[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Gopathabrahmana](https://indike.org/pramana/in.veda.brahmana.gopatha) › 2.3 # Gopathabrahmana 2.3 Gopathabrāhmaṇa 2.3 - **Language:** Sanskrit ### [2.3.1](https://indike.org/pramana/in.veda.brahmana.gopatha.2.3.1) oṃ devapātraṃ vai vaṣaṭkāraḥ\_ yad vaṣaṭkaroti devapātreṇaiva tad devatās tarpayati\_ atho yad ābhitṛṣyantīr abhisaṃsthaṃ tarpayaty evam eva tad devatās tarpayati yad anuvaṣaṭkaroti tad yathaivādo 'śvān vā gā vā punarabhyākāraṃ tarpayaty evam eva tad devatās tarpayati yad anuvaṣaṭkaroti\_ imān evāgnīn upāsata ity āhur dhiṣṇyān atha kasmāt pūrvasminn evāgnau juhvati pūrvasmin vaṣaṭkaroti yad eva somasyāgne vīhīty anuvaṣaṭkaroti tenaiva vaṣaṭkaroti dhiṣṇyān prīṇāti\_ atha saṃsthitān somān bhakṣayantīty āhur yeṣāṃ nānuvaṣaṭkaroti tad āhuḥ ko nu somasya sviṣṭakṛdbhāga iti yad eva somasyāgne vīhīty anuvaṣaṭkaroti tenaiva saṃsthitān somān bhakṣayantīty āhuḥ sa u eṣa somasya sviṣṭakṛdbhāgo yad anuvaṣaṭkaroti || 1 || ### [2.3.2](https://indike.org/pramana/in.veda.brahmana.gopatha.2.3.2) vajro vai vaṣaṭkāraḥ sa yaṃ dviṣyāt taṃ manasā dhyāyan vaṣaṭkuryāt tasmiṃs tad vajram āsthāpayati ṣaḍ iti vaṣaṭkaroti ṣaḍ vā ṛtavaḥ\_ ṛtūnām āptyai vauṣaḍ iti vaṣaṭkaroti\_ asau vāva vāv ṛtavaḥ ṣaṭ\_ etam eva tad ṛtuṣv ādadhāti\_ ṛtuṣu pratiṣṭhāpayati tad u ha smāha vaida etāni vā etena ṣaṭ pratiṣṭhāpayati dyaur antarikṣe pratiṣṭhitā\_ antarikṣaṃ pṛthivyām\_ pṛthivy apsu\_ āpaḥ satye satyaṃ brahmaṇi brahma tapasīti\_ etā eva tad devatāḥ pratiṣṭhānyāḥ pratitiṣṭhantīr idaṃ sarvam anu pratitiṣṭhati \[ed. pratisthānyāḥ, corr. Patyal\] pratitiṣṭhati prajayā paśubhir ya evaṃ veda || 2 || ### [2.3.3](https://indike.org/pramana/in.veda.brahmana.gopatha.2.3.3) trayo vai vaṣaṭkārāḥ\_ vajro dhāmacchad riktaḥ sa yad evoccair balaṃ vaṣaṭkaroti sa vajras taṃ taṃ praharati dviṣate bhrātṛvyāya vadhaṃ yo 'sya stṛtyas tasmai starītave tasmāt sa bhrātṛvyavatā vaṣaṭkṛtyaḥ\_ atha yaḥ samaḥ saṃtato nirhāṇacchatsva dhāmacchat taṃ taṃ prajāś ca paśavaś cānūpatiṣṭhante tasmāt sa prajākāmena paśukāmena vaṣaṭkṛtyaḥ\_ atha yenaiva ṣaḍ aparādhnoti sa riktaḥ\_ riṇakty ātmānaṃ riṇakti yajamānam\_ pāpīyān vaṣaṭkartā bhavati pāpīyān yasmai vaṣaṭkaroti tasmāt tasyāśāṃ neyāt kiṃ svit sa yajamānasya pāpabhadram ādriyeteti ha smāha yo 'sya vaṣaṭkartā bhavati\_ atraivainaṃ yathā kāmayeta tathā kuryāt\_ yaṃ kāmayeta yathaivānījāno 'bhūt tathaivejānaḥ syād iti yathaivāsyarcaṃ brūyāt tathaivāsya vaṣaṭkuryāt samānam evainaṃ tat karoti yaṃ kāmayeta pāpīyān syād ity uccaistarām asyarcaṃ brūyān nīcaistarāṃ vaṣaṭkuryāt pāpīyāṃsam evainaṃ tat karoti yaṃ kāmayeta śreyān syād iti nīcaistarām asyarcaṃ brūyād uccaistarāṃ vaṣaṭkuryāt\_ śreyāṃsam evainaṃ tat karoti śriya evainaṃ tac chriyam ādadhāti || 3 || ### [2.3.4](https://indike.org/pramana/in.veda.brahmana.gopatha.2.3.4) yasyai devatāyai havir gṛhītaṃ syāt tāṃ manasā dhyāyan vaṣaṭkuryāt \[ed. davatāyai\] sākṣād eva tad devatāṃ prīṇāti pratyakṣād devatāṃ parigṛhṇāti saṃtatam ṛcā vaṣaṭkṛtyam\_ saṃtatyai saṃdhīyate prajayā paśubhir ya evaṃ veda || 4 || ### [2.3.5](https://indike.org/pramana/in.veda.brahmana.gopatha.2.3.5) vajro vai vaṣaṭkāraḥ sa u eṣa prahṛto 'śānto dīdāya tasya ha na sarva eva śāntiṃ veda no pratiṣṭhām\_ tasmād dhāpy etarhi bhūyān iva mṛtyus tasya haiṣaiva śāntir eṣā pratiṣṭhā yad vāg iti vaṣaṭkṛtya vāg ity anumantrayate vaṣaṭkāra mā māṃ pramṛkṣo māhaṃ tvāṃ pramṛkṣaṃ bṛhatā mana upahvaye vyānena śarīraṃ pratiṣṭhāsi pratiṣṭhāṃ gaccha pratiṣṭhāṃ mā gamayed iti \[ed. pratiṣṭhīsi, corrected p. 302\] tad u smāha dīrgham evaitait sadaprabhv ojaḥ saha oja ity anumantrayeta\_ ojaś ca ha vai sahaś ca vaṣaṭkārasya priyatame tanvau priyābhyām eva tat tanūbhyāṃ samardhayati priyayā tanvā samṛdhyate ya evaṃ veda || 5 || ### [2.3.6](https://indike.org/pramana/in.veda.brahmana.gopatha.2.3.6) vāk ca vai prāṇāpānau ca vaṣaṭkāras te vaṣaṭkṛte vaṣaṭkṛte vyutkrāmanti tān anumantrayate vāg ojaḥ saha ojo mayi prāṇāpānāv iti vācaṃ caiva tat prāṇāpānau ca hotātmani pratiṣṭhāpayati sarvam āyur eti na purā jarasaḥ pramīyate ya evaṃ veda \<śaṃ no bhava hṛda ā pīta indo piteva soma sūnave suśevaḥ | sakheva sakhya uruśaṃsa dhīraḥ pra ṇa āyur jīvase soma tārīḥ \[ṚV 8.48.4, VaitS 19.18\]\>\_ity ātmānaṃ pratyabhimṛśati\_ īśvaro vā eṣo 'pratyabhimṛṣṭo yajamānasyāyuḥ pratyavahartum anarhan mā bhakṣayed iti tad yad etena pratyabhimṛśaty āyur evāsmai tat pratirate\_ āpyāyasva saṃ te payāṃsīti dvābhyāṃ camasān āpyāyayanty abhirūpābhyām\_ yad yajñe 'bhirūpaṃ tat samṛddham || 6 || ### [2.3.7](https://indike.org/pramana/in.veda.brahmana.gopatha.2.3.7) prāṇā vā ṛtuyājās tad yad ṛtuyājaiś caranti prāṇān eva tad yajamāne dadhati ṣaḍ ṛtuneti yajanti prāṇam eva tad yajamāne dadhati catvāra ṛtubhir iti yajanti\_ apānam eva tad yajamāne dadhati dvir ṛtunety upariṣṭāt\_ vyānam eva tad yajamāne dadhati sa cāsu saṃbhṛtas tredhā vihṛtaḥ prāṇo 'pāno vyāna iti \[ed. 'pāṇo\] tato 'nyatra guṇitas tathā ha yajamānaḥ sarvam āyur ety asmiṃl loka ārdhnoti\_ āpnoty amṛtatvam akṣitaṃ svarge loke te vā ete prāṇā eva yad ṛtuyājās tasmād anavānaṃ tato yajanti \[ed. anavānanto, corr. Patyal\] prāṇānāṃ santatyai santantā iva hīme prāṇāḥ\_ atho ṛtavo vā ṛtuyājāḥ saṃsthānuvaṣaṭkāraḥ\_ \[ed. anuvaṣaṭkuāro\] yo 'trānuvaṣaṭkuryād asaṃsthitān ṛtūn saṃsthāpayet\_ yas taṃ tatra brūyād asaṃsthitān ṛtūn samatiṣṭhipad duḥṣamaṃ bhaviṣyatīti śaśvat tathā syāt || 7 || ### [2.3.8](https://indike.org/pramana/in.veda.brahmana.gopatha.2.3.8) tad āhur yad dhotā yakṣad dhotā yakṣad iti maitrāvaruṇo hotre preṣyaty atha kasmād ahotṛbhyaḥ sadbhyo hotrāśaṃsibhyo hotā yakṣad dhotā yakṣad iti preṣyatīti vāg vai hotā vāk sarva ṛtvijaḥ\_ vāg yakṣad vāg yakṣad iti\_ atho sarve vā ete sapta hotāro 'pi vā ṛcābhyuditaṃ sapta hotāra ṛtuthā yajantīti\_ atha ya upariṣṭād dvādaśarcajāmitāyai te vai dvādaśa bhavanti dvādaśa vai māsāḥ saṃvatsaraḥ \[ed. dvadaśa, corr. Patyal\] saṃvatsaraḥ prajāpatiḥ prajāpatir yajñaḥ sa yo 'tra bhakṣayed yas taṃ tatra brūyād aśānto bhakṣo 'nanuvaṣaṭkṛta ātmānam antaragān na jīviṣyatīti tathā ha syāt\_ \[ed. 'nānuvaṣaṭkṛta, corr. Patyal\] yo vai bhakṣayet prāṇo bhakṣaḥ prāṇa ātmānam antaragād iti tathaiva bhavati limped ivaivāvajighred atra ca dvidevatyeṣu ceti tad u tatra śāsanaṃ vedayante\_ atha yad abhū vyabhicarato nānyonyam anuprapadyete adhvaryū tasmād ṛtur ṛtuṃ nānuprapadyate || 8 || ### [2.3.9](https://indike.org/pramana/in.veda.brahmana.gopatha.2.3.9) prajāpatir vai yat prajā asṛjata tā vai tāntā asṛjata tā hiṃkāreṇaivābhyajighrat \[ed. hiṃkārena, corr. Patyal\] tāḥ prajā aśvam āraṃs tad badhyate vā etad yajño yad dhavīṃṣi pacyante yat somaḥ sūyate yat paśur ālabhyate hiṃkāreṇa vā etat prajāpatir hatam abhijighrati yajñasyāhatatāyai yajñasyāptyai yajñasya vīryavattāyā iti tasmād u hiṃkriyate tasmād u ya eva pitā putrāṇāṃ sūrkṣati sa śreṣṭho bhavati prajāpatir hi tam abhijighrati yac chakunir āṇḍam adhyāste yan na sūyate tad dhi sāpi hiṃkṛṇoti\_ atho khalv āhur maharṣir vā etad yajñasyāgre geyam apaśyat tad etad yajñasyāgre geyaṃ yad dhiṃkāras taṃ devāś ca ṛṣayaś cābruvan vasiṣṭho 'yam astu yo no yajñasyāgre geyam adrāg iti tad etad yajñasyāgre geyaṃ yad dhiṃkāras tato vai sa devānāṃ śreṣṭho 'bhavat\_ yena vai śreṣṭhas tena vasiṣṭhas tasmād yasmin vāsiṣṭho brāhmaṇaḥ syāt taṃ dakṣiṇāyā nāntarīyāt \[ed. syāṃt\] tathā hāsya prīto hiṃkāro bhavati\_ atha devāś ca ha vā ṛṣayaś ca yad ṛksāme apaśyaṃs te ha smaite apaśyan\_ te yatraite apaśyaṃs tata evainaṃ sarvaṃ doham aduhan\_ te vā ete dugdhe yātayāme ye ṛksāme te hiṃkāreṇaivāpyāyete hiṃkāreṇa vā ṛksāme āpīne yajamānāya dohaṃ duhāte tasmād u hiṃkṛtyādhvaryavaḥ somam abhiṣuṇvanti hiṃkṛtyodgātāraḥ sāmnā stuvanti ### [2.3.9x](https://indike.org/pramana/in.veda.brahmana.gopatha.2.3.9x) hiṃkṛtyokthaśa ṛcārtvijyaṃ kurvanti ### [2.3.9\_2](https://indike.org/pramana/in.veda.brahmana.gopatha.2.3.9_2) hiṃkṛtyātharvāṇo brahmatvaṃ kurvanti ### [2.3.9\_3](https://indike.org/pramana/in.veda.brahmana.gopatha.2.3.9_3) tasmād u hiṃkriyate ### [2.3.9\_4](https://indike.org/pramana/in.veda.brahmana.gopatha.2.3.9_4) prajāpatir hi tam abhijighrati\_ ### [2.3.9\_5](https://indike.org/pramana/in.veda.brahmana.gopatha.2.3.9_5) atho khalv āhur eko vai prajāpater vrataṃ bibharti gaur eva ### [2.3.9\_6](https://indike.org/pramana/in.veda.brahmana.gopatha.2.3.9_6) tad ubhaye paśava upajīvanti ye ca grāmyā ye cāraṇyā iti || 9 || ### [2.3.10](https://indike.org/pramana/in.veda.brahmana.gopatha.2.3.10) devaviśaḥ kalpayitavyā ity āhuḥ\_ chandaś chandasi pratiṣṭhāpyam iti śaṃsāvom ity āhvayate prātaḥsavane tryakṣareṇa śaṃsāvo daivety adhvaryuḥ pratigṛṇāti pañcākṣareṇa tad aṣṭākṣaraṃ saṃpadyate\_ aṣṭākṣarā vai gāyatrī gāyatrīm evaitat purastāt prātaḥsavane 'cīkḷpatām ukthaṃ vācīty āha śastvā caturakṣaram omukthaśā ity adhvaryuḥ pratigṛṇāti caturakṣaram\_ tad aṣṭākṣaraṃ saṃpadyate\_ aṣṭākṣarā vai gāyatrī gāyatrīm evaitad ubhayataḥ prātaḥsavane 'cīkḷpatām adhvaryo śaṃsāvom ity āhvayate mādhyaṃdine ṣaḍakṣareṇa śaṃsāvo daivety adhvaryuḥ pratigṛṇāti pañcākṣareṇa tad ekādaśākṣaraṃ saṃpadyate\_ ekādaśākṣarā vai triṣṭup triṣṭubham evaitat purastān mādhyaṃdine 'cīkḷpatām ukthaṃ vācīndrāyety āha śastvā ṣaḍakṣaram omukthaśā yajety adhvaryuḥ pratigṛṇāti pañcākṣaram\_ tad ekādaśākṣaraṃ saṃpadyate\_ ekādaśākṣarā vai triṣṭup triṣṭubham evaitad ubhayato mādhyaṃdine 'cīkḷpatām adhvaryo śaṃśaṃsāvom ity āhvayate tṛtīyasavane saptākṣareṇa śaṃsavo daivety adhvaryuḥ pratigṛṇāti pañcākṣaram\_ tad dvādaśākṣaraṃ saṃpadyate ### [2.3.10x](https://indike.org/pramana/in.veda.brahmana.gopatha.2.3.10x) dvādaśākṣarā vai jagatī ### [2.3.10\_2](https://indike.org/pramana/in.veda.brahmana.gopatha.2.3.10_2) jagatīm evaitat purastāt tṛtīyasavane 'cīkḷpatām ### [2.3.10\_3](https://indike.org/pramana/in.veda.brahmana.gopatha.2.3.10_3) ukthaṃ vācīndrāya devebhya ity āha śastvā navākṣaram ### [2.3.10\_4](https://indike.org/pramana/in.veda.brahmana.gopatha.2.3.10_4) omukthaśā ity adhvaryuḥ pratigṛṇāti tryakṣaram\_ ### [2.3.10\_5](https://indike.org/pramana/in.veda.brahmana.gopatha.2.3.10_5) tad dvādaśākṣaraṃ saṃpadyate ### [2.3.10\_6](https://indike.org/pramana/in.veda.brahmana.gopatha.2.3.10_6) dvādaśākṣarā vai jagatī ### [2.3.10\_7](https://indike.org/pramana/in.veda.brahmana.gopatha.2.3.10_7) jagatīm evaitad ubhayatas tṛtīyasavane 'cīkḷpatām iti\_ ### [2.3.10\_8](https://indike.org/pramana/in.veda.brahmana.gopatha.2.3.10_8) etad vai tac chandaś chandasi pratiṣṭhāpayati ### [2.3.10\_9](https://indike.org/pramana/in.veda.brahmana.gopatha.2.3.10_9) kalpayaty eva devaviśo ya evaṃ veda ### [2.3.10\_10](https://indike.org/pramana/in.veda.brahmana.gopatha.2.3.10_10) tad apy eṣābhyanūktā yad gāyatre adhi gāyatram āhitam iti || 10 || ### [2.3.11](https://indike.org/pramana/in.veda.brahmana.gopatha.2.3.11) athaitan nānā chandāṃsy antareṇa gartā iva\_ athaite sthaviṣṭhe baliṣṭhe nāntare devate tābhyāṃ pratipadyate tad gartaskandaṃ rohasya rūpaṃ svargyam\_ tad anavānaṃ saṃkrāmet\_ amṛtaṃ vai praṇavaḥ\_ amṛtenaiva tan mṛtyuṃ tarati tad yathā matyena vā vaṃśena vā gartaṃ saṃkrāmed evaṃ tat praṇavenopasaṃtanoti brahma ha vai praṇavaḥ\_ brahmaṇaivāsmai tad brahmopasaṃtanoti śuddhaḥ praṇavaḥ syāt prajākāmānām\_ makārāntaḥ pratiṣṭhākāmānām\_ makārāntaḥ praṇavaḥ syād iti haika āhuḥ śuddha iti tv eva sthitaḥ\_ mīmāṃsitaḥ praṇavaḥ\_ athāta iha śuddha iha pūrṇa iti śuddhaḥ praṇavaḥ syāt\_ śastrānuvacanayor madhya iti ha smāha kauṣītakis tathā saṃhitaṃ bhavati makārānto 'vasānārthe pratiṣṭhā vā avasānam\_ pratiṣṭhityā eva\_ athobhayoḥ kāmayor āptyai\_ ### [2.3.11x](https://indike.org/pramana/in.veda.brahmana.gopatha.2.3.11x) etau vai chandaḥpravāhāv avaraṃ chandaḥ paraṃ chando 'tipravahatas ### [2.3.11\_2](https://indike.org/pramana/in.veda.brahmana.gopatha.2.3.11_2) tasyāyur na hinasti ### [2.3.11\_3](https://indike.org/pramana/in.veda.brahmana.gopatha.2.3.11_3) chandasāṃ chando 'tiproḍhaṃ syāt tatraiva yaṃ dviṣyāt taṃ manasā praiva vidhyet\_ ### [2.3.11\_4](https://indike.org/pramana/in.veda.brahmana.gopatha.2.3.11_4) chandasāṃ kṛntatre dravati vā saṃ vā śīryata iti ### [2.3.11\_5](https://indike.org/pramana/in.veda.brahmana.gopatha.2.3.11_5) triḥ prathamāṃ trir uttamām anvāha yajñasyaiva tad barhiso nahyati ### [2.3.11\_6](https://indike.org/pramana/in.veda.brahmana.gopatha.2.3.11_6) sthemne balāyāvisraṃsāya ### [2.3.11\_7](https://indike.org/pramana/in.veda.brahmana.gopatha.2.3.11_7) yady api chandaḥ prātaḥsavane yujyetārdharcaśa eva tasya śaṃsyaṃ gāyatryā rūpeṇa\_ ### [2.3.11\_8](https://indike.org/pramana/in.veda.brahmana.gopatha.2.3.11_8) atho prātaḥsavanarūpeṇeti ### [2.3.11\_9](https://indike.org/pramana/in.veda.brahmana.gopatha.2.3.11_9) na triṣṭubjagatyāv etasmin sthāne 'rdharcaśasye yat kiṃ cic chandaḥ prātaḥsavane yujyetāṃ paccha evainayoḥ śasyam iti sā sthitiḥ || 11 || ### [2.3.12](https://indike.org/pramana/in.veda.brahmana.gopatha.2.3.12) athāta ekāhasya prātaḥsavanam\_ prajāpatiṃ ha vai yajñaṃ tanvānaṃ bahiṣpavamāna eva mṛtyur mṛtyupāśena pratyupākrāmata sa āgneyyā gāyatryājyaṃ pratyapadyata mṛtyur vāva taṃ paśyan prajāpatiṃ paryakrāmat taṃ sāmājyeṣṭhasīdat sa vāyavyā pra"ugaṃ pratyapadyata mṛtyur vāva taṃ paśyan prajāpatiṃ paryakrāmat taṃ mādhyaṃdine pavamāne 'sīdat sa aindryā triṣṭubhā marutvatīyaṃ pratyapadyata mṛtyur vāva taṃ paśyan prajāpatiṃ paryakrāmat sa tenaiva draviṇe pūrvo niṣkevalyasya stotriyam āsīdat tam astṛṇot tasmād u ya eva pūrvam āsīdati sa tat stṛṇute vidvān mṛtyur anavakāśam apādravad aśaṃsad itaro niṣkevalyam\_ tasmād ekam evokthaṃ hotā marutvatīyena pratipadyate niṣkevalyam eva\_ atra hi prajāpatiṃ mṛtyur vyajahāt || 12 || ### [2.3.13](https://indike.org/pramana/in.veda.brahmana.gopatha.2.3.13) mitrāvaruṇāv abravīd yuvaṃ na imaṃ yajñasyāṅgam anusamāharataṃ maitrāvaruṇīyām\_ tathety abrūtām\_ tau sayujau sabalau bhūtvā prāsahā mṛtyumatyaitām\_ tau hy asyaitad yajñasyāṅgam anusamāharatāṃ maitrāvaruṇīyām\_ tasmān maitrāvaruṇaḥ prātaḥsavane maitrāvaruṇāni śaṃsati tau hy asyaitad yajñasyāṅgam anusamāharatām\_ yad v eva maitrāvaruṇāni śaṃsati \\_\\_ity ṛcābhyanūktam \<ā no mitrāvaruṇā \[ṚV 3.62.16\]\>\_\<ā no gantaṃ riśādasā \[ṚV 5.71.1\]\>\_iti maitrāvaruṇasya stotriyānurūpau \\_ity ukthamukham\_ \\_iti paryāsaḥ\_ \<ā yātaṃ mitrāvaruṇā \[ṚV 7.66.19\]\>\_iti yajati\_ ete eva tad devate yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 13 || ### [2.3.14](https://indike.org/pramana/in.veda.brahmana.gopatha.2.3.14) indram abravīt tvaṃ na imaṃ yajñasyāṅgam anusamāhara brāhmaṇācchaṃsīyām\_ kena saheti sūryeneti tathety abrūtām\_ tau sayujau sabalau bhūtvā prāsahā mṛtyumatyaitām\_ tau hy asyaitad yajñasyāṅgam anusamāharatāṃ brāhmaṇācchaṃsīyām\_ tasmād brāhmaṇācchaṃsī prātaḥsavana aindrāṇi sūryanyaṅgāni śaṃsati tau hy asyaitad yajñasyāṅgam anusamāharatām\_ yad v evaindrāṇi sūryanyaṅgāni śaṃsati\_\\_ity ṛcābhyanūktam \<ā yāhi suṣumā hi te \[ṚV 8.17.1, VaitS 21.1\]\>\_\<ā no yāhi sutāvataḥ \[ṚV 8.17.4, VaitS 21.1\]\>\_iti brāhmaṇācchaṃsina stotriyānurūpau\_ \\_ity ukthamukham \ iti paryāsaḥ\_ \ iti yajati\_ ete eva tad devate yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 14 || ### [2.3.15](https://indike.org/pramana/in.veda.brahmana.gopatha.2.3.15) indrāgnī abravīd yuvaṃ na imaṃ yajñasyāṅgam anusamāharatam acchāvākīyām\_ tathety abrūtām\_ tau sayujau sabalau bhūtvā prāsahā mṛtyumatyaitām\_ tau hy asyaitad yajñasyāṅgam anusamāharatām acchāvākīyām\_ tasmād acchāvākaḥ prātaḥsavana aindrāgnāni śaṃsati tau hy asyaitad yajñasyāṅgam anusamāharatām\_ yad v evaindrāgnāni śaṃsati \\_ity ṛcābhyanūktam \\_\\_ity acchāvākasya stotriyānurūpau\_ \[ed. toṣā, corrected p. 302\] \\_ity ukthamukham \\_iti paryāsaḥ\_ \ iti yajati\_ ete eva tad devate yathābhāgaṃ prīṇāti vaṣaṭkṛtyānuvaṣaṭkaroti praty evābhimṛśante nāpyāyayanti na hy anārāśaṃsāḥ sīdanti || 15 || ### [2.3.16](https://indike.org/pramana/in.veda.brahmana.gopatha.2.3.16) atha śaṃsāvom iti stotriyāyānurūpāyokthamukhāya paridhānīyāyā iti catuścatur āhvayante catasro vai diśaḥ\_ \[ed. casasro\] dikṣu tat pratitiṣṭhanti\_ atho catuṣpādaḥ paśavaḥ paśūnām āptyai\_ atho catuṣparvāṇo hi prātaḥsavane hotrakās tasmāc catuḥ sarve gāyatrāṇi śaṃsanti gāyatraṃ hi prātaḥsavanam\_ sarve samavatībhiḥ paridadhati tad yat samavatībhiḥ paridadhati anto vai paryāsaḥ\_ anta udarkaḥ\_ antenaivāntaṃ paridadhati sarve madvatībhir yajanti tad yan madvatībhir yajanti sarve sutavatībhiḥ pītavatībhir abhirūpābhir yajanti yad yajñe 'bhirūpaṃ tat samṛddham\_ sarve 'nuvaṣaṭkurvanti sviṣṭakṛtvānuvaṣaṭkāraḥ\_ net sviṣṭakṛtam antarayāmeti\_ ayaṃ vai lokaḥ prātaḥsavanam\_ tasya pañca diśaḥ pañcokthāni prātaḥsavanasya sa etaiḥ pañcabhir ukthair etāḥ pañca diśa āpnoty etāḥ pañca diśa āpnoti || 16 || ### [2.3.17](https://indike.org/pramana/in.veda.brahmana.gopatha.2.3.17) ghnanti vā etat somaṃ yad abhiṣuṇvanti yajñaṃ vā etad dhanti yad dakṣiṇā nīyante yajñaṃ vā etad dakṣayanti tad dakṣiṇānāṃ dakṣiṇātvam\_ svargo vai loko mādhyaṃdinaṃ savanam\_ yan mādhyaṃdine savane dakṣiṇā nīyante svargasya lokasya samaṣṭyai bahu deyam\_ setuṃ vā etad yajamānaḥ saṃskurute svargasya lokasyākrāntyai prajākrāntyai dvābhyāṃ gārhapatye juhoti\_ adhvaryur asyākrāntenākrāmayati\_ āgneyyāgnīdhrīye\_ antarikṣaṃ tena yan mādhyaṃdine savane dakṣiṇā nīyante svarga etena loke hiraṇyaṃ haste bhavati\_ atha nayati satyaṃ vai hiraṇyam\_ satyenaivainaṃ tan nayati\_ agreṇa gārhapatyaṃ jaghanena sado 'ntarāgnīdhrīyaṃ ca sadaś ca tā udīcīr antarāgnīdhrīyaṃ ca sadaś ca cātvālaṃ cotsṛjanti\_ etena ha sma vā aṅgirasaḥ svargaṃ lokam āyan\_ tā vā etāḥ panthānam abhivahanti || 17 || ### [2.3.18](https://indike.org/pramana/in.veda.brahmana.gopatha.2.3.18) agnīdhe 'gre dadāti yajñamukhaṃ vā agnīt\_ yajñamukhenaiva tad yajñamukhaṃ samardhayati brahmaṇe dadāti prājāpatyo vai brahmā prajāpatim eva tayā prīṇāti\_ ṛtvigbhyo dadāti hotrā eva tayā prīṇāti sadasyebhyo dadāti somapīthaṃ tayā niṣkrīṇīte na hi tasmā arhati somapīthaṃ tayā niṣkrīṇīyāt\_ yāṃ śruśruvuṣa ārṣeyāya dadāti devaloke tayārdhnoti yām aśruśruvuṣe 'nārṣeyāya dadāti manuṣyaloke tayārdhnoti yām aprasṛptāya dadāti vanaspatas tayā prathante yāṃ yācamānāya dadāti bhrātṛvyaṃ tayā jinvīte yāṃ bhīṣā kṣatraṃ tayā brahmātīyāt\_ yāṃ pratinudante sā vyāghrī dakṣiṇā yas tāṃ punaḥ pratigṛhṇīyād vyāghry enaṃ bhūtvā pravlīnīyāt\_ anyayā saha pratigṛhṇīyāt\_ atha hainaṃ na pravlīnāti || 18 || ### [2.3.19](https://indike.org/pramana/in.veda.brahmana.gopatha.2.3.19) yad gāṃ dadāti vaiśvadevī vai gauḥ\_ viśveṣām eva tad devānāṃ tena priyaṃ dhāmopaiti yad ajaṃ dadāty āgneyo vā ajaḥ\_ agner eva tena priyaṃ dhāmopaiti yad aviṃ dadāty āvyaṃ tenāvajayati yat kṛtānnaṃ dadāti māṃsaṃ tena niṣkrīṇīte yad ano vā ratho vā dadāti śarīraṃ tena yad vāso dadāti brṛhaspatiṃ tena yad dhiraṇyaṃ dadāty āyus tena varṣīyaḥ kurute yad aśvaṃ dadāti sauryo vā aśvaḥ sūryasyaiva tena priyaṃ dhāmopaiti\_ antataḥ pratihartre deyam\_ raudrau vai pratihartā rudram eva tan niravajayati yan madhyataḥ pratihartre dadyān madhyato rudram anvavayajet svarbhānur vā āsuraḥ sūryaṃ tamasāvidhyat tad atrir apanunoda tad atrir anvapaśyat\_ yad ātreyāya hiraṇyaṃ dadāti tama eva tenāpahate\_ atho jyotir upariṣṭād dhārayati svargasya lokasya samaṣṭyai || 19 || ### [2.3.20](https://indike.org/pramana/in.veda.brahmana.gopatha.2.3.20) athāta ekāhasyaiva mādhyaṃdinam ṛk ca vā idam agne sāma cāstāṃ saiva nāmarg āsīt\_ amo nāma sāma sā vā ṛksāmopāvadan mithunaṃ saṃbhavāva prajātyā iti nety abravīt sāma jyāyān vā ato mama mahimeti te dve bhūtvopāvadatām\_ te na prati cana samavadata tās tisro bhūtvopāvadan yat tisro bhūtvopāvadaṃs tat tisṛbhiḥ samabhavat\_ yat tisṛbhiḥ samabhavat tasmāt tisṛbhiḥ stuvanti tisṛbhir udgāyanti tisṛbhir hi sāma saṃmitaṃ bhavati tasmād ekasya bahvyo jāyā bhavanti na haikasyā bahavaḥ saha patayaḥ\_ yad vai tat sā cāmaś ca samavadatāṃ tat sāmābhavat tat sāmnaḥ sāmatvam\_ sāman bhavati śreṣṭhatāṃ gacchati yo vai bhavati sa sāman bhavati\_ asāmanya iti ha nindante te vai pañcānyad bhūtvā pañcānyad bhūtvākalpetām āhāvaś ca hiṃkāraś ca prastāvaś ca prathamā carg udgīthaś ca madhyamā ca pratīhāraś cottamā ca nidhanaṃ ca vaṣaṭkāraś ca te yat pañcānyad bhūtvā pañcānyad bhūtvākalpetāṃ tasmād āhuḥ pāṅkto yajñaḥ ### [2.3.20x](https://indike.org/pramana/in.veda.brahmana.gopatha.2.3.20x) pāṅktāḥ paśava iti ### [2.3.20\_2](https://indike.org/pramana/in.veda.brahmana.gopatha.2.3.20_2) yad u virājaṃ daśinīm abhisaṃpadyetāṃ tasmād āhur virāji yajño daśinyāṃ pratiṣṭhita iti ### [2.3.20\_3](https://indike.org/pramana/in.veda.brahmana.gopatha.2.3.20_3) yad u bṛhatyā pratipadyate bārhato vā eṣa ya eṣa tapati ### [2.3.20\_4](https://indike.org/pramana/in.veda.brahmana.gopatha.2.3.20_4) tad enaṃ svena rūpeṇa samardhayati \[ed. rupeṇa\] ### [2.3.20\_5](https://indike.org/pramana/in.veda.brahmana.gopatha.2.3.20_5) dve tisraḥ karoti punarādāyam\_ ### [2.3.20\_6](https://indike.org/pramana/in.veda.brahmana.gopatha.2.3.20_6) prajātyai rūpam\_ ### [2.3.20\_7](https://indike.org/pramana/in.veda.brahmana.gopatha.2.3.20_7) dvāv ivāgre bhavatas ### [2.3.20\_8](https://indike.org/pramana/in.veda.brahmana.gopatha.2.3.20_8) tata upaprajāyete || 20 || ### [2.3.21](https://indike.org/pramana/in.veda.brahmana.gopatha.2.3.21) ātmā vai stotriyaḥ prajā anurūpaḥ patnī dhāyyā paśavaḥ pragāthaḥ\_ gṛhāḥ sūktam\_ yad antarātmaṃs tan nivit pratiṣṭhā paridhānīyānnaṃ yājyā so 'smiṃś ca loke bhavaty amuṣmiṃś ca prajayā ca paśubhiś ca gṛheṣu bhavati ya evaṃ veda || 21 || ### [2.3.22](https://indike.org/pramana/in.veda.brahmana.gopatha.2.3.22) stotriyaṃ śaṃsati\_ ātmā vai stotriyaḥ sa madhyamayā vācā śaṃstavyaḥ\_ ātmānam evāsya tat kalpayaty anurūpaṃ śaṃsati prajā vā anurūpaḥ\_ tasmāt pratirūpam anurūpaṃ kurvanti pratirūpo haivāsya prajāyām ājāyate nāpratirūpaḥ\_ tasmāt pratirūpam anurūpaṃ kurvanti sa uccaistarām iva śaṃstavyaḥ prajām evāsya tac chreyasīṃ karoti dhāyyāṃ śaṃsati patnī vai dhāyyā sā nīcaistarām iva śaṃstavyā\_ aprativādinī haivāsya gṛheṣu patnī bhavati yatraivaṃvidvān nīcaistarāṃ dhāyyāṃ śaṃsati pragāthaṃ śaṃsati paśavo vai pragāthaḥ saḥ svaravatyā vācā śaṃstavyaḥ paśavo vai pragāthaḥ paśavaḥ svaraḥ paśūnām āptyai sūktaṃ śaṃsati gṛhā vai sūktam\_ prativītam\_ ### [2.3.22x](https://indike.org/pramana/in.veda.brahmana.gopatha.2.3.22x) tat prativītatamayā vācā śaṃstavyam\_ ### [2.3.22\_2](https://indike.org/pramana/in.veda.brahmana.gopatha.2.3.22_2) sa yady api ha dūrāt paśūṃl labhate gṛhān evainān ājigamiṣati ### [2.3.22\_3](https://indike.org/pramana/in.veda.brahmana.gopatha.2.3.22_3) gṛhā hi paśūnāṃ pratiṣṭhā ### [2.3.22\_4](https://indike.org/pramana/in.veda.brahmana.gopatha.2.3.22_4) nividaṃ śaṃsati ### [2.3.22\_5](https://indike.org/pramana/in.veda.brahmana.gopatha.2.3.22_5) yad antarātmaṃs tan nivit ### [2.3.22\_6](https://indike.org/pramana/in.veda.brahmana.gopatha.2.3.22_6) tad evāsya tat kalpayati ### [2.3.22\_7](https://indike.org/pramana/in.veda.brahmana.gopatha.2.3.22_7) paridhānīyāṃ śaṃsati ### [2.3.22\_8](https://indike.org/pramana/in.veda.brahmana.gopatha.2.3.22_8) pratiṣṭhā vai paridhānīyā ### [2.3.22\_9](https://indike.org/pramana/in.veda.brahmana.gopatha.2.3.22_9) pratiṣṭhāyām evainaṃ tataḥ pratiṣṭhāpayati ### [2.3.22\_10](https://indike.org/pramana/in.veda.brahmana.gopatha.2.3.22_10) yājyayā yajati\_ ### [2.3.22\_11](https://indike.org/pramana/in.veda.brahmana.gopatha.2.3.22_11) annaṃ vai yājyā\_ ### [2.3.22\_12](https://indike.org/pramana/in.veda.brahmana.gopatha.2.3.22_12) annādyam evāsya tat kalpayati ### [2.3.22\_13](https://indike.org/pramana/in.veda.brahmana.gopatha.2.3.22_13) mūlaṃ vā etad yajñasya yad dhāyyāś ca yājyāś ca ### [2.3.22\_14](https://indike.org/pramana/in.veda.brahmana.gopatha.2.3.22_14) tad yad anyā anyā dhāyyāś ca yājyāś ca kuryur unmūlam eva tad yajñaṃ kuryus tasmāt tāḥ samānya eva syuḥ || 22 || ### [2.3.23](https://indike.org/pramana/in.veda.brahmana.gopatha.2.3.23) tad āhuḥ kiṃdevatyo yajña iti\_ aindra iti brūyāt\_ aindre vāva yajñe sati yathābhāgam anyā devatā anvāyaṃs tāḥ prātaḥsavane marutvatīye tṛtīyasavane ca\_ atha haitat kevalam evendrasya yad ūrdhvaṃ marutvatīyāt tasmāt sarve niṣkevalyāni śaṃsanti yad eva niṣkevalyāni tat svargasya lokasya rūpam\_ yad v eva niṣkevalyāny ekaṃ ha vā agre savanam āsīt prātaḥsavanam eva\_ atha haitaṃ prajāpatir indrāya jyeṣṭhāya putrāyaitat savanaṃ niramimīta yan mādhyaṃdinaṃ savanam\_ tasmān mādhyaṃdine savane sarve niṣkevalyāni śaṃsanti yad eva niṣkevalyāni tat svargasya lokasya rūpam\_ yad v eva niṣkevalyāni yā ha vai devatāḥ prātaḥsavane hotā śaṃsati tāḥ śastvā hotrāśaṃsino 'nuśaṃsanti maitrāvaruṇaṃ tṛcaṃ pra'uge hotā śaṃsati tad ubhayaṃ maitrāvaruṇaṃ maitrāvaruṇo 'nuśaṃsati\_ aindraṃ tṛcaṃ pra'uge hotā śaṃsati tad ubhayam aindram aindraṃ brāhmaṇācchaṃsy anuśaṃsati\_ aindrāgnaṃ tṛcaṃ pra'uge hotā śaṃsati tad ubhayam aindrāgnāgnam acchāvāko 'nuśaṃsati\_ atha haitat kevalam evendrasya yad ūrdhvaṃ marutvatīyāt tasmāt sarve niṣkevalyāni śaṃsanti yad eva niṣkevalyāni tat svargasya lokasya rūpam\_ yad v eva niṣkevalyāni \\_ity ṛcābhyanūktam\_ devān ha yajñaṃ tanvānān asurarakṣāṃsy ajighāṃsan\_ te 'bruvan vāmadevaṃ tvaṃ na imaṃ yajñaṃ dakṣiṇato gopāyeti ### [2.3.23x](https://indike.org/pramana/in.veda.brahmana.gopatha.2.3.23x) madhyato vasiṣṭham ### [2.3.23\_2](https://indike.org/pramana/in.veda.brahmana.gopatha.2.3.23_2) uttarato bharadvājam\_ ### [2.3.23\_3](https://indike.org/pramana/in.veda.brahmana.gopatha.2.3.23_3) sarvān anu viśvāmitram\_ ### [2.3.23\_4](https://indike.org/pramana/in.veda.brahmana.gopatha.2.3.23_4) tasmān maitrāvaruṇo vāmadevān na pracyavate vasiṣṭhād brāhmaṇācchaṃsī bharadvājāa acchāvākaḥ sarve viśvāmitrāt\_ ### [2.3.23\_5](https://indike.org/pramana/in.veda.brahmana.gopatha.2.3.23_5) eta evāsmai tadṛṣayo 'harahar namagā apramattā yajñaṃ rakṣanti ya evaṃ veda ya evaṃ veda || 23 || ### [2.3.23col](https://indike.org/pramana/in.veda.brahmana.gopatha.2.3.23col) ity atharvavede gopathabrāhmaṇottarabhāge tṛtīyaḥ prapāṭhakaḥ || ## Linked texts (19) - [Aitareyabrāhmaṇa](https://indike.org/pramana/in.veda.brahmana.aitreya.3.7) — Mahidāsa Aitareya, Sanskrit - [Vaitānaśrautasūtra](https://indike.org/pramana/in.vedanga.kalpa.srauta.vaitana.363) — Sanskrit - [Atharvaveda](https://indike.org/pramana/in.veda.samhita.atharvaveda.20.4_28) — Sanskrit - [Śākala](https://indike.org/pramana/in.veda.samhita.rg*sakala.8.48.4) — Sanskrit - [Kauṣītakibrāhmaṇa](https://indike.org/pramana/in.veda.brahmana.kausitaki.13.7.39) — Kauṣītaki, Sanskrit - [Śaunakasaṃhitā](https://indike.org/pramana/in.veda.samhita.atharva*saunaka.20.5.1) — Sanskrit - [Metrically restored text (van Nooten & Holland)](https://indike.org/pramana/in.veda.samhita.rg*vnh.7.98.5) — Sanskrit - [Jaiminīyabrāhmaṇa](https://indike.org/pramana/in.veda.brahmana.jaiminiya.37.212) — Sanskrit - [Atharvavedabrāhmaṇa](https://indike.org/pramana/in.veda.brahmana.atharvavedabrahmana.12.1) — Brahmā, Sanskrit - [Aitareya](https://indike.org/pramana/in.veda.brahmana.aitareya.3.p1497) — Sanskrit - [A Vedic Concordance](https://indike.org/pramana/ins.reference.bloomfield-1906.c6.2636) — Maurice Bloomfield, English - [Ṛgvedaśāṅkhāyanīyabrāhmaṇa](https://indike.org/pramana/in.veda.brahmana.rgvedasankhayaniyabrahmana.15.9) — Sanskrit - [Ṛgvedabrāhmaṇa](https://indike.org/pramana/in.veda.brahmana.rgvedabrahmana.13.9) — Sanskrit - [Aṅgirasī](https://indike.org/pramana/in.veda.samhita.angirasi.443.1) — Sanskrit - [Vedic Index of Names and Subjects](https://indike.org/pramana/ins.reference.macdonell-keith-1912.v1.c3.s21.304) — Arthur A. Macdonell & A. Berriedale Keith, English - [The Religion and Philosophy of the Veda and Upanishads](https://indike.org/pramana/ins.religion.keith-1925.v2.c39.s3.59) — Arthur Berriedale Keith, English - [Republics in Ancient India, c. 1500 B.C.–500 B.C.](https://indike.org/pramana/ins.polity.sharma-1968.c7.240) — J. P. Sharma, English - [Die Hymnen des Rigveda, Bd. I: Metrische und textgeschichtliche Prolegomena](https://indike.org/pramana/ins.literature.oldenberg-1888.c7.17) — Hermann Oldenberg, German - [The Position of Women in Hindu Civilisation, from Prehistoric Times to the Present Day](https://indike.org/pramana/ins.polity.altekar-1938.c8.104) — A. S. Altekar, English --- Source: [https://indike.org/pramana/in.veda.brahmana.gopatha.2.3](https://indike.org/pramana/in.veda.brahmana.gopatha.2.3) · Pramāṇa