[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Gopathabrahmana](https://indike.org/pramana/in.veda.brahmana.gopatha) › 2.5 # Gopathabrahmana 2.5 Gopathabrāhmaṇa 2.5 - **Language:** Sanskrit ### [2.5.1](https://indike.org/pramana/in.veda.brahmana.gopatha.2.5.1) om ahar vai devā āśrayanta rātrīm asurās te samāvadvīryā evāsan no vyāvartanta so 'bravīd indraḥ kaś cāhaṃ cemān asurān rātrīm anvaiṣyāvahā iti \[ed. anvaiṣyāmaha, corr. Patyal\] sa deveṣu na pratyavindat\_ abibhayū rātrestamaso mṛtyos tama iva hi rātriḥ\_ mṛtyur vai tamas tasmād dhāpy etarhi bhūyān iva naktaṃ sa yāvan mātram ivāpakramya bibheti taṃ vai chandāṃsy evānvavāyan\_ tad yac chandāṃsy evānvavāyaṃs tasmād indraś ca chandāṃsi ca rātriṃ vahanti na nivic chasyate na puroruṅ na dhāyyā nānyā devatā indraś ca hy eva chandāṃsi ca rātriṃ vahanti tān vai paryāyaiḥ paryāyam anudanta yat paryāyaiḥ paryāyam anudanta tasmāt paryāyās tat paryāyāṇāṃ paryāyatvam\_ tān vai prathamair eva paryāyaiḥ pūrvarātrād anudanta madhyamair madhyarātrād uttamair apararātrāt\_ apiśarvaryā apismasīty abruvan\_ tad yad apiśarvaryā apismasīty abruvaṃs tad apiśarvarāṇām apiśarvaratvam\_ śarvarāṇi khalu ha vā asyaitāni chandāṃsīti ha smāha\_ etāni ha vā indraṃ rātryās tamaso mṛtyor abhipatyāvārayan\_ tad apiśarvarāṇām apiśarvaratvam || 1 || ### [2.5.2](https://indike.org/pramana/in.veda.brahmana.gopatha.2.5.2) prathameṣu paryāyeṣu stuvate prathamāny eva padāni punar ādadate yad evaiṣāṃ manorathā āsaṃs tad evaiṣāṃ tenādadate madhyameṣu paryāyeṣu stuvate madhyamāny eva padāni punar ādadate yad evaiṣām aśvā gāva āsaṃs tad evaiṣāṃ tenādadate\_ uttameṣu paryāyeṣu stuvata uttamāny eva padāni punar ādadate yad evaiṣāṃ vāso hiraṇyaṃ maṇir adhyātmam āsīt tad evaiṣāṃ tenādadate\_ ā dviṣato vasu datte nir evainam ebhyaḥ sarvebhyo lokebhyo nudate ya evaṃ veda || 2 || ### [2.5.3](https://indike.org/pramana/in.veda.brahmana.gopatha.2.5.3) pavamānavad ahar ity āhur na rātriḥ pavamānavatī katham ubhe pavamānavatī bhavataḥ kena te samāvadbhājau bhavata iti yad evendrāya madvane sutam idaṃ vaso sutam andha idaṃ hy anvojasā sutam iti stuvanti ca śaṃsanti ca tena rātriḥ pavamānavatī tenobhe pavamānavatī bhavatas tena te samāvadbhājau bhavataḥ pañcadaśastotram ahar ity āhur na rātriḥ pañcadaśastotrā katham ubhe pañcadaśastotre bhavataḥ kena te samāvadbhājau bhavata iti dvādaśa stotrāṇy apiśarvarāṇi tisṛbhir devatābhiḥ saṃdhinā rāthaṃtareṇāśvināya stuvate tena rātriḥ pañcadaśastotrā tenobhe pañcadaśastotre bhavatas tena te samāvadbhājau bhavataḥ parimitaṃ stuvanty aparimitamanuśaṃsanti parimitaṃ bhūtam aparimitaṃ bhavyam aparimitāny evāvarundhyād ity atiśaṃsati stomam ati vai prajāsyātmānam ati paśavas tad yad evāsyātyātmānaṃ tad evāsyaitenāpyāyayanti\_ atho dvayaṃ vā idaṃ sarvaṃ snehaś caiva tejaś ca\_ atha tad ahorātrābhyām āptam\_ snehatejasor āptyai gāyatrān stotriyānurūpāñ chaṃsanti ### [2.5.3x](https://indike.org/pramana/in.veda.brahmana.gopatha.2.5.3x) tejo vai gāyatrī ### [2.5.3\_2](https://indike.org/pramana/in.veda.brahmana.gopatha.2.5.3_2) tamaḥ pāpmā rātris ### [2.5.3\_3](https://indike.org/pramana/in.veda.brahmana.gopatha.2.5.3_3) tena tejasā tamaḥ pāpmānaṃ taranti ### [2.5.3\_4](https://indike.org/pramana/in.veda.brahmana.gopatha.2.5.3_4) punarādāyaṃ śaṃsanti\_ ### [2.5.3\_5](https://indike.org/pramana/in.veda.brahmana.gopatha.2.5.3_5) evaṃ hi sāmagā stuvate ### [2.5.3\_6](https://indike.org/pramana/in.veda.brahmana.gopatha.2.5.3_6) yathā stutam anuśastaṃ bhavati ### [2.5.3\_7](https://indike.org/pramana/in.veda.brahmana.gopatha.2.5.3_7) na hi tat stutaṃ yan nānuśastam\_ ### [2.5.3\_8](https://indike.org/pramana/in.veda.brahmana.gopatha.2.5.3_8) tad āhur atha kasmād uttamāt pratīhārād āhūya sāmnā śastram upasaṃtanvantīti || 3 || ### [2.5.4](https://indike.org/pramana/in.veda.brahmana.gopatha.2.5.4) puruṣo vai yajñas tasya śira eva havirdhānam\_ mukham āhavanīyaḥ\_ udaraṃ sadaḥ\_ annam ukthāni bāhū mārjālīyaś cāgnīdhrīyaś ca yā imā devatās te 'ntaḥsadasaṃ dhiṣṇyāḥ pratiṣṭhe gārhapatyavrataśrapaṇāv ity athāparam\_ tasya mana eva brahmā prāṇa udgātā\_ apānaḥ prastotā vyānaḥ pratihartā vāg ghotā cakṣur adhvaryuḥ prajāti sadasyaḥ\_ aṅgāni hotrāśaṃsinaḥ\_ ātmā yajamānas tad yad adhvaryuḥ stotram upākaroti somaḥ pavata iti cakṣur eva tat prāṇaiḥ saṃdadhāti\_ atha yat prastotā brahmāṇam āmantrayate brahmant stoṣyāmaḥ praśāstar iti mano 'graṇīr bhavati\_ eteṣāṃ prāṇānāṃ manasā hi prasūtā stomena stuyāmeti prāṇān eva tan manasā saṃdadhāti\_ atha yad brahmā stutety uccair anujānāti mano vai brahmā mana eva tat prāṇaiḥ saṃdadhāti\_ ### [2.5.4x](https://indike.org/pramana/in.veda.brahmana.gopatha.2.5.4x) atha yat prastotā prastauty apānam eva tat prāṇaiḥ saṃdadhāti\_ ### [2.5.4\_2](https://indike.org/pramana/in.veda.brahmana.gopatha.2.5.4_2) atha yat pratihartā pratiharati vyānam eva tad apānaiḥ saṃdadhāti\_ ### [2.5.4\_3](https://indike.org/pramana/in.veda.brahmana.gopatha.2.5.4_3) atha yad udgātodgāyati samānam eva tat prāṇaiḥ saṃdadhāti\_ ### [2.5.4\_4](https://indike.org/pramana/in.veda.brahmana.gopatha.2.5.4_4) atha yad dhotā sāmnā śastram upasaṃtanoti vāg vai hotā vācam eva tat prāṇaiḥ saṃdadhāti\_ ### [2.5.4\_5](https://indike.org/pramana/in.veda.brahmana.gopatha.2.5.4_5) atha yat sadasyo brahmāṇam upāsīdati prajātir vai sadasyaḥ prajātim evāpnoti\_ ### [2.5.4\_6](https://indike.org/pramana/in.veda.brahmana.gopatha.2.5.4_6) atha yad dhotrāśaṃsinaḥ sāmasaṃtatiṃ kurvanty aṅgāni vai hotrāśaṃsino 'ṅgāny evāsya tat prāṇaiḥ saṃdadhāti\_ ### [2.5.4\_7](https://indike.org/pramana/in.veda.brahmana.gopatha.2.5.4_7) atha yad yajamānaḥ stotram upāsīdaty ātmā vai yajamāna ātmānam evāsya tat kalpayati ### [2.5.4\_8](https://indike.org/pramana/in.veda.brahmana.gopatha.2.5.4_8) tasmān nainaṃ bahirvedyabhyāśrāvayet\_ ### [2.5.4\_9](https://indike.org/pramana/in.veda.brahmana.gopatha.2.5.4_9) nābhyudiyāt\_ ### [2.5.4\_10](https://indike.org/pramana/in.veda.brahmana.gopatha.2.5.4_10) nābhyastamiyāt\_ ### [2.5.4\_11](https://indike.org/pramana/in.veda.brahmana.gopatha.2.5.4_11) nādhiṣṇye pratapet\_ ### [2.5.4\_12](https://indike.org/pramana/in.veda.brahmana.gopatha.2.5.4_12) net prāṇebhya ātmānam antaragād iti || 4 || ### [2.5.5](https://indike.org/pramana/in.veda.brahmana.gopatha.2.5.5) prathameṣu paryāyeṣu stuvate prathameṣu padeṣu ninardayanti prathamarātrād eva tad asurān nirghnanti madhyameṣu paryāyeṣu stuvate madhyameṣu padeṣu ninardayanti madhyamarātrād eva tad asurān nirghnanti\_ uttameṣu paryāyeṣu stuvata uttameṣu padeṣu ninardayanti\_ uttamarātrād eva tad asurān nirghnanti tad yathābhyāgāraṃ punaḥpunaḥ pāpmānaṃ nirharanty evam evaitat stotriyānurūpābhyām ahorātrābhyām eva tad asurān nirghnanti gāyatrīṃ śaṃsanti tejo vai brahmavarcasaṃ gāyatrī teja evāsmai tad brahmavarcasaṃ yajamāne dadhati gāyatrīḥ śastvā jagatīḥ śaṃsanti brahma ha vai jagatī brahmaṇaivāsmai tad brahmavarcasaṃ yajamāne dadhati vyāhvayante gāyatrīś ca jagatīś cāntareṇa chandāṃsy eva tan nānāvīryāṇi kurvanti jagatīḥ śastvā triṣṭubhaḥ śaṃsanti paśavo vai jagatī paśūn eva tat triṣṭubbhiḥ paridadhati balaṃ vai vīryaṃ triṣṭup\_ balam eva tad vīrye 'ntataḥ pratiṣṭhāpayati\_ andhasvatyo madvatyaḥ sutavatyaḥ pītavatyas triṣṭubho yājyāḥ samṛddhāḥ sulakṣaṇāḥ\_ etad vai rātrīrūpam\_ jāgṛyād rātrim\_ yāvad u ha vai na vā stuvate na vā śasyate tāvad īśvarā asurā rakṣāṃsi ca yajñam anvavanayanti tasmād āhavanīyaṃ samiddham āgnīdhrīyaṃ gārhapatyaṃ dhiṣṇyān samujjvalayateti bhāṣeran ### [2.5.5x](https://indike.org/pramana/in.veda.brahmana.gopatha.2.5.5x) jvalayeran ### [2.5.5\_2](https://indike.org/pramana/in.veda.brahmana.gopatha.2.5.5_2) prakāśam ivaiva tat syāt\_ ### [2.5.5\_3](https://indike.org/pramana/in.veda.brahmana.gopatha.2.5.5_3) ārebhantaḥ śayīran\_ ### [2.5.5\_4](https://indike.org/pramana/in.veda.brahmana.gopatha.2.5.5_4) tān ha taḥ śreṣṭho vā iti pāpmā nābhivṛkṇoti ### [2.5.5\_5](https://indike.org/pramana/in.veda.brahmana.gopatha.2.5.5_5) te tamaḥ pāpmānam apāghnate te tamaḥ pāpmānamapāghnate || 5 || ### [2.5.6](https://indike.org/pramana/in.veda.brahmana.gopatha.2.5.6) viśvarūpaṃ vai tvāṣṭram indro 'han sa tvaṣṭā hataputro 'bhicaraṇīyam apendraṃ somam āharat tasyendro yajñaveśasaṃ kṛtvā prāsahā somam apibat sa viṣvaṅ vyārchat tasmāt somo nānupahūtena \[na\] pātavyaḥ somapītho 'sya vyardhuko bhavati tasya mukhāt prāṇebhyaḥ śrīr yaśāṃsy ūrdhvāny udakrāman\_ \[ed. praṇebhyaḥ, corr. Patyal\] tāni paśūn prāviśan\_ tasmāt paśavo yaśaḥ\_ yaśo ha bhavati ya evaṃ veda tato 'smā etad aśvinau ca sarasvatī ca yajñaṃ samabharant sautrāmaṇiṃ bhaiṣajyāya tayendram abhyaṣiñcan\_ tato vai sa devānāṃ śreṣṭho 'bhavat\_ śreṣṭhaḥ svānāṃ cānyeṣāṃ ca bhavati ya evaṃ veda yaś caivaṃvidvānt sautrāmaṇyābhiṣicyate || 6 || ### [2.5.7](https://indike.org/pramana/in.veda.brahmana.gopatha.2.5.7) atha sāma gāyati brahmā kṣatraṃ vai sāma kṣatreṇaivainaṃ tad abhiṣiñcati\_ atho sāmrājyaṃ vai sāma sāmrājyenaivainaṃ tat sāmrājyaṃ gamayati\_ atho sarveṣāṃ vā eṣa vedānāṃ raso yat sāma sarveṣām eva tad vedānāṃ rasenābhiṣiñcati bṛhatyāṃ gāyati bṛhatyāṃ vā asāv ādityaḥ śriyāṃ pratiṣṭhāyāṃ pratiṣṭhitas tapati\_ aindryāṃ bṛhatyāṃ gāyati\_ aindro vā eṣa yajñakratur yat sautrāmaṇiḥ\_ indrāyatana eṣa etarhi yo yajate sva evainaṃ tad āyatane prīṇāti\_ atha kasmāt saṃśānāni nāma\_ etair vai sāmabhir devā indram indriyeṇa vīryeṇa samaśyan\_ tathaivaitad yajamānā etair eva sāmabhir indriyeṇaiva vīryeṇa saṃśyanti \[ed. vīryena\] saṃśravase viśravase satyaśravase śravasa iti sāmāni bhavanti\_ eṣv evainaṃ lokeṣu pratiṣṭhāpayati caturnidhanaṃ bhavati catasro vai diśaḥ\_ dikṣu tat pratitiṣṭhante\_ atho catuṣpādaḥ paśavaḥ paśūnām āptyai ### [2.5.7x](https://indike.org/pramana/in.veda.brahmana.gopatha.2.5.7x) tad āhur yad etat sāma gīyate 'tha kvaitasya sāmna ukthaṃ kā pratiṣṭhā ### [2.5.7\_2](https://indike.org/pramana/in.veda.brahmana.gopatha.2.5.7_2) trayā devā ekādaśety āhuḥ\_ ### [2.5.7\_3](https://indike.org/pramana/in.veda.brahmana.gopatha.2.5.7_3) etad vā etasya sāmna uktham eṣā pratiṣṭhā ### [2.5.7\_4](https://indike.org/pramana/in.veda.brahmana.gopatha.2.5.7_4) trayastriṃśaṃ grahaṃ gṛhṇāti ### [2.5.7\_5](https://indike.org/pramana/in.veda.brahmana.gopatha.2.5.7_5) sāmnaḥ pratiṣṭhāyai pratiṣṭhāyai || 7 || ### [2.5.8](https://indike.org/pramana/in.veda.brahmana.gopatha.2.5.8) prajāpatir akāmayata vājam āpnuyāṃ svargaṃ lokam iti sa etaṃ vājapeyam apaśyat\_ vājapeyo vā eṣa ya eṣa tapati vājam etena yajamānaḥ svargaṃ lokam āpnoti śukravatyo jyotiṣmatyaḥ prātaḥsavane bhavanti tejo brahmavarcasaṃ tābhir āpnoti vājavatyo mādhyaṃdine savane svargasya lokasya samaṣṭyai\_ annavatyo gaṇavatyaḥ paśumatyas tṛtīyasavane bhavanti bhūmānaṃ tābhir āpnoti sarvaḥ saptadaśo bhavati prajāpatir vai saptadaśaḥ prajāpatim evāpnoti hiraṇyasraja ṛtvijo bhavanti mahasa eva tad rūpaṃ kriyate\_ eṣa me 'muṣmiṃl loke prakāśo 'sad iti jyotir vai hiraṇyam\_ jyotiṣaivainam antardadhati\_ ājiṃ dhāvanti yajamānam ujjāpayanti nākaṃ rohati samahase rohati viśvamahase rohati sarvamahase rohati manuṣyalokād evainam antardadhati devasya savituḥ save svargaṃ lokaṃ varṣiṣṭhaṃ nākaṃ roheyam iti brahmā rathacakraṃ sarpati ### [2.5.8x](https://indike.org/pramana/in.veda.brahmana.gopatha.2.5.8x) savitṛprasūta evainaṃ tat sarpati\_ ### [2.5.8\_2](https://indike.org/pramana/in.veda.brahmana.gopatha.2.5.8_2) atho prajāpatir vai brahmā ### [2.5.8\_3](https://indike.org/pramana/in.veda.brahmana.gopatha.2.5.8_3) prajāpatim evainaṃ vajrād adhiprasuvati ### [2.5.8\_4](https://indike.org/pramana/in.veda.brahmana.gopatha.2.5.8_4) nākasyojjityai ### [2.5.8\_5](https://indike.org/pramana/in.veda.brahmana.gopatha.2.5.8_5) vājināṃ saṃtatyai ### [2.5.8\_6](https://indike.org/pramana/in.veda.brahmana.gopatha.2.5.8_6) vājisāmābhigāyati ### [2.5.8\_7](https://indike.org/pramana/in.veda.brahmana.gopatha.2.5.8_7) vājimān bhavati ### [2.5.8\_8](https://indike.org/pramana/in.veda.brahmana.gopatha.2.5.8_8) vājo vai svargaṃ lokaḥ ### [2.5.8\_9](https://indike.org/pramana/in.veda.brahmana.gopatha.2.5.8_9) svargam eva tal lokaṃ rohati ### [2.5.8\_10](https://indike.org/pramana/in.veda.brahmana.gopatha.2.5.8_10) viṣṇoḥ śipiviṣṭavatīṣu bṛhad uttamaṃ bhavati ### [2.5.8\_11](https://indike.org/pramana/in.veda.brahmana.gopatha.2.5.8_11) svargam eva tal lokaṃ rūḍhvā bradhnasya viṣṭapam atikrāmaty atikrāmati || 8 || ### [2.5.9](https://indike.org/pramana/in.veda.brahmana.gopatha.2.5.9) athāto 'ptoryāmā prajāpatir vai yat prajā asṛjata tā vai tāntā asṛjata tāḥ sṛṣṭāḥ parācya evāsan nopāvartanta tā ekena stomenopāgṛhṇāt tā atyaricyanta tā dvābhyām\_ tāḥ sarvais tasmāt sarvastomas tā ekena pṛṣṭhenopāgṛhṇāt tā atyaricyanata tā dvābhyām\_ tāḥ sarvais tasmāt sarvapṛṣṭhas tā atiriktokthe vāravantīyenāvārayan\_ tasmād eṣo 'tiriktokthavān bhavati tasmād vāravantīyam\_ tā yad āptvāyacchad ato vā aptoryāmā\_ atho prajā vā aptur ity āhuḥ prajānāṃ yamana iti haivaitad uktaṃ tā barhiḥ prajā aśnāyeran\_ \[ed. prajāśnāyeraṃs, corr. Patyal\] tarhi haitaina yajate sa eṣo 'ṣṭāpṛṣṭho bhavati tad yathānyasmin yajñe viśvajitaḥ pṛṣṭham anu saṃcaraṃ bhavati katham etad evam atreti ### [2.5.9x](https://indike.org/pramana/in.veda.brahmana.gopatha.2.5.9x) pitaiṣa yajñānām\_ ### [2.5.9\_2](https://indike.org/pramana/in.veda.brahmana.gopatha.2.5.9_2) tad yathā śreṣṭhini saṃvaśreyur api vidviṣāṇā evam evaitac chreṣṭhino vaśeyānnam annasyānucaryāya kṣamante || 9 || ### [2.5.10](https://indike.org/pramana/in.veda.brahmana.gopatha.2.5.10) tadyathaivādo 'hna ukthānām āgneyaṃ prathamaṃ bhavaty evam evaitad atrāpy āgneyaṃ prathamaṃ bhavati\_ aindre vāva tatrottare \[ed. aidre\] aindre vā ete aindrāvaiṣṇavam acchāvākasyokthaṃ bhavati caturāhāvāny atiriktokthāni bhavanti paśavo vā ukthāni catuṣṭayā vai paśavaḥ\_ atho catuṣpādaḥ paśavaḥ paśūnām āptyai ta ete stotriyānurūpās tṛcā ardharcaśasyāḥ pratiṣṭhā vā ardharcaḥ pratiṣṭhityā eva\_ athaiteṣām evāśvinānāṃ sūktānāṃ dve dve samāhāvam ekaikam aharahaḥ śaṃsati\_ aśvinau vai devānāṃ bhiṣajau tasmād āśvināni sūktāni śaṃsati tad aśvibhyāṃ pradadur idaṃ bhiṣajyatam iti kṣaitrapatyāḥ paridhānīyā bhavanti yatra hatas tat prajā aśanāyantīḥ pipāsantīḥ saṃruddhā sthitā āsaṃs tā dīnā etābhir yathākṣetraṃ pāyayāṃ cakāra tarpayāṃ cakāra\_ \[ed. ha tastat, corr. Patyal\] atho iyaṃ vai kṣetraṃ pṛthivī\_ asyām adīnāyām antataḥ pratiṣṭhāsyāmaha iti triṣṭubho yājyā bhavanti yatra hatas tat prajā aśanāyantīḥ pipāsantīḥ saṃruddhā sthitā babhūvus tā haivainā etābhir yathaukasaṃ vyavasāyayāṃ cakāra tasmād etā yājyā bhavanti tasmād etā yājyā bhavanti || 10 || ### [2.5.11](https://indike.org/pramana/in.veda.brahmana.gopatha.2.5.11) athāto 'naikāhikam\_ \[ed. athato\] śvastotriyam adyastotriyasyānurūpaṃ kurvanti prātaḥsavane\_ ahīnam eva tat saṃtanvanti\_ ahīnasya saṃtatyai tad yathā ha vā ekāhaḥ suta evam ahīnaḥ sutas tad yathaikāhasya sutasya savanāni saṃtiṣṭhamānāni yanty evam ahīnasya sutasyāhāni saṃtiṣṭhamānāni yanti tad yac chvastotriyam adyastotriyasyānurūpaṃ kurvanti prātaḥsavane\_ ahar evaṃ tad ahno 'nurūpaṃ kurvanti\_ apareṇaiva tad ahnāparam ahar abhyārabhante tat tathā na mādhyaṃdine savane śrīr vai pṛṣṭhāni tāni tasminn evāvasthitāni bhavanti\_ etenaiva vidhinā tṛtīyasavane na śvastotriyam adyastotriyasyānurūpaṃ kurvanti || 11 || ### [2.5.12](https://indike.org/pramana/in.veda.brahmana.gopatha.2.5.12) athāta ārambhaṇīyā eva \<ṛjunītī no varuṇa\> iti maitrāvaruṇasya \ iti praṇetā vā eṣa hotrakāṇāṃ yan maitrāvaruṇas tasmād eṣā praṇetṛmatī bhavati\_ \[ed. praṇetrimatī, corr. Patyal\] \\_ iti brāhmaṇācchaṃsinaḥ\_ \\_itīndram evaitayāharahar nirhvayante na haivaiṣāṃ vihave 'nya indraṃ vṛṅkte yatraivaṃvidvān brāhmaṇācchaṃsy etām aharahaḥ śaṃsati \\_ity acchāvākasya\_ \\_itīndrāgnī evaitayāharahar nirhvayante na haivaiṣāṃ vihave 'nya indrāgnī vṛṅkte yatraivaṃvidvān acchāvāka etām aharahaḥ śaṃsati tā vā etāḥ svargasya lokasya nāvaḥ saṃtāraṇyaḥ svargam evaitābhir lokam anusaṃtaranti || 12 || ### [2.5.13](https://indike.org/pramana/in.veda.brahmana.gopatha.2.5.13) athātaḥ paridhānīyā eva \\_iti maitrāvaruṇasya\_ \\_ity ayaṃ vai loka iṣam ity asau lokaḥ svar iti\_ ubhāv evainau tau lokāv ārabhate \\_iti brāhmaṇācchaṃsinaḥ\_ vivat tṛcam\_ svargam evaitābhir lokaṃ vivṛṇoti \ iti siṣāsavo ha vā ete yad dīkṣitās tasmād eṣā valavatī bhavati\_ \ iti \[ed. kṛvan, corr. Patyal\] sanim etebhya etayāvarunddhe\_ \\_iti svargam evaitayāharahar lokam avarunddhe\_ \<āhaṃ sarasvatīvatoḥ \[ṚV 8.38.10a\]\>\_ity acchāvākasya\_ \[ed. svarasvatīvator, corrected p. 303\] \\_iti\_ etad dha vā indrāgnyoḥ priyaṃ dhāmo yad vāg iti priyeṇaivainau tad dhāmnā samardhayati priyeṇaiva dhāmnā samṛdhyate ya evaṃ veda || 13 || ### [2.5.14](https://indike.org/pramana/in.veda.brahmana.gopatha.2.5.14) ubhayyo hotrakāṇāṃ paridhānīyā bhavanty ahīnaparidhānayāś caikāhinasya tata aikāhikībhir eva maitrāvaruṇaḥ paridadhāti tenāsmāl lokān na pracyavate\_ āhinīkībhir acchāvākaḥ svargasya lokasyāptyai\_ ubhayībhir brāhmaṇācchaṃsī\_ evam asāv ubhau vyanvārabhamāṇa etīmaṃ ca lokam amuṃ ca\_ atho 'hīnaṃ caikāhaṃ cātho saṃvatsaraṃ cāgniṣṭomaṃ cātho maitrāvaruṇaṃ cācchāvākaṃ ca\_ evam asāv ubhau vyanvārabhamāṇa eti\_ atha tata aikāhikībhir eva tṛtīyasavane hotrakāḥ paridadhati tenāsmāl lokān na pracyavate\_ āhinīkībhir acchāvākaḥ svargasya lokasya samaṣṭyai kāmaṃ tad dhotā śaṃsed yad dhotrakāḥ pūrvedyuḥ śaṃseyuḥ\_ yad vai hotā tad dhotrakāḥ prāṇo vai hotāṅgāni hotrakāḥ samāno vā ayaṃ prāṇo 'ṅgāny anusaṃcarati tasmāt tat kāmaṃ hotā śaṃsed yad dhotrakāḥ pūrvedyuḥ śaṃseyuḥ\_ yad vai hotā tad dhotrakāḥ\_ ātmā vai hotāṅgāni hotrakāḥ samānā vā ime 'ṅgānām antās tasmāt tat kāmaṃ hotā śaṃsed yad dhotrakāḥ pūrvedyuḥ śaṃseyuḥ\_ \[ed. purvedyuḥ\] yad vai hotā tad dhotrakāḥ ### [2.5.14x](https://indike.org/pramana/in.veda.brahmana.gopatha.2.5.14x) sūktāntair hotā paridadhāti\_ ### [2.5.14\_2](https://indike.org/pramana/in.veda.brahmana.gopatha.2.5.14_2) atha samānya eva hotrakāṇāṃ paridhānīyā bhavanti || 14 || ### [2.5.15](https://indike.org/pramana/in.veda.brahmana.gopatha.2.5.15) yaḥ śvastotriyas tam adyastotriyasyānurūpaṃ kurvanti prātaḥsavane\_ ahīnam eva tat saṃtanvanti\_ ahīnasya saṃtatyai ta ete hotrakāḥ prātaḥsavane ṣaḍahastotriyaṃ śastvā mādhyaṃdine 'hīnasūktāni śaṃsanti\_ \<ā satyo yātu maghavāṃ ṛjīṣī \[ṚV 4.16.1, ŚS 20.77.1\]\>\_iti satyavān maitrāvaruṇaḥ\_ \[ed. satyavan, corr. Patyal\] \\_iti brāhmaṇācchaṃsī \<śāsad vahnir duhitur naptyaṃ gāt \[ṚV 3.31.1\]\>\_ity acchāvākas tad āhuḥ kasmād acchāvāko vahnivad etat sūktam ubhayatra śaṃsati sa parākṣu caivāhaḥsvarvākṣu ceti vīryavān vā eṣa bahvṛco yad acchāvākaḥ\_ vahati ha vai vahnir dhuro yāsu yujyate tasmād acchāvāko vahnivad etat sūktam ubhayatra śaṃsati sa parākṣu caivāhaḥsvarvākṣu ceti tāni pañcasv ahaḥsu śasyante caturviṃśe 'bhijiti viṣuvati viśvajiti mahāvrate tāny etāny ahīnasūktānīty ācakṣate na hy eṣu kiṃ cana hīyate parāñci ha vā etāny ahāny anabhyāvartīni bhavanti tasmād etāny eteṣv ahaḥsu śasyante yad etāni śaṃsanti tat svargasya lokasya rūpam\_ yad vevaitāni śaṃsantīndram evaitair nirhvayante yatharṣabhaṃ vāśitāyai te vai devāś carṣayaś cābruvant samānena yajñaṃ saṃtanvāmahā iti \[ed. cābruvaṃt\] tad etad yajñasya samānam apaśyan\_ samānān pragāthānt samānīḥ pratipadaḥ samānāni sūktāni\_ \[ed. pragāthāṃt\] okaḥsārī vā indraḥ\_ yatra vā indraḥ pūrvaṃ gacchati gacchaty eva tatrāparam\_ ### [2.5.15x](https://indike.org/pramana/in.veda.brahmana.gopatha.2.5.15x) yajñasyaiva sendratāyai || 15 || ### [2.5.15col](https://indike.org/pramana/in.veda.brahmana.gopatha.2.5.15col) ity atharvavede gopathabrāhmaṇottarabhāge pañcamaḥ prapāṭhakaḥ || ## Linked texts (7) - [Kauṣītakibrāhmaṇa](https://indike.org/pramana/in.veda.brahmana.kausitaki.17.4.20) — Kauṣītaki, Sanskrit - [Aitareyabrāhmaṇa](https://indike.org/pramana/in.veda.brahmana.aitreya.4.5) — Mahidāsa Aitareya, Sanskrit - [Atharvavedabrāhmaṇa](https://indike.org/pramana/in.veda.brahmana.atharvavedabrahmana.13.1) — Brahmā, Sanskrit - [A Vedic Concordance](https://indike.org/pramana/ins.reference.bloomfield-1906.c6.1644) — Maurice Bloomfield, English - [Ṛgvedabrāhmaṇa](https://indike.org/pramana/in.veda.brahmana.rgvedabrahmana.17.7) — Sanskrit - [Śrautakośa](https://indike.org/pramana/in.vedanga.kalpa.srauta.srautakosa.4.p546) — Sanskrit - [Ṛgvedaśāṅkhāyanīyabrāhmaṇa](https://indike.org/pramana/in.veda.brahmana.rgvedasankhayaniyabrahmana.19.7) — Sanskrit --- Source: [https://indike.org/pramana/in.veda.brahmana.gopatha.2.5](https://indike.org/pramana/in.veda.brahmana.gopatha.2.5) · Pramāṇa