<!-- Pramāṇa, a library of Indian primary sources · https://indike.org/pramana/in.veda.brahmana.gopatha.2.1.26 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Gopathabrahmana](https://indike.org/pramana/in.veda.brahmana.gopatha) › 2.1.26

# Gopathabrahmana 2.1.26

Gopathabrāhmaṇa 2.1.26

- **Language:** Sanskrit

### [2.1.26](https://indike.org/pramana/in.veda.brahmana.gopatha.2.1.26)

trayodaśaṃ vā etaṃ māsam āpnoti yac chunāsīryeṇa yajate\_  
etāvān vai saṃvatsaro yāvān eṣa trayodaśo māsaḥ\_  
atha yad agniṃ praṇayanti yam evāmuṃ vaiśvadeve manthanti tam eva tat praṇayanti  
yan mathyate tasyoktaṃ brāhmaṇam\_  
yady u na mathyate paurṇamāsam eva tantraṃ bhavati  
pratiṣṭhā vai paurṇamāsam\_  
pratiṣṭhityā evātha yad vāyuṃ yajati prāṇo vai vāyuḥ  
prāṇam eva tena prīṇāti\_  
atha yac chunāsīraṃ yajati saṃvatsaro vai śunāsīraḥ  
saṃvatsaram eva tena prīṇāti\_  
atha yat sūryaṃ yajaty asau vai sūryo yo 'sau tapati\_  
etam eva tena prīṇāti\_  
atha yac chvetāṃ dakṣiṇāṃ dadāty etasyaiva tad rūpaṃ kriyate\_  
atha yat prāyaścittapratinidhiṃ kurvanti svastyayanam eva tat kurvanti  
yajñasyaiva śāntir yajamānasya bhaiṣajyāya  
tair vā etaiś cāturmāsyair devāḥ sarvān kāmān āpnuvaṃt sarvā iṣṭīḥ sarvam amṛtatvam\_  
sa vā eṣa prajāpatiḥ saṃvatsaraś caturviṃśo yac cāturmāsyāni  
tasya mukham eva vaiśvadevam\_  
bāhū varuṇapraghāsāḥ  
prāṇo 'pāno vyāna ity etās tisra iṣṭayaḥ\_ \[ed. praṇo\]  
ātmā mahāhaviḥ  
pratiṣṭhā śunāsīram\_  
sa vā eṣa prajāpatir eva saṃvatsaro yac cāturmāsyāni

- [Previous: 2.1.25\_7](https://indike.org/pramana/in.veda.brahmana.gopatha.2.1.25_7)
- [Next: 2.1.26x](https://indike.org/pramana/in.veda.brahmana.gopatha.2.1.26x)
- [Up: 2.1](https://indike.org/pramana/in.veda.brahmana.gopatha.2.1)

## Linked texts (4)

- [Kauṣītakibrāhmaṇa](https://indike.org/pramana/in.veda.brahmana.kausitaki.5.10.8) — Kauṣītaki, Sanskrit
- [Ṛgvedaśāṅkhāyanīyabrāhmaṇa](https://indike.org/pramana/in.veda.brahmana.rgvedasankhayaniyabrahmana.5.9) — Sanskrit
- [Ṛgvedabrāhmaṇa](https://indike.org/pramana/in.veda.brahmana.rgvedabrahmana.5.8) — Sanskrit
- [Atharvavedabrāhmaṇa](https://indike.org/pramana/in.veda.brahmana.atharvavedabrahmana.9.26) — Brahmā, Sanskrit

---
Source: [https://indike.org/pramana/in.veda.brahmana.gopatha.2.1.26](https://indike.org/pramana/in.veda.brahmana.gopatha.2.1.26) · Pramāṇa