṛṣṭāḥ\_ vedair yajño 'bhipanno grasitaḥ parāmṛṣṭas \[ed. parimṛṣṭas\] tāni ha vā etāni dvādaśamahābhūtāny evaṃvidi pratiṣṭhitāni teṣāṃ yajña eva parārdhyaḥ || 37 || ### [1.1.38](https://indike.org/pramana/in.veda.brahmana.gopatha.1.1.38) taṃ ha smaitam evāṃvidvāṃso manyante vidmainam iti yāthātathyam avidvāṃsaḥ\_ ayaṃ yajño vedeṣu pratiṣṭhitaḥ\_ vedā vāci pratiṣṭhitāḥ\_ vāṅ manasi pratiṣṭhitā manaḥ prāṇe pratiṣṭhitam\_ prāṇo 'nne pratiṣṭhitaḥ\_ annaṃ bhūmau pratiṣṭhitam\_ bhūmir apsu pratiṣṭhitā\_ āpo jyotiṣi pratiṣṭhitāḥ\_ jyotir vāyau pratiṣṭhitam\_ vāyur ākāśe pratiṣṭhitaḥ\_ ākāśaṃ brahmaṇi pratiṣṭhitam\_ brahma brāhmaṇe brahmavidi pratiṣṭhitam\_ yo ha vā evaṃvit sa brahmavit puṇyāṃ ca kīrtiṃ labhate surabhīṃś ca gandhān\_ so 'pahatapāpmā\_ anantāṃ śriyam aśnute ya evaṃ veda yaś caivaṃvidvān evam etāṃ vedānāṃ mātaraṃ sāvitrīṃ saṃpadam upaniṣadam upāsta iti brāhmaṇam || 38 || ### [1.1.39](https://indike.org/pramana/in.veda.brahmana.gopatha.1.1.39) \<āpo garbhaṃ janayantīr \[PS 4.1.8\]\> iti\_ apāṃ garbhaḥ puruṣaḥ sa yajñaḥ\_ adbhir yajñaḥ praṇīyamānaḥ prāṅ tāyate tasmād ācamanīyaṃ pūrvam āhārayati sa yad ācāmati trir ācāmati dviḥ pariśumbhati\_ āyur avaruhya pāpmānaṃ nirṇudati\_ upasādya yajuṣoddhṛtya mantrān prayujyāvasāya prācīḥ śākhāḥ saṃdhāya niraṅguṣṭhe pāṇāv amṛtam asy amṛtopastaraṇam asy amṛtāya tvopastṛṇāmīti pāṇāv udakam ānīya \\_iti sūktena trir ācāmati sa yat pūrvam ācāmati sapta prāṇāṃs tān etenāsminn āpyāyayati yā hy emā bāhyāḥ śarīrān mātrās tad yathaitad agniṃ vāyum ādityaṃ candramasam apaḥ paśūn anyāṃś ca prajās tān etenāsminn āpyāyayati\_ āpo 'mṛtam\_ sa yad dvitīyam ācāmati saptāpānāṃs tān etenāsminn āpyāyayati yā hy emā bāhyāḥ śarīrān mātrās tad yathaitat paurṇamāsīm aṣṭakām amāvāsyāṃ śraddhāṃ dīkṣāṃ yajñaṃ dakṣiṇās tān etenāsminn āpyāyayati\_ āpo 'mṛtam\_ sa yat tṛtīyam ācāmati sapta vyānāṃs tān etenāsminn āpyāyayati yā hy emā bāhyāḥ śarīrān mātrās tad yathaitat pṛthivīm antarikṣaṃ divam\_ nakṣatrāṇy ṛtūn ārtavān saṃvatsarāṃs tān etenāsminn āpyāyayati\_ āpo 'mṛtam\_ puruṣo brahma\_ athāpriyanigamo bhavati tasmād vai vidvān puruṣam idaṃ puṇḍarīkam iti \[ed. athāprīṃgnigamo, but see Patyal p. 44\] prāṇa eṣa sa puri śete saṃpuri śeta iti puriśayaṃ santaṃ prāṇaṃ puruṣa ity ācakṣate parokṣeṇa ### [1.1.39x](https://indike.org/pramana/in.veda.brahmana.gopatha.1.1.39x) parokṣapriyā iva hi devā bhavanti pratyakṣadviṣaḥ ### [1.1.39\_2](https://indike.org/pramana/in.veda.brahmana.gopatha.1.1.39_2) sa yat pūrvam ācāmati purastāddhomāṃs tenāsminn avarunddhe ### [1.1.39\_3](https://indike.org/pramana/in.veda.brahmana.gopatha.1.1.39_3) sa yad dvitīyam ācāmaty ājyabhāgau tenāsminn avarunddhe ### [1.1.39\_4](https://indike.org/pramana/in.veda.brahmana.gopatha.1.1.39_4) sa yat tṛtīyam ācāmati saṃsthitahomāṃs tenāsminn avarunddhe ### [1.1.39\_5](https://indike.org/pramana/in.veda.brahmana.gopatha.1.1.39_5) sa yad dviḥ pariśumbhati tat samitsaṃbarhiḥ \[ed. saṃmit, cf. Patyal p. 45\] ### [1.1.39\_6](https://indike.org/pramana/in.veda.brahmana.gopatha.1.1.39_6) sa yat sarvāṇi khāni sarvaṃ deham āpyāyayati yac cānyadātāraṃ mantrakāryaṃ yajñe skandati sarvaṃ tenāsminnavarunddhe ### [1.1.39\_7](https://indike.org/pramana/in.veda.brahmana.gopatha.1.1.39_7) sa yad oṃpūrvān mantrān prayuṅkta ā sarvamedhād ete kratava eta evāsya sarveṣu lokeṣu sarveṣu deveṣu sarveṣu vedeṣu sarveṣu bhūteṣu sarveṣu sattveṣu kāmacāraḥ kāmavimocanaṃ bhavaty ardhe ca na pramīyate ya evaṃ veda ### [1.1.39\_8](https://indike.org/pramana/in.veda.brahmana.gopatha.1.1.39_8) tad apy etad ṛcoktam āpo bhṛgvaṅgiro rūpam āpo bhṛgvaṅgiromayaṃ sarvam āpomayaṃ bhūtaṃ sarvaṃ bhṛgvaṅgiromayam antaraite trayo vedā bhṛgūn aṅgiraso 'nugāḥ || ### [1.1.39\_9](https://indike.org/pramana/in.veda.brahmana.gopatha.1.1.39_9) apāṃ puṣpaṃ mūrtir ākāśaṃ pavitram uttamam iti\_ ### [1.1.39\_10](https://indike.org/pramana/in.veda.brahmana.gopatha.1.1.39_10) ācamyābhyukṣyātmānam anumantrayata \\_iti brāhmaṇaṃ || 39 || ### [1.1.39col](https://indike.org/pramana/in.veda.brahmana.gopatha.1.1.39col) ity atharvavede gopathabrāhmaṇapūrvabhāge prathamaḥ prapāṭhakaḥ || ## Other recensions (1) - [Gopathabrāhmaṇa 1.1.1–1.3.6 (ed. Mitra and Vidyābhūṣaṇa 1872)](https://indike.org/pramana/in.veda.brahmana.gopatha*mitra.1.1.1) — Sanskrit ## Linked texts (4) - [Praṇavopaniṣat](https://indike.org/pramana/in.veda.upanisad.noncanon.pranava-2.p1) — Sanskrit - [Kubjikopāsanāmṛtapūrṇopaniṣat](https://indike.org/pramana/in.veda.upanisad.noncanon.kubjika.7.16) — Sanskrit - [Atharvavedabrāhmaṇa](https://indike.org/pramana/in.veda.brahmana.other.atharvavedabrahmana.1.2) — Brahmā, Sanskrit - [Upanishads](https://indike.org/pramana/in.veda.upanisad.upanishads.2.1-3.5) — Sanskrit ## Discussed in (10) - [A Vedic Concordance](https://indike.org/pramana/ins.reference.bloomfield-1906.c6.2530) — Bloomfield 1906, English - [Vedic Index of Names and Subjects](https://indike.org/pramana/ins.reference.macdonell-keith-1912.v1.c3.s21.1010) — Macdonell & Keith 1912, English - [Original Sanskrit Texts on the Origin and History of the People of India, their Religion and Institutions](https://indike.org/pramana/ins.religion.muir-1868.v2.c18.s9.t1.49) — Muir 1858, English - [The Religion and Philosophy of the Veda and Upanishads](https://indike.org/pramana/ins.religion.keith-1925.v2.c39.s2.6) — Keith 1925, English - [Ancient Indian Education (Brahmanical and Buddhist)](https://indike.org/pramana/ins.science.mookerji-1947.c11.s4.89) — Mookerji 1947, English - [Indian Art: A History of Indian Art from the Earliest Times up to the Third Century A.D.](https://indike.org/pramana/ins.art.agrawala-1965.c8.s1.30) — Agrawala 1965, English - [Shakti and Shâkta: Essays and Addresses on the Shâkta Tantrashâstra](https://indike.org/pramana/ins.religion.woodroffe-1918.c7.s1.19) — Woodroffe 1918, English - [Studies in Indian Art](https://indike.org/pramana/ins.art.agrawala-1965-studies.c11.s5.21) — Agrawala 1965, English - [Education in Ancient India](https://indike.org/pramana/ins.science.altekar-1934-2.c5.19) — Altekar 1934, English - [The Religion of the Veda: The Ancient Religion of India (from Rig-Veda to Upanishads)](https://indike.org/pramana/ins.religion.bloomfield-1908.c9.s1.37) — Bloomfield 1908, English --- Source: [https://indike.org/pramana/in.veda.brahmana.gopatha.1.1](https://indike.org/pramana/in.veda.brahmana.gopatha.1.1) · Pramāṇa