[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Gopathabrahmana](https://indike.org/pramana/in.veda.brahmana.gopatha) › 1.2 # Gopathabrahmana 1.2 Gopathabrāhmaṇa 1.2 - **Language:** Sanskrit ### [1.2.1](https://indike.org/pramana/in.veda.brahmana.gopatha.1.2.1) oṃ \ ity ācāryam āha \\_iti vāyum āha \ ity ādityam āha dīkṣito dīrghaśmaśruḥ\_ eṣa dīkṣita eṣa dīrghaśmaśrur eṣa evācāryasthāne tiṣṭhann ācārya iti stūyate vaidyutasthāne tiṣṭhan vāyur iti stūyate dyausthāne tiṣṭhann āditya iti stūyate tad apy etad ṛcoktaṃ \\_iti brāhmaṇam || 1 || ### [1.2.2](https://indike.org/pramana/in.veda.brahmana.gopatha.1.2.2) jāyamāno ha vai brāhmaṇaḥ saptendriyāṇy abhijāyate brahmavarcasaṃ ca yaśaś ca svapnaṃ ca krodhaṃ ca ślāghāṃ ca rūpaṃ ca puṇyam eva gandhaṃ saptamam\_ tāni ha vā asyaitāni brahmacaryam upetyopakrāmanti mṛgān asya brahmavarcasaṃ gacchati\_ ācāryaṃ yaśaḥ\_ ajagaraṃ svapnaḥ\_ varāhaṃ krodhaḥ\_ apaḥ ślāghā kumārīṃ rūpam oṣadhivanaspatīn puṇyo gandhaḥ sa yan mṛgājināni vaste tena tad brahmavarcasam avarunddhe yad asya mṛgeṣu bhavati sa ha snāto brahmavarcasī bhavati sa yad aharahar ācāryāya karma karoti tena tad yaśo 'varunddhe yad asyācārye bhavati sa ha snāto yaśasvī bhavati sa yat suṣupsur nidrāṃ ninayati tena taṃ svapnam avarunddhe yo 'syājagare bhavati taṃ ha snātaṃ svapantam āhuḥ svapitu mainaṃ bobudhatheti sa yat kruddho vācā na kaṃ cana hinasti puruṣātpuruṣāt pāpīyān iva manyamānas tena taṃ krodham avarunddhe yo 'sya varāhe bhavati tasya ha snātasya krodhāḥ ślāghīyasaṃ viśante\_ athādbhiḥ ślāghamāno na snāyāt tena tāṃ ślāghām avarunddhe yāsyāpsu bhavati sa ha snātaḥ ślāghīyo 'nyebhyaḥ ślāghyate\_ athaitad brahmacāriṇo rūpaṃ yat kumāryās tāṃ nagnāṃ nodīkṣeta\_ iti veti vā mukhaṃ viparidhāpayet ### [1.2.2x](https://indike.org/pramana/in.veda.brahmana.gopatha.1.2.2x) tena tad rūpam avarunddhe yad asya kumāryāṃ bhavati ### [1.2.2\_2](https://indike.org/pramana/in.veda.brahmana.gopatha.1.2.2_2) taṃ ha snātaṃ kumārīm iva nirīkṣante\_ ### [1.2.2\_3](https://indike.org/pramana/in.veda.brahmana.gopatha.1.2.2_3) athaitad brahmacāriṇaḥ puṇyo gandho ya oṣadhivanaspatīnāṃ tāsāṃ puṇyaṃ gandhaṃ pracchidya nopajighret ### [1.2.2\_4](https://indike.org/pramana/in.veda.brahmana.gopatha.1.2.2_4) tena taṃ puṇyaṃ gandham avarunddhe yo 'syauṣadhivanasvapatiṣu bhavati ### [1.2.2\_5](https://indike.org/pramana/in.veda.brahmana.gopatha.1.2.2_5) sa ha snātaḥ puṇyagandhir bhavati || 2 || ### [1.2.3](https://indike.org/pramana/in.veda.brahmana.gopatha.1.2.3) sa vā eṣa upayaṃś caturdhopaity agniṃ pādenācāryaṃ pādena grāmaṃ pādena mṛtyuṃ pādena sa yad aharahaḥ samidha āhṛtya sāyaṃprātar agniṃ paricaret tena taṃ pādam avarunddhe yo 'syāgnau bhavati sa yad aharahar ācāryāya karma karoti tena taṃ pādam avarunddhe yo 'syācārye bhavati sa yad aharahar grāmaṃ praviśya bhikṣām eva parīpsati na maithunaṃ tena taṃ pādam avarunddhe yo 'sya grāme bhavati sa yat kruddho vācā na kaṃ cana hinasti puruṣātpuruṣāt pāpīyān iva manyamānas tena taṃ pādam avarunddhe yo 'sya mṛtyau bhavati || 3 || ### [1.2.4](https://indike.org/pramana/in.veda.brahmana.gopatha.1.2.4) pañca ha vā ete brahmacāriṇy agnayo dhīyante dvau pṛthagghastayor mukhe hṛdaya upastha eva pañcamaḥ sa yad dakṣiṇena pāṇinā striyaṃ na spṛśati tenāharaharyājināṃ lokam avarunddhe yat savyena tena pravrājinām\_ yan mukhena tenāgnipraskandinām\_ yad dhṛdayena tena śūrāṇām\_ yad upasthena tena gṛhamedhinām\_ taiś cet striyaṃ parāharaty anagnir iva śiṣyate sa yad aharahar ācāryāya kule 'nutiṣṭhate so 'nuṣṭhāya brūyād dharma gupto mā gopāyeti dharmo hainaṃ gupto gopāyati tasya ha prajā śvaḥ śvaḥ śreyasī śreyasīha bhavati dhāyyaiva pratidhīyate svarge loke pitṝn nidadhāti tāntavaṃ na vasīta yas tāntavaṃ vaste kṣatraṃ vardhate na brahma tasmāt tāntavaṃ na vasīta brahma vardhatāṃ mā kṣatram iti nopary āsīta yad upary āste prāṇam eva tadātmano 'dharaṃ kurute yad vāto vahati\_ adha evāsītādhaḥ śayītādhas tiṣṭhed adho vrajet\_ evaṃ ha sma vai tat pūrve brāhmaṇā brahmacaryaṃ caranti taṃ ha sma tatputraṃ bhrātaraṃ vopatāpinam āhur upanayetainam iti\_ ā samiddhārāt svar eṣyanto 'nnam adyāt\_ athāha jaghanam āhuḥ snāpayetainam itiy ā samiddhārāt\_ ### [1.2.4x](https://indike.org/pramana/in.veda.brahmana.gopatha.1.2.4x) na hy etāni vratāni bhavanti ### [1.2.4\_2](https://indike.org/pramana/in.veda.brahmana.gopatha.1.2.4_2) taṃ cec chayānam ācāryo 'bhivadet sa pratisaṃhāya pratiśṛṇuyāt ### [1.2.4\_3](https://indike.org/pramana/in.veda.brahmana.gopatha.1.2.4_3) taṃ cec chayānam utthāya taṃ ced utthitam abhiprakramya taṃ ced abhiprakrāntam abhipalāyamānam ### [1.2.4\_4](https://indike.org/pramana/in.veda.brahmana.gopatha.1.2.4_4) evaṃ ha sma vai tat pūrve brāhmaṇā brahmacaryaṃ caranti ### [1.2.4\_5](https://indike.org/pramana/in.veda.brahmana.gopatha.1.2.4_5) teṣāṃ ha sma vaiṣā puṇyā kīrtir gacchaty ā ha vā ayaṃ so 'dya gamiṣyatīti || 4 || ### [1.2.5](https://indike.org/pramana/in.veda.brahmana.gopatha.1.2.5) janamejayo ha vai pārīkṣito mṛgayāṃ cariṣyan haṃsābhyām asiṣyann upāvatastha iti tāv ūcatur janamejayaṃ pārīkṣitam abhyājagāma sa hovāca namo vāṃ bhagavantau kau nu bhagavantāv iti tāv ūcatur dakṣiṇāgniś cāhavanīyaś ceti sa hovāca namo vāṃ bhagavantau tad ākīyatām iti\_ ihopārāmam iti\_ api kila devā na ramante na hi devā na ramantae\_ api caikopārāmād devā ārāmam upasaṃkrāmantīti sa hovāca namo vāṃ bhagavantau kiṃ puṇyam iti brahmacaryam iti kiṃ laukyam iti brahmacaryam eveti tat ko veda iti dantāvalo dhaumraḥ\_ atha khalu dantāvalo dhaumro yāvati tāvati kāle pārīkṣitaṃ janamejayam abhyājagāma tasmā utthāya svayam eva viṣṭaraṃ nidadhau tam upasaṃgṛhya papracchādhīhi bho kiṃ puṇyam iti brahmacaryam iti kiṃ laukyam iti brahmacaryam eveti tasmā etat provācāṣṭācatvāriṃśad varṣaṃ sarvavedabrahmacaryam\_ tac caturdhā vedeṣu vyuhya dvādaśavarṣaṃ brahmacaryaṃ dvādaśavarṣāṇy avarārdham ### [1.2.5x](https://indike.org/pramana/in.veda.brahmana.gopatha.1.2.5x) api snāyaṃś cared yathāśakty aparam\_ ### [1.2.5\_2](https://indike.org/pramana/in.veda.brahmana.gopatha.1.2.5_2) tasmā uhasyṛṣabhau sahasraṃ dadau\_ ### [1.2.5\_3](https://indike.org/pramana/in.veda.brahmana.gopatha.1.2.5_3) apy apakīrtitam ācāryo brahmacārīty eka āhur ākāśam adhidaivatam ### [1.2.5\_4](https://indike.org/pramana/in.veda.brahmana.gopatha.1.2.5_4) athādhyātmaṃ brāhmaṇo vratavāṃś caraṇavān brahmacārī || 5 || ### [1.2.6](https://indike.org/pramana/in.veda.brahmana.gopatha.1.2.6) brahma ha vai prajā mṛtyave saṃprāyacchat\_ brahmacāriṇam eva na saṃpradadau sa hovācāśyām asminn iti kim iti yāṃ rātrīṃ samidham anāhṛtya vaset tām āyuṣo 'varundhīyeti tasmād brahmacāry aharahaḥ samidha āhṛtya sāyaṃprātar agniṃ paricaret\_ nopary upasādayed atha pratiṣṭhāpayet\_ yad upary upasādayej jīmūtavarṣī tad ahaḥ parjanyo bhavati te devā abruvan brāhmaṇo vā ayaṃ brahmacaryaṃ cariṣyati brūtāsmai bhikṣā iti gṛhapatir brūta bahucārī gṛhapatnyā iti kim asyā vṛñjītādadatyā iti\_ iṣṭāpūrtasukṛtadraviṇam avarundhyād iti tasmād brahmacāriṇe 'harahar bhikṣāṃ dadyād gṛhiṇī mā māyam iṣṭāpūrtasukṛtadraviṇam avarundhyād iti saptamīṃ nātinayet saptamīm atinayan na brahmacārī bhavati samidbhaikṣe saptarātram acaritavān brahmacārī punarupaneyo bhavati || 6 || ### [1.2.7](https://indike.org/pramana/in.veda.brahmana.gopatha.1.2.7) nopariśāyī syān na gāyano na nartano na saraṇo na niṣṭhīvet\_ yad upariśāyī bhavaty abhīkṣṇaṃ nivāsā jāyante yad gāyano bhavaty abhīkṣṇaśa ākrandān dhāvante yan nartano bhavaty abhīkṣṇaśaḥ pretān nirharante yat saraṇo bhavaty abhīkṣṇaśaḥ prajāḥ saṃviśante yan niṣṭhīvati madhya eva tadātmano niṣṭhīvati sa cen niṣṭhīved \ \ \\_ity ātmānam anumantrayate \ || \\_iti na śmaśānam ātiṣṭhet sa ced abhitiṣṭhed udakaṃ haste kṛtvā \ abhimantrya japant samprokṣya parikrāmet samayāyoparivrajed \\_iti\_ atha haitad devānāṃ pariṣūtaṃ yad brahmacārī tad apy etad ṛcoktaṃ devānām etat pariṣūtam anabhyārūḍhaṃ carati rocamānaṃ tasmin sarve paśavas tatra yajñās tasminn annaṃ saha devatābhir iti brāhmaṇam || 7 || ### [1.2.8](https://indike.org/pramana/in.veda.brahmana.gopatha.1.2.8) prāṇāpānau janayann iti śaṅkhasya mukhe maharṣer vasiṣṭhasya putra etāṃ vācaṃ sasṛje śītoṣṇāv ihotsau prādur bhaveyātām iti tathā tac chaśvad anuvartate\_ atha khalu vipāṇ madhye vasiṣṭhaśilā nāma prathama āśramaḥ\_ dvitīyaḥ kṛṣṇaśilās tasmin vasiṣṭhaḥ samatapat\_ viśvāmitrajamadagnī jāmadagne tapataḥ\_ gautamabharadvājau siṃhau prabhave tapataḥ\_ guṃgur guṃguvāse tapati\_ ṛṣir ṛṣidroṇe 'bhyatapat\_ agastyo 'gastyatīrthe tapati divy atrir ha tapati svayambhūḥ kaśyapaḥ kaśyapatuṅge 'bhyatapat\_ ulavṛkarkṣutarakṣuḥ śvā varāhacilvaṭibabrukāḥ sarpadaṃṣṭranaḥ saṃhanukṛṇvānāḥ kaśyapatuṅgadarśanāt saraṇavāṭāt siddhir bhavati brāhmyaṃ varṣasahasram ṛṣivane brahmacāryekapādenātiṣṭhati dvitīyaṃ varṣasahasraṃ mūrdhany evāmṛtasya dhārām ādhārayat\_ brāhmāṇyaṣṭācatvāriṃśad varṣasahasrāṇi salilasya pṛṣṭhe śivo 'bhyatapat tasmāt taptāt tapaso bhūya evābhyatapat tad apy etā ṛco 'bhivadanti prāṇāpānau janayann iti brāhmaṇam || 8 || ### [1.2.9](https://indike.org/pramana/in.veda.brahmana.gopatha.1.2.9) ekapād dvipada iti vāyur ekapāt tasyākāśaṃ pādaḥ\_ candramā dvipāt tasya pūrvapakṣāparapakṣau pādau\_ ādityas tripāt tasyeme lokāḥ pādāḥ\_ agniḥ ṣaṭpādas tasya pṛthivy antarikṣaṃ dyaur āpa oṣadhivanaspataya imāni bhūtāni pādās teṣāṃ sarveṣāṃ vedā gatir ātmā pratiṣṭhitāś catasro brahmaṇaḥ śākhāḥ\_ atho āhuḥ ṣaḍ iti mūrtir ākāśaś ceti\_ \[ed. ahuḥ\] ṛcā mūrtiḥ\_ yājuṣī gatiḥ sāmamayaṃ tejaḥ\_ bhṛgvaṅgirasā māyā\_ etad brahmaiva yajñaś catuṣpād dviḥ saṃsthita iti tasya bhṛgvaṅgirasaḥ saṃsthe atho āhur ekasaṃsthita iti yad dhotarcāṃ maṇḍalaiḥ karoti pṛthivīṃ tenāpyāyayati\_ etasyāṃ hy agniś carati tad apy etad ṛcoktam \\_iti yad adhvaryur yajuṣā karoty antarikṣaṃ tenāpyāyayati tasmin vāyur na niviśate katamac ca nāhar iti ### [1.2.9x](https://indike.org/pramana/in.veda.brahmana.gopatha.1.2.9x) tad apy etad ṛcoktam \\_iti ### [1.2.9\_2](https://indike.org/pramana/in.veda.brahmana.gopatha.1.2.9_2) yad udgātā sāmnā karoti divaṃ tenāpyāyayati ### [1.2.9\_3](https://indike.org/pramana/in.veda.brahmana.gopatha.1.2.9_3) tatra hy ādityaḥ śukraś carati ### [1.2.9\_4](https://indike.org/pramana/in.veda.brahmana.gopatha.1.2.9_4) tad apy etad ṛcoktam \ iti ### [1.2.9\_5](https://indike.org/pramana/in.veda.brahmana.gopatha.1.2.9_5) yad brahmarcāṃ kāṇḍaiḥ karoty apas tenāpyāyayati ### [1.2.9\_6](https://indike.org/pramana/in.veda.brahmana.gopatha.1.2.9_6) candramā hy apsu carati ### [1.2.9\_7](https://indike.org/pramana/in.veda.brahmana.gopatha.1.2.9_7) tad apy etad ṛcoktaṃ candramā apsv antar iti tāsām oṣadhivanaspatayaḥ kāṇḍāni ### [1.2.9\_8](https://indike.org/pramana/in.veda.brahmana.gopatha.1.2.9_8) tato mūlakāṇḍaparṇapuṣpaphalapraroharasagandhair yajño vartate\_ ### [1.2.9\_9](https://indike.org/pramana/in.veda.brahmana.gopatha.1.2.9_9) adbhiḥ karṇāṇi pravartante\_ ### [1.2.9\_10](https://indike.org/pramana/in.veda.brahmana.gopatha.1.2.9_10) adbhiḥ somo 'bhiṣūyate ### [1.2.9\_11](https://indike.org/pramana/in.veda.brahmana.gopatha.1.2.9_11) tad yad brahmāṇāṃ karṇāṇi karmaṇy āmantrayaty apas tenānujānāti\_ ### [1.2.9\_12](https://indike.org/pramana/in.veda.brahmana.gopatha.1.2.9_12) eṣo hy asya bhāgas ### [1.2.9\_13](https://indike.org/pramana/in.veda.brahmana.gopatha.1.2.9_13) tad yathā bhokṣyamāṇaḥ\_ ### [1.2.9\_14](https://indike.org/pramana/in.veda.brahmana.gopatha.1.2.9_14) apa eva prathamam ācāmayed apa upariṣṭād evaṃ yajño 'dbhir eva pravartate\_ ### [1.2.9\_15](https://indike.org/pramana/in.veda.brahmana.gopatha.1.2.9_15) apsu saṃsthāpyate tasmād brahmā purastāddhomasaṃsthitahomair yajño vartate\_ ### [1.2.9\_16](https://indike.org/pramana/in.veda.brahmana.gopatha.1.2.9_16) antarā hi purastāddhomasaṃsthitahomair yajñaṃ parigṛhṇāti\_ ### [1.2.9\_17](https://indike.org/pramana/in.veda.brahmana.gopatha.1.2.9_17) antarā hi bhṛgvaṅgiraso vedān āduhya bhṛgvaṅgirasaḥ somapānaṃ manyante ### [1.2.9\_18](https://indike.org/pramana/in.veda.brahmana.gopatha.1.2.9_18) somātmako hy ayaṃ veda ### [1.2.9\_19](https://indike.org/pramana/in.veda.brahmana.gopatha.1.2.9_19) tad apy etad ṛcoktaṃ somaṃ manyate papivān iti ### [1.2.9\_20](https://indike.org/pramana/in.veda.brahmana.gopatha.1.2.9_20) tad yathemāṃ pṛthivīm udīrṇāṃ jyotiṣā dhūmāyamānāṃ varṣaṃ śamayati\_ ### [1.2.9\_21](https://indike.org/pramana/in.veda.brahmana.gopatha.1.2.9_21) evaṃ brahmā bhṛgvaṅgirobhir vyāhṛtibhir yajñasya viriṣṭaṃ śamayati\_ ### [1.2.9\_22](https://indike.org/pramana/in.veda.brahmana.gopatha.1.2.9_22) agnir ādityāya śamayati\_ ### [1.2.9\_23](https://indike.org/pramana/in.veda.brahmana.gopatha.1.2.9_23) ete 'ṅgirasaḥ\_ ### [1.2.9\_24](https://indike.org/pramana/in.veda.brahmana.gopatha.1.2.9_24) eta idaṃ sarvaṃ samāpnuvanti ### [1.2.9\_25](https://indike.org/pramana/in.veda.brahmana.gopatha.1.2.9_25) vāyur āpaś candramā ity ete bhṛgavaḥ\_ ### [1.2.9\_26](https://indike.org/pramana/in.veda.brahmana.gopatha.1.2.9_26) eta idaṃ sarvaṃ samāpyāyayanti\_ ### [1.2.9xx](https://indike.org/pramana/in.veda.brahmana.gopatha.1.2.9xx) ekam eva saṃsthaṃ bhavatīti brāhmaṇam || 9 || ### [1.2.10](https://indike.org/pramana/in.veda.brahmana.gopatha.1.2.10) vicārī ha vai kābandhiḥ kabandhasyātharvaṇasya putro medhāvī mīmāṃsako 'nūcāna āsa sa ha svenātimānena mānuṣaṃ vittaṃ neyāya taṃ mātovāca ta evaitad annam avocaṃs ta ima eṣu kurupañcāleṣv aṅgamagadheṣu kāśikauśaleṣu śālvamatsyeṣu savaśośīnareṣūdīcyeṣv annam adantīti\_ atha vayaṃ tavaivātimānenānādyāḥ smaḥ\_ vatsa vāhanam anviccheti sa māndhātur yauvanāśvasya sārvabhaumasya rājñaḥ somaṃ prasūtam ājagāma sa sado 'nupraviśyartvijaś ca yajamānaṃ cāmantrayām āsa tad yāḥ prācyo nadyo vahanti yāś ca dakṣiṇācyo yāś ca pratīcyo yāś codīcyas tāḥ sarvāḥ pṛthaṅnāmadheyā ity ācakṣate tāsāṃ samudram abhipadyamānānāṃ chidyate nāmadheyaṃ samudra ity ācakṣate evam ime sarve vedā nirmitāḥ sakalpāḥ sarahasyāḥ sabrāhmaṇāḥ sopaniṣatkāḥ setihāsāḥ sānvākhyānāḥ sapurāṇāḥ sasvarāḥ sasaṃskārāḥ saniruktāḥ sānuśāsanāḥ sānumārjanāḥ savākovākyās teṣāṃ yajñam abhipadyamānānāṃ chidyate nāmadheyaṃ yajña ity evācakṣate || 10 || ### [1.2.11](https://indike.org/pramana/in.veda.brahmana.gopatha.1.2.11) bhūmer ha vā etad vicchinnaṃ devayajanaṃ yad aprākpravaṇaṃ yad anudakpravaṇaṃ yatkṛtrimaṃ yat samaviṣamam idaṃ ha tv eva devayajanaṃ yat samaṃ samūlam avidagdhaṃ pratiṣṭhitaṃ prāgudakpravaṇaṃ samaṃ samāstīrṇam iva bhavati yatra brāhmaṇasya brāhmaṇatāṃ vidyād brahmā brahmatvaṃ karotīti voce chandas tan na vindāmo yenottaram emahīti tān ha papraccha kiṃ vidvān hotā hautraṃ karoti kiṃ vidvān adhvaryur ādhvaryavaṃ karoti kiṃ vidvān udgātaudgātraṃ karoti kiṃ vidvān brahmā brahmatvaṃ karotīti voce chandas tan na vindāmo yenottaram emahīti te brūmo vāg eva hotā hautraṃ karoti vāco hi stomāś ca vaṣaṭkārāś cābhisampadyante te brūmo vāg eva hotā vāg brahma vāg deva iti prāṇāpānābhyām evādhvaryur ādhvaryavaṃ karoti prāṇapraṇītāni ha bhūtāni prāṇapraṇītāḥ praṇītās te brūmaḥ prāṇāpānāv evādhvaryuḥ prāṇāpānau brahma prāṇāpānau deva iti cakṣuṣaivodgātaudgātraṃ karoti cakṣuṣā hīmāni bhūtāni paśyanti\_ atho cakṣur evodgātā cakṣur brahma cakṣur deva iti manasaiva brahmā brahmatvaṃ karoti manasā hi tiryak ca diśa ūrdhvaṃ yac ca kiṃ ca manasaiva karoti tad brahma te brūmo mana eva brahmā mano brahma mano deva iti || 11 || ### [1.2.12](https://indike.org/pramana/in.veda.brahmana.gopatha.1.2.12) tad yathā ha vā idaṃ yajamānaś ca yājayitāraś ca divaṃ brūyuḥ pṛthivīti pṛthivīṃ vā dyaur iti brūyus tad anyo nānujānāty etām evaṃ nānujānāti yad etad brūyāt\_ atha nu katham iti hotety eva hotāraṃ brūyād vāg iti vācaṃ brahmeti brahma deva iti devam adhvaryur ity evādhvaryuṃ brūyāt prāṇāpānāv iti prāṇāpānau brahmeti brahma deva iti devam udgātety evodgātāraṃ brūyāc cakṣur iti cakṣur brahmeti brahma deva iti devaṃ brahmety eva brahmāṇaṃ brūyān mana iti mano brahmeti brahma deva iti devam || 12 || ### [1.2.13](https://indike.org/pramana/in.veda.brahmana.gopatha.1.2.13) nānāpravacanāni ha vā etāni bhūtāni bhavanti ye caivāsomapaṃ yājayanti ye ca surāpaṃ ye ca brāhmaṇaṃ vicchinnaṃ somayājinaṃ taṃ prātaḥ samitpāṇaya upodeyur upāyāmo bhavantam iti kimartham iti yān eva no bhavāṃs tān hyaḥ praśnān apṛcchat tān eva no bhavān vyācakṣīteti tatheti tebhya etān praśnān vyācacaṣṭe tad yena ha vā idaṃ vidyamānaṃ cāvidyamānaṃ cābhinidadhāti tad brahma tad yo veda sa brāhmaṇo 'dhīyāno 'dhītyācakṣata iti brāhmaṇam || 13 || ### [1.2.14](https://indike.org/pramana/in.veda.brahmana.gopatha.1.2.14) athāto devayajanāni\_ ātmā devayajanam\_ śraddhā devayajanam ṛtvijo devayajanam\_ bhaumaṃ devayajanam\_ tad vā etad ātmā devayajanaṃ yad upavyāyacchamāno vānupavyāyacchamāno vā śarīram adhivasati\_ eṣa yajñaḥ\_ eṣa yajataḥ\_ etaṃ yajantaḥ\_ etad devayajanam athaitac chraddhā devayajanam\_ yadaiva kadā cid ādadhyāt\_ śraddhā tv evainaṃ nātīyāt tad devayajanam athaitad ṛtvijo devayajanam\_ yatra kva cid brāhmaṇo vidyāvān mantreṇa karoti tad devayajanam athetad bhaumaṃ devayajanam\_ yatrāpas tiṣṭhanti yatra syandanti pra tad vahanty udvahanti tad devayajanam\_ yat samaṃ samūlam avidagdhaṃ pratiṣṭhitaṃ prāgudakpravaṇaṃ samaṃ samāstīrṇam iva bhavati yasya śvabhra ūrmo vṛkṣaḥ parvato nadī panthā vā purastāt syāt\_ na devayajanamātraṃ purastāt paryavaśiṣyet\_ nottarato 'gneḥ paryupasīderann iti brāhmaṇam || 14 || ### [1.2.15](https://indike.org/pramana/in.veda.brahmana.gopatha.1.2.15) aditir vai prajākāmaudanam apacat tata ucchiṣṭam āśnāt sā garbham adhatta tata ādityā ajāyanta ya eṣa odanaḥ pacyata ārambhaṇam evaitat kriyata ākramaṇam eva prādeśamātrīḥ samidho bhavanti\_ etāvān hy ātmā prajāpatinā saṃmitaḥ\_ agner vai yā yajñiyā tanūr aśvatthe tayā samagacchata\_ eṣāsya ghṛtyā tanūr yad ghṛtam\_ yad ghṛtena samidho 'nakti tābhyām evainaṃ tat tanūbhyāṃ samardhayati yan nirmārgasyādadhāty avagūrtyā vai vīryaṃ kriyate yan nirmārgasyādadhāty avagūrtyā eva saṃvatsaro vai prajananam agniḥ prajananam etat prajananam\_ yat saṃvatsara ṛcāgnau samidham ādadhāti prajananād evainaṃ tat prajanayitā prajanayati\_ abhaktartur vai puruṣaḥ\_ na hi tad veda yam ṛtum abhijāyate yan nakṣatraṃ tad āpnoti ya eṣa odanaḥ pacyate yonir evaiṣā kriyate yat samidha ādhīyante retas tad dhīyate saṃvatsare vai reto hitaṃ prajāyate yaḥ saṃvatsare paryete 'gnim ādhatte prajātam evainam ādhatte ### [1.2.15x](https://indike.org/pramana/in.veda.brahmana.gopatha.1.2.15x) dvādaśasu rātrīṣu purā saṃvatsarasyādheyās ### [1.2.15\_2](https://indike.org/pramana/in.veda.brahmana.gopatha.1.2.15_2) tā hi saṃvatsarasya pratimā\_ ### [1.2.15\_3](https://indike.org/pramana/in.veda.brahmana.gopatha.1.2.15_3) atho tisṛṣv atho dvayor atho pūrvedyur ādheyās ta evāgnim ādadhānena\_ ### [1.2.15\_4](https://indike.org/pramana/in.veda.brahmana.gopatha.1.2.15_4) ādityā vā ita uttamā amuṃ lokam āyan\_ ### [1.2.15\_5](https://indike.org/pramana/in.veda.brahmana.gopatha.1.2.15_5) te pathirakṣayas ta iyakṣamāṇaṃ pratinudantaḥ\_ ### [1.2.15\_6](https://indike.org/pramana/in.veda.brahmana.gopatha.1.2.15_6) uccheṣaṇabhājā vā ādityāḥ\_ ### [1.2.15\_7](https://indike.org/pramana/in.veda.brahmana.gopatha.1.2.15_7) \[yad ucchiṣṭam\]\_ ### [1.2.15\_8](https://indike.org/pramana/in.veda.brahmana.gopatha.1.2.15_8) yad ucchiṣṭena samidho 'nakti tebhya eva prāvocat tebhya eva procya svargaṃ lokaṃ yāti || 15 || ### [1.2.16](https://indike.org/pramana/in.veda.brahmana.gopatha.1.2.16) prajāpatir atharvā devaḥ sa tapas taptvaitaṃ cātuḥprāśyaṃ brahmaudanaṃ niramimīta caturlokaṃ caturdevaṃ caturvedaṃ caturhautram iti catvāro vā ime lokāḥ pṛthivy antarikṣaṃ dyaur āpa iti catvāro vā ime devā agnir vāyur ādityaś candramāḥ\_ catvāro vā ime vedā ṛgvedo yajurvedaḥ sāmavedo brahmaveda iti catasro vā imā hotrā hautram ādhvaryavam audgātraṃ brahmatvam iti tad apy etad ṛcoktaṃ \\_iti catvāri śṛṅgeti vedā vā eta uktās trayo asya pādā iti savanāny eva dve śīrṣe iti brahmaudanapravargyāv eva sapta hastāso asyeti chandāṃsy eva tridhā baddha iti mantraḥ kalpo brāhmaṇam\_ vṛṣabho roravīty eṣa ha vai vṛṣabha eṣa tad roravīti yad yajñeṣu śastrāṇi śaṃsaty ṛgbhir yajurbhiḥ sāmabhir brahmabhir iti maho devo martyāṃ āviveśety eṣa ha vai mahān devo yad yajñaḥ\_ eṣa martyāṃ āviveśa yo vidyāt sapta pravata iti prāṇān āha sapta vidyāt parāvata ity apānān āha śiro yajñasya yo vidyād ity etad vai yajñasya śiro yan mantravān brahmaudanaḥ\_ yo ha vā etam amantravantaṃ brahmaudanam upeyād apaśirasā ha vā asya yajñam upeto bhavati tasmān mantravantam eva brahmaudanam upeyān nāmantravantam iti brāhmaṇam || 16 || \[ed. brāhmanam\] ### [1.2.17](https://indike.org/pramana/in.veda.brahmana.gopatha.1.2.17) kim upajña ātreyo bhavatīti\_ ādityaṃ hi tamo jagrāha tad atrir apanunoda tad atrir anvapaśyat tad apy etad ṛcoktaṃ \ \\_iti taṃ hovāca varaṃ vṛṇīṣveti sa hovāca dakṣiṇīyā me prajā syād iti tasmād ātreyāya prathamaṃ dakṣiṇā yajñe dīyanta iti brāhmaṇam || 17 || ### [1.2.18](https://indike.org/pramana/in.veda.brahmana.gopatha.1.2.18) prajāpatir vedān uvācāgnīn ādadhīyeti tān vāg abhyuvācāśvo vai sambhārāṇām iti taṃ ghorāt krūrāt salilāt sarasa udāninyus tān vāg abhyuvācāśvaḥ śamyeteti tatheti tam ṛgveda etyovācāham aśvaṃ śameyam iti tasmā abhisṛptāya mahad bhayaṃ sasṛje sa etāṃ prācīṃ diśaṃ bheje sa hovācāśānto nv ayam aśva iti taṃ yajurveda etyovācāham aśvaṃ śameyam iti tasmā abhisṛptāya mahad bhayaṃ sasṛje sa etāṃ pratīcīṃ diśaṃ bheje sa hovācāśānto nv ayam aśva iti taṃ sāmaveda etyovācāham aśvaṃ śameyam iti kena nu tvaṃ śamayiṣyasīti rathantaraṃ nāma me sāmāghoraṃ cākrūraṃ ca tenāśva abhiṣṭūyeteti tasmā apy abhisṛptāya tad eva mahad bhayaṃ sasṛje sa etām udīcīṃ diśaṃ bheje sa hovācāśānto nv ayam aśva iti tān vāg abhyuvāca śaṃyumātharvaṇaṃ gacchateti te śaṃyumātharvaṇam āsīnaṃ prāpyocur namas te astu bhagavann aśvaḥ śamyeteti tatheti ### [1.2.18x](https://indike.org/pramana/in.veda.brahmana.gopatha.1.2.18x) sa khalu kabandhasyātharvaṇasya putram āmantrayām āsa vicārinn iti ### [1.2.18\_2](https://indike.org/pramana/in.veda.brahmana.gopatha.1.2.18_2) bhago iti hāsmai pratiśrutaṃ pratiśruśrāva\_ ### [1.2.18\_3](https://indike.org/pramana/in.veda.brahmana.gopatha.1.2.18_3) aśva śamyeteti ### [1.2.18\_4](https://indike.org/pramana/in.veda.brahmana.gopatha.1.2.18_4) tatheti ### [1.2.18\_5](https://indike.org/pramana/in.veda.brahmana.gopatha.1.2.18_5) sa khalu śāntyudakaṃ cakārātharvaṇībhiś cāṅgirasībhiś ca cātanair mātṛnāmabhir vāstoṣpatyair iti śamayati ### [1.2.18\_6](https://indike.org/pramana/in.veda.brahmana.gopatha.1.2.18_6) tasya ha snātasyāśvasyābhyukṣitasya sarvebhyo romasamarebhyo 'ṅgārā āśīryanta ### [1.2.18\_7](https://indike.org/pramana/in.veda.brahmana.gopatha.1.2.18_7) so 'śvas tuṣṭo namaskāraṃ cakāra ### [1.2.18\_8](https://indike.org/pramana/in.veda.brahmana.gopatha.1.2.18_8) namaḥ śaṃyumātharvaṇāya yo mā yajñiyam acīkḷpad iti ### [1.2.18\_9](https://indike.org/pramana/in.veda.brahmana.gopatha.1.2.18_9) bhaviṣyanti ha vā ato 'nye brāhmaṇā laghusambhāratamās ### [1.2.18\_10](https://indike.org/pramana/in.veda.brahmana.gopatha.1.2.18_10) ta ādityasya pada ādhāsyanty anaḍuho vatsasyājasya śravaṇasya brahmacāriṇo vā\_ ### [1.2.18\_11](https://indike.org/pramana/in.veda.brahmana.gopatha.1.2.18_11) etad vā ādityasya padaṃ yad bhūmis ### [1.2.18\_12](https://indike.org/pramana/in.veda.brahmana.gopatha.1.2.18_12) tasyaiva pada āhitaṃ bhaviṣyatīti ### [1.2.18\_13](https://indike.org/pramana/in.veda.brahmana.gopatha.1.2.18_13) so 'gnau praṇīyamāṇe 'śve 'nvārabdhaṃ brahmā yajamānaṃ vācayati \\_iti pañca ### [1.2.18\_14](https://indike.org/pramana/in.veda.brahmana.gopatha.1.2.18_14) taṃ brāhmaṇā upavahanti taṃ brahmopākuruta ### [1.2.18\_15](https://indike.org/pramana/in.veda.brahmana.gopatha.1.2.18_15) eṣa ha vai vidvānt sarvavid brahmā yad bhṛṅgirovid iti brāhmaṇam || 18 || ### [1.2.19](https://indike.org/pramana/in.veda.brahmana.gopatha.1.2.19) devāś ca ha vā asurāś cāspardhanta te devā indram abruvann imaṃ nas tāvad yajñaṃ gopāya yāvad asuraiḥ saṃyatāmahā iti sa vai nas tena rūpeṇa gopāya yena no rūpeṇa bhūyiṣṭhaṃ chādayasi yena śakṣyasi goptum iti sa ṛgvedo bhūtvā purastāt parītyopātiṣṭhat taṃ devā abruvann anyat tad rūpaṃ kuruṣva naitena no rūpeṇa bhūyiṣṭhaṃ chādayasi naitena śakṣyasi goptum iti sa yajurvedo bhūtvā paścāt parītyopātiṣṭhat taṃ devā abruvann anyat tad rūpaṃ kuruṣva naitena no rūpeṇa bhūyiṣṭhaṃ chādayasi naitena śakṣyasi goptum iti sa samāvedo bhūtvottarataḥ parītyopātiṣṭhat taṃ devā abruvann anyad eva tad rūpaṃ kuruṣva naitena no rūpeṇa bhūyiṣṭhaṃ chādayasi naitena śakṣyasi goptum iti sa indra uṣṇīṣī brahmavedo bhūtvā dakṣiṇataḥ parītyopātiṣṭhat taṃ devā abruvann etat tad rūpaṃ kuruṣvaitena no rūpeṇa bhūyiṣṭhaṃ chādayasy etena śakṣyasi goptum iti tad yad indra uṣṇīṣī brahmavedo bhūtvā dakṣiṇataḥ parītyopātiṣṭhat tad brahmābhavat tad brahmaṇo brahmatvam\_ tad vā etad atharvaṇo rūpaṃ yad uṣṇīṣī brahmā taṃ dakṣiṇato viśve devā upāsīdan\_ taṃ yad dakṣiṇato viśve devā upāsīdaṃs tat sadasyo 'bhavat tat sadasyasya sadasyatvam\_ baler ha vā etad balam upajāyate yat sadasye\_ āmayato vai vrajasya bahulataraṃ vrajaṃ vidanti ghorā vā eṣā dig dakṣiṇā śāntā itarās tad yāni stutāni brahmānumantrayate manasaiva tāni sadasyo janad ity etāṃ vyāhṛtiṃ japati\_ ātmānaṃ janayati najityātmānam apitve dadhāti taṃ devā abruvan varaṃ vṛṇīṣveti ### [1.2.19x](https://indike.org/pramana/in.veda.brahmana.gopatha.1.2.19x) vṛṇā iti ### [1.2.19\_2](https://indike.org/pramana/in.veda.brahmana.gopatha.1.2.19_2) sa varam avṛṇīta\_ ### [1.2.19\_3](https://indike.org/pramana/in.veda.brahmana.gopatha.1.2.19_3) asyām eva māṃ hotrāyām indrabhūtaṃ punanta stuvantaḥ śaṃsantas tiṣṭheyur iti \[ed. tistheyur, corr. Patyal\] ### [1.2.19\_4](https://indike.org/pramana/in.veda.brahmana.gopatha.1.2.19_4) taṃ tasyām eva hotrāyām indrabhūtaṃ punanta stuvantaḥ śaṃsanto 'tiṣṭhan\_ ### [1.2.19\_5](https://indike.org/pramana/in.veda.brahmana.gopatha.1.2.19_5) taṃ yat tasyām eva hotrāyām indrabhūtaṃ punanta stuvantaḥ śaṃsanto 'tiṣṭhaṃs tad brāhmaṇācchaṃsy abhavat ### [1.2.19\_6](https://indike.org/pramana/in.veda.brahmana.gopatha.1.2.19_6) tad brāhmaṇācchaṃsino brāhmaṇācchaṃsitvam\_ ### [1.2.19\_7](https://indike.org/pramana/in.veda.brahmana.gopatha.1.2.19_7) saiṣaindrī hotrā yad brāhmaṇācchaṃsīyā ### [1.2.19\_8](https://indike.org/pramana/in.veda.brahmana.gopatha.1.2.19_8) dvitīyaṃ varaṃ vṛṇīṣveti ### [1.2.19\_9](https://indike.org/pramana/in.veda.brahmana.gopatha.1.2.19_9) vṛṇā iti ### [1.2.19\_10](https://indike.org/pramana/in.veda.brahmana.gopatha.1.2.19_10) sa varam avṛṇīta\_ ### [1.2.19\_11](https://indike.org/pramana/in.veda.brahmana.gopatha.1.2.19_11) asyām eva māṃ hotrāyāṃ vāyubhūtaṃ punanta stuvantaḥ śaṃsantas tistheyur iti \[ed. tistheyur\] ### [1.2.19\_12](https://indike.org/pramana/in.veda.brahmana.gopatha.1.2.19_12) taṃ tasyām eva hotrāyāṃ vāyubhūtaṃ punanta stuvantaḥ śaṃsanto 'tiṣṭhan\_ ### [1.2.19\_13](https://indike.org/pramana/in.veda.brahmana.gopatha.1.2.19_13) taṃ yat tasyām eva hotrāyāṃ vāyubhūtaṃ punanta stuvantaḥ śaṃsanto 'tiṣṭhaṃs tat potābhavat ### [1.2.19\_14](https://indike.org/pramana/in.veda.brahmana.gopatha.1.2.19_14) tat potuḥ potṛtvam\_ ### [1.2.19\_15](https://indike.org/pramana/in.veda.brahmana.gopatha.1.2.19_15) saiṣā vāyavyā hotrā yat potrīyā ### [1.2.19\_16](https://indike.org/pramana/in.veda.brahmana.gopatha.1.2.19_16) tṛtīyaṃ varaṃ vṛṇīṣveti ### [1.2.19\_17](https://indike.org/pramana/in.veda.brahmana.gopatha.1.2.19_17) vṛṇā iti ### [1.2.19\_18](https://indike.org/pramana/in.veda.brahmana.gopatha.1.2.19_18) sa varam avṛṇīta\_ ### [1.2.19\_19](https://indike.org/pramana/in.veda.brahmana.gopatha.1.2.19_19) asyām eva māṃ hotrāyām agnibhūtam indhānāḥ punanta stuvanta śaṃsantas tiṣṭheyur iti \[ed. tistheyur\] ### [1.2.19\_20](https://indike.org/pramana/in.veda.brahmana.gopatha.1.2.19_20) taṃ tasyām eva hotrāyām agnibhūtam indhānāḥ punanta stuvantaḥ śaṃsanto 'tiṣṭhan\_ \[ed. 'tisthaṃs, corr. Patyal\] ### [1.2.19\_21](https://indike.org/pramana/in.veda.brahmana.gopatha.1.2.19_21) taṃ yat tasyām eva hotrāyām agnibhūtam indhānāḥ punanta stuvantaḥ śaṃsanto 'tiṣṭhaṃs tad āgnīdhro 'bhavat \[ed. 'tisthaṃs\] ### [1.2.19\_22](https://indike.org/pramana/in.veda.brahmana.gopatha.1.2.19_22) tad āgnīdhrasyāgnīdhratvam\_ ### [1.2.19\_23](https://indike.org/pramana/in.veda.brahmana.gopatha.1.2.19_23) saiṣāgneyī hotrā yad āgnīdhrīyeti brāhmaṇam || 19 || ### [1.2.20](https://indike.org/pramana/in.veda.brahmana.gopatha.1.2.20) brāhmaṇo ha vā imam agniṃ vaiśvānaraṃ babhāra so 'yam agnir vaiśvānaro brāhmaṇena bhriyamāṇa imāṃl lokāñ janayate\_ athāyam īkṣate 'gnir jātavedā brāhmaṇadvitīyo ha vā ayam idam agnir vaiśvānaro jvalati hantāhaṃ yan mayi teja idriyaṃ vīryaṃ tad darśayāmy uta vai mā bibhṛyād iti sa ātmānam āpyāyyaitaṃ payo 'dhok tam imaṃ brāhmaṇaṃ darśayitvātmany ajuhot sa dvitīyam ātmānam āpyāyyaitaṃ ghṛtam adhok tam imaṃ brāhmaṇaṃ darśayitvātmany ajuhot sa tṛtīyam ātmānam āpyāyyaitad idaṃ viśvaṃ vikṛtam annādyam adhok tam imaṃ brāhmaṇaṃ darśayitvātmany ajuhot sa caturtham ātmānam āpyāyyaitena brāhmaṇasya jāyāṃ virājam apaśyat tām asmai prāyacchat sātmā apitvam abhavat tata imam agniṃ vaiśvānaraṃ parāsyur brāhmaṇo 'gniṃ jātavedasam adhatta so 'yam abravīd agne jātavedo 'bhinidhehi mehīti tasya dvaitaṃ nāmādhattāghoraṃ cākrūraṃ ca so 'śvo bhavat tasmād aśvo vahena rathaṃ na bhavati pṛsthena sādinam\_ sa devān āgacchat sa devebhyo 'nvātiṣṭhat tasmād devā abibhayus taṃ brahmaṇe prāyacchat tam etayarcāśamayat || 20 || ### [1.2.21](https://indike.org/pramana/in.veda.brahmana.gopatha.1.2.21) \\_iti tam etābhiḥ pañcabhir ṛgbhir upākurute \\_iti \[ed. pratamaṃ, corrected p. 302\] so 'śāmyat tasmād aśvaḥ paśūnāṃ jighatsutamo bhavati vaiśvānaro hy eṣa tasmād agnipadam aśvaṃ brahmaṇe dadāti brahmaṇe hi prattam\_ tasya rasam apīḍayat sa raso 'bhavat\_ raso ha vā eṣa taṃ vā etaṃ rasaṃ santaṃ ratha ity ācakṣate parokṣeṇa parokṣapriyā iva hi devā bhavanti pratyakṣadviṣaḥ sa devān āgacchat sa devebhyo 'nvātiṣṭhat tasmād devā abibhayus taṃ brahmaṇe prāyacchat tam etayarcājyāhutyābhyajuhot\_ \ iti ratham abhihutya tam etayarcātiṣṭhad \ iti tasmād āgnyādheyikaṃ rathaṃ brahmaṇe dadāti brahmaṇe hi prattam\_ tasya takṣāṇas tanūṃ jyeṣṭhāṃ dakṣiṇāṃ niramimata tāṃ pañcasv apaśyad ṛci yajuṣi sāmni śānte 'tha ghore tāsāṃ dve brahmaṇe prāyacchad vācaṃ ca jyotiś ca ### [1.2.21x](https://indike.org/pramana/in.veda.brahmana.gopatha.1.2.21x) vāg vai dhenur jyotir hiraṇyam\_ ### [1.2.21\_2](https://indike.org/pramana/in.veda.brahmana.gopatha.1.2.21_2) tasmād āgnyādheyikāṃ cātuḥprāśyāṃ dhenuṃ brahmaṇe dadāti ### [1.2.21\_3](https://indike.org/pramana/in.veda.brahmana.gopatha.1.2.21_3) brahmaṇe hi prattā ### [1.2.21\_4](https://indike.org/pramana/in.veda.brahmana.gopatha.1.2.21_4) paśuṣu śāmyamāneṣu cakṣur hāpayanti ### [1.2.21\_5](https://indike.org/pramana/in.veda.brahmana.gopatha.1.2.21_5) cakṣur eva tad ātmani dhatte ### [1.2.21\_6](https://indike.org/pramana/in.veda.brahmana.gopatha.1.2.21_6) yad vai cakṣus tad dhiraṇyam\_ ### [1.2.21\_7](https://indike.org/pramana/in.veda.brahmana.gopatha.1.2.21_7) tasmād āgnyādheyikaṃ hiraṇyaṃ brahmaṇe dadāti ### [1.2.21\_8](https://indike.org/pramana/in.veda.brahmana.gopatha.1.2.21_8) brahmaṇe hi prattaṃ ### [1.2.21\_9](https://indike.org/pramana/in.veda.brahmana.gopatha.1.2.21_9) tasyātmann adhatta ### [1.2.21\_10](https://indike.org/pramana/in.veda.brahmana.gopatha.1.2.21_10) tena prājvalayat\_ ### [1.2.21\_11](https://indike.org/pramana/in.veda.brahmana.gopatha.1.2.21_11) yan nādhatta tad āglābhavat ### [1.2.21\_12](https://indike.org/pramana/in.veda.brahmana.gopatha.1.2.21_12) tad āglā bhūtvā sā samudraṃ prāviśat \[cf. PS 17.28.1 for this and the following sentences\] ### [1.2.21\_13](https://indike.org/pramana/in.veda.brahmana.gopatha.1.2.21_13) sā samudram adahat ### [1.2.21\_14](https://indike.org/pramana/in.veda.brahmana.gopatha.1.2.21_14) tasmāt samudro durgiravapi ### [1.2.21\_15](https://indike.org/pramana/in.veda.brahmana.gopatha.1.2.21_15) vaiśvānareṇa hi dagdhaḥ ### [1.2.21\_16](https://indike.org/pramana/in.veda.brahmana.gopatha.1.2.21_16) sā pṛthivīm udait ### [1.2.21\_17](https://indike.org/pramana/in.veda.brahmana.gopatha.1.2.21_17) sā pṛthivīṃ vyadahat ### [1.2.21\_18](https://indike.org/pramana/in.veda.brahmana.gopatha.1.2.21_18) sā devān āgacchat ### [1.2.21\_19](https://indike.org/pramana/in.veda.brahmana.gopatha.1.2.21_19) sā devān aheḍat ### [1.2.21\_20](https://indike.org/pramana/in.veda.brahmana.gopatha.1.2.21_20) te devā brahmāṇam upādhāvan\_ ### [1.2.21\_21](https://indike.org/pramana/in.veda.brahmana.gopatha.1.2.21_21) sa naivāgāyan nānṛtyat ### [1.2.21\_22](https://indike.org/pramana/in.veda.brahmana.gopatha.1.2.21_22) saiṣāglā\_ ### [1.2.21\_23](https://indike.org/pramana/in.veda.brahmana.gopatha.1.2.21_23) eṣā kāruvidā nama ### [1.2.21\_24](https://indike.org/pramana/in.veda.brahmana.gopatha.1.2.21_24) taṃ vā etam āglāhataṃ santam āglāgṛdha ity ācakṣate parokṣeṇa ### [1.2.21\_25](https://indike.org/pramana/in.veda.brahmana.gopatha.1.2.21_25) parokṣapriyā iva hi devā bhavanti pratyakṣadviṣāḥ\_ \[ed. -dviṣo\] ### [1.2.21\_26](https://indike.org/pramana/in.veda.brahmana.gopatha.1.2.21_26) ya eṣa brāhmaṇo gāyano nartano vā bhavati tam āglāgṛdha ity ācakṣate ### [1.2.21xx](https://indike.org/pramana/in.veda.brahmana.gopatha.1.2.21xx) tasmād brāhmaṇo naiva gāyen na nṛtyen māglāgṛdhaḥ syāt ### [1.2.21\_27](https://indike.org/pramana/in.veda.brahmana.gopatha.1.2.21_27) tasmād brāhmyaṃ pūrvaṃ havir aparaṃ prājāpatyaṃ ### [1.2.21\_28](https://indike.org/pramana/in.veda.brahmana.gopatha.1.2.21_28) prājāpatyād brāhmyam evottaram iti brāhmaṇam || 21 || ### [1.2.22](https://indike.org/pramana/in.veda.brahmana.gopatha.1.2.22) atharvāṇaś ca ha vā aṅgirasaś ca bhṛgucakṣuṣī tad brahmābhivyapaśyan\_ tadajānanvayaṃ vā idaṃ sarvaṃ yad bhṛgvaṅgirasa iti te devā brāhmyaṃ havir yat sāṃtapane 'gnāv ajuhavuḥ\_ etad vai brāhmyaṃ havir yat sāṃtapane 'gnau hūyata eṣa ha vai sāṃtapano 'gnir yad brāhmaṇas tasyorjayorjāṃ devā abhajanta sumanasa eva svadhāṃ pitaraḥ śraddhayā svargaṃ lokaṃ brāhmaṇās tena sunvanty ṛṣayo 'ntata striyaḥ kevala ātmany avārundhata bāhyā ubhayena sunvanti yad vai yajñe brāhmyaṃ havir na nirupyetānṛjavaḥ prājāpatyahaviṣo manuṣyā jāyeran\_ asau yāṃl lokāñ chṛṇv iti pitā hy eṣa āhavanīyasya gārhapatyasya dakṣiṇāgner yo 'gnihotraṃ juhotīti \[ed. yāllokāñ, āhavaṇīyasya\] devāḥ priye dhāmani madanti teṣām eṣo 'gniḥ sāṃtapanaḥ śreṣṭho bhavati\_ etasya vāci tṛptāyām agnis tṛpyati prāṇe tṛpte vāyus tṛpyati cakṣuṣi tṛpta ādityas tṛpyati manasi tṛpte candramās tṛpyati śrotre tṛpte diśaś cāntardeśāś ca tṛpyanti sneheṣu tṛpteṣv āpas tṛpyanti lomeṣu tṛpteṣv oṣadhivanaspatayas tṛpyanti śarīre tṛpte pṛthivī tṛptati\_ evam eṣo 'gniḥ sāṃtapanaḥ śreṣṭhas tṛptaḥ sarvāṃs tṛptāṃs tarpayatīti brāhmaṇam || 22 || ### [1.2.23](https://indike.org/pramana/in.veda.brahmana.gopatha.1.2.23) sāṃtapanā idaṃ havir iti\_ eṣa ha vai sāṃtapano 'gnir yad brāhmaṇo yasya garbhādhānapuṃsavanasīmantonnayanajātakarmanāmakaraṇaniṣkramaṇānnaprāśanagodānacūḍākaraṇopanayanāplavanāgnihotravratacaryādīni kṛtāni bhavanti sa sāṃtapanaḥ\_ atha yo 'yamanagnikaḥ sa kumbhe loṣṭas tad yathā kumbhe loṣṭaḥ prakṣipto naiva śaucārthāya kalpate naiva śasyaṃ nirvartayaty evam evāyaṃ brāhmaṇo 'nagnikas tasya brāhmaṇasyānagnikasya naiva daivaṃ dadyān na pitryaṃ na cāsya svādhyāyāśiṣo na yajñāśiṣaḥ svargaṃgamā bhavanti tad apy etad ṛcoktam \ iti brāhmaṇam || 23 || ### [1.2.24](https://indike.org/pramana/in.veda.brahmana.gopatha.1.2.24) atha ha prajāpatiḥ somena yakṣyamāṇo vedān uvāca kaṃ vo hotāraṃ vṛṇīya kam adhvaryuṃ kam udgātāraṃ kaṃ brāhmaṇam iti ta ūcur ṛgvidam eva hotāraṃ vṛṇīṣ.va yajurvidam adhvaryuṃ sāmavidam udgātāram atharvāṅgirovidaṃ brāhmaṇam\_ tathā hāsya yajñaś caturṣu lokeṣu caturṣu deveṣu caturṣu vedeṣu catasṛṣu hotrāsu catuṣpād yajñaḥ pratitiṣṭhati pratitiṣṭhati prajayā paśubhir ya evaṃ veda tasmād ṛgvidam eva hotāraṃ vṛṇīṣva sa hi hautraṃ veda\_ agnir vai hotā pṛthivī vā ṛcām āyatanam agnir devatā gāyatraṃ chando bhūr iti śukram\_ tasmāt tam eva hotāraṃ vṛṇīṣvety etasya lokasya jitaye\_ etasya lokasya vijitaye\_ etasya lokasya saṃjitaye\_ etasya lokasyāvaruddhaye\_ etasya lokasya vivṛddhaye\_ etasya lokasya samṛddhaye\_ etasya lokasyodāttaye\_ etasya lokasya vyāptaye\_ etasya lokasya paryāptaye\_ etasya lokasya samāptaye\_ atha cen naivaṃvidaṃ hotāraṃ vṛṇute purastād evaiṣāṃ yajño ricyate yajurvidam evādhvaryuṃ vṛṇīṣva sa hy ādhvaryavaṃ veda vāyur vā adhvaryuḥ\_ antarikṣaṃ vai yajuṣām āyatanam\_ vāyur devatā traiṣṭubhaṃ chando bhuva iti śukram\_ ### [1.2.24x](https://indike.org/pramana/in.veda.brahmana.gopatha.1.2.24x) tasmāt tam evādhvaryuṃ vṛṇīṣvety etasya lokasyety eva\_ ### [1.2.24\_2](https://indike.org/pramana/in.veda.brahmana.gopatha.1.2.24_2) atha cen naivaṃvidam adhvaryuṃ vṛṇute paścād evaiṣāṃ yajño ricyate ### [1.2.24\_3](https://indike.org/pramana/in.veda.brahmana.gopatha.1.2.24_3) sāmavidam evodgātāraṃ vṛṇīṣva ### [1.2.24\_4](https://indike.org/pramana/in.veda.brahmana.gopatha.1.2.24_4) sa hy audgātraṃ veda\_ ### [1.2.24\_5](https://indike.org/pramana/in.veda.brahmana.gopatha.1.2.24_5) ādityo vā udgātā ### [1.2.24\_6](https://indike.org/pramana/in.veda.brahmana.gopatha.1.2.24_6) dyaur vai sāmnām āyatanam ### [1.2.24\_7](https://indike.org/pramana/in.veda.brahmana.gopatha.1.2.24_7) ādityo devatā jāgataṃ chandaḥ svar iti śukram\_ ### [1.2.24\_8](https://indike.org/pramana/in.veda.brahmana.gopatha.1.2.24_8) tasmāt tam evodgātāraṃ vṛṇīṣvety etasya lokasyety eva\_ ### [1.2.24\_9](https://indike.org/pramana/in.veda.brahmana.gopatha.1.2.24_9) atha cen naivaṃvidam udgātāraṃ vṛṇuta uttarata evaiṣāṃ yajño ricyate\_ ### [1.2.24\_10](https://indike.org/pramana/in.veda.brahmana.gopatha.1.2.24_10) atharvāṅgirovidam eva brahmāṇaṃ vṛṇīṣva ### [1.2.24\_11](https://indike.org/pramana/in.veda.brahmana.gopatha.1.2.24_11) sa hi brahmatvaṃ veda ### [1.2.24\_12](https://indike.org/pramana/in.veda.brahmana.gopatha.1.2.24_12) candramā vai brahmā\_ \[ed. brahāpo\] ### [1.2.24\_13](https://indike.org/pramana/in.veda.brahmana.gopatha.1.2.24_13) āpo vai bhṛgavaṅgirasām āyatanam\_ ### [1.2.24\_14](https://indike.org/pramana/in.veda.brahmana.gopatha.1.2.24_14) candramā devatā vaidyutaś coṣṇikkākubhe chandasī om ity atharvaṇāṃ śukraṃ janad ity aṅgirasām\_ ### [1.2.24\_15](https://indike.org/pramana/in.veda.brahmana.gopatha.1.2.24_15) tasmāt tam eva brahmāṇaṃ vṛṇīṣvety etasya lokasya jitaye\_ ### [1.2.24\_16](https://indike.org/pramana/in.veda.brahmana.gopatha.1.2.24_16) etasya lokasya vijitaye\_ ### [1.2.24\_17](https://indike.org/pramana/in.veda.brahmana.gopatha.1.2.24_17) etasya lokasya saṃjitaye\_ ### [1.2.24\_18](https://indike.org/pramana/in.veda.brahmana.gopatha.1.2.24_18) etasya lokasyāvaruddhaye\_ ### [1.2.24\_19](https://indike.org/pramana/in.veda.brahmana.gopatha.1.2.24_19) etasya lokasya vivṛddhaye\_ ### [1.2.24\_20](https://indike.org/pramana/in.veda.brahmana.gopatha.1.2.24_20) etasya lokasya samṛddhaye\_ ### [1.2.24\_21](https://indike.org/pramana/in.veda.brahmana.gopatha.1.2.24_21) etasya lokasyodāttaye\_ ### [1.2.24\_22](https://indike.org/pramana/in.veda.brahmana.gopatha.1.2.24_22) etasya lokasya vyāptaye\_ ### [1.2.24\_23](https://indike.org/pramana/in.veda.brahmana.gopatha.1.2.24_23) etasya lokasya paryāptaye\_ ### [1.2.24\_24](https://indike.org/pramana/in.veda.brahmana.gopatha.1.2.24_24) etasya lokasya samāptaye\_ ### [1.2.24\_25](https://indike.org/pramana/in.veda.brahmana.gopatha.1.2.24_25) atha cen naivaṃvidaṃ brahmāṇaṃ vṛṇute dakṣiṇata evaiṣāṃ yajño ricyate dakṣiṇata evaiṣāṃ yajño ricyate || 24 || ### [1.2.24col](https://indike.org/pramana/in.veda.brahmana.gopatha.1.2.24col) ity atharvavede gopathabrāhmaṇapūrvabhāge dvitīyaḥ prapāṭhakaḥ || ## Other recensions (1) - [Gopathabrāhmaṇa 1.1.1–1.3.6 (ed. Mitra and Vidyābhūṣaṇa 1872)](https://indike.org/pramana/in.veda.brahmana.gopatha*mitra.1.2.1) — Sanskrit ## Linked texts (20) - [Vaitānaśrautasūtra](https://indike.org/pramana/in.vedanga.kalpa.srauta.vaitana.88) — Sanskrit - [Atharvaveda](https://indike.org/pramana/in.veda.samhita.atharvaveda.11.56_107) — Sanskrit - [Atharvavedabrāhmaṇa](https://indike.org/pramana/in.veda.brahmana.atharvavedabrahmana.4.2) — Brahmā, Sanskrit - [A Vedic Concordance](https://indike.org/pramana/ins.reference.bloomfield-1906.c6.7536) — Maurice Bloomfield, English - [Vedic Index of Names and Subjects](https://indike.org/pramana/ins.reference.macdonell-keith-1912.v1.c3.s16.73) — Arthur A. Macdonell & A. Berriedale Keith, English - [Altindische Grammatik](https://indike.org/pramana/ins.literature.wackernagel-1896.v3.c9.1100) — Jacob Wackernagel & Albert Debrunner, German - [Ancient Indian Education (Brahmanical and Buddhist)](https://indike.org/pramana/ins.science.mookerji-1947.c12.s2.13) — Radhakumud Mookerji, English - [Kāṭhakaśākhā](https://indike.org/pramana/in.veda.samhita.kathakasakha.9.15) — Sanskrit - [Śūdras in Ancient India: A Social History of the Lower Order down to circa A.D. 600](https://indike.org/pramana/ins.polity.sharma-1958.c9.220) — R. S. Sharma, English - [India as Known to Pāṇini: A Study of the Cultural Material in the Ashṭādhyāyī](https://indike.org/pramana/ins.general.agrawala-1953.c7.s4.33) — V. S. Agrawala, English - [Kāṭhakasaṃhitā](https://indike.org/pramana/in.veda.samhita.kathakasamhita.18.15) — Sanskrit - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v5.c74.t2.87) — P. V. Kane, English - [The History and Culture of the Indian People](https://indike.org/pramana/ins.general.majumdar-1951-hcip.v1.c22.s4.52) — R. C. Majumdar & A. D. Pusalker, English - [Aṅgirasī](https://indike.org/pramana/in.veda.samhita.angirasi.348.1-2) — Sanskrit - [Tribes in Ancient India](https://indike.org/pramana/ins.geography.law-1943.c13.3) — Bimala Churn Law, English - [Historical Geography of Ancient India](https://indike.org/pramana/ins.geography.law-1954.c10.239) — Bimala Churn Law, English - [Die Kosmographie der Inder nach den Quellen dargestellt](https://indike.org/pramana/ins.geography.kirfel-1920.c7.s1.t4.68) — Willibald Kirfel, German - [Cunningham's Ancient Geography of India](https://indike.org/pramana/ins.geography.cunningham-majumdar-1924.c14.s2.t2.1) — Alexander Cunningham & Surendranath Majumdar Sastri, English - [The System of the Vedânta according to Bâdarâyana's Brahma-Sûtras and Çankara's Commentary](https://indike.org/pramana/ins.religion.deussen-1912.c5.s1.t2.6) — Paul Deussen & Charles Johnston, English - [Education in Ancient India](https://indike.org/pramana/ins.science.altekar-1934-2.c4.40) — A. S. Altekar, English --- Source: [https://indike.org/pramana/in.veda.brahmana.gopatha.1.2](https://indike.org/pramana/in.veda.brahmana.gopatha.1.2) · Pramāṇa