[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Gopathabrahmana](https://indike.org/pramana/in.veda.brahmana.gopatha) › 2.3.23 # Gopathabrahmana 2.3.23 Gopathabrāhmaṇa 2.3.23 - **Language:** Sanskrit ### [2.3.23](https://indike.org/pramana/in.veda.brahmana.gopatha.2.3.23) tad āhuḥ kiṃdevatyo yajña iti\_ aindra iti brūyāt\_ aindre vāva yajñe sati yathābhāgam anyā devatā anvāyaṃs tāḥ prātaḥsavane marutvatīye tṛtīyasavane ca\_ atha haitat kevalam evendrasya yad ūrdhvaṃ marutvatīyāt tasmāt sarve niṣkevalyāni śaṃsanti yad eva niṣkevalyāni tat svargasya lokasya rūpam\_ yad v eva niṣkevalyāny ekaṃ ha vā agre savanam āsīt prātaḥsavanam eva\_ atha haitaṃ prajāpatir indrāya jyeṣṭhāya putrāyaitat savanaṃ niramimīta yan mādhyaṃdinaṃ savanam\_ tasmān mādhyaṃdine savane sarve niṣkevalyāni śaṃsanti yad eva niṣkevalyāni tat svargasya lokasya rūpam\_ yad v eva niṣkevalyāni yā ha vai devatāḥ prātaḥsavane hotā śaṃsati tāḥ śastvā hotrāśaṃsino 'nuśaṃsanti maitrāvaruṇaṃ tṛcaṃ pra'uge hotā śaṃsati tad ubhayaṃ maitrāvaruṇaṃ maitrāvaruṇo 'nuśaṃsati\_ aindraṃ tṛcaṃ pra'uge hotā śaṃsati tad ubhayam aindram aindraṃ brāhmaṇācchaṃsy anuśaṃsati\_ aindrāgnaṃ tṛcaṃ pra'uge hotā śaṃsati tad ubhayam aindrāgnāgnam acchāvāko 'nuśaṃsati\_ atha haitat kevalam evendrasya yad ūrdhvaṃ marutvatīyāt tasmāt sarve niṣkevalyāni śaṃsanti yad eva niṣkevalyāni tat svargasya lokasya rūpam\_ yad v eva niṣkevalyāni \\_ity ṛcābhyanūktam\_ devān ha yajñaṃ tanvānān asurarakṣāṃsy ajighāṃsan\_ te 'bruvan vāmadevaṃ tvaṃ na imaṃ yajñaṃ dakṣiṇato gopāyeti - [Previous: 2.3.22\_14](https://indike.org/pramana/in.veda.brahmana.gopatha.2.3.22_14) - [Next: 2.3.23x](https://indike.org/pramana/in.veda.brahmana.gopatha.2.3.23x) - [Up: 2.3](https://indike.org/pramana/in.veda.brahmana.gopatha.2.3) ## Linked texts (6) - [Atharvaveda](https://indike.org/pramana/in.veda.samhita.atharvaveda.20.21_535) — Sanskrit - [Metrically restored text (van Nooten & Holland)](https://indike.org/pramana/in.veda.samhita.rg*vnh.7.98.5) — Sanskrit - [Śaunakasaṃhitā](https://indike.org/pramana/in.veda.samhita.atharva*saunaka.20.87.5) — Sanskrit - [Aṅgirasī](https://indike.org/pramana/in.veda.samhita.angirasi.511.5) — Sanskrit - [A Vedic Concordance](https://indike.org/pramana/ins.reference.bloomfield-1906.c6.6134) — Maurice Bloomfield, English - [Atharvavedabrāhmaṇa](https://indike.org/pramana/in.veda.brahmana.atharvavedabrahmana.12.23) — Brahmā, Sanskrit --- Source: [https://indike.org/pramana/in.veda.brahmana.gopatha.2.3.23](https://indike.org/pramana/in.veda.brahmana.gopatha.2.3.23) · Pramāṇa