<!-- Pramāṇa, a library of Indian primary sources · https://indike.org/pramana/in.veda.brahmana.jaiminiya.3.186 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Jaiminīya (Talavakāra) Brāhmaṇa](https://indike.org/pramana/in.veda.brahmana.jaiminiya) › 3.186

# Jaiminīya (Talavakāra) Brāhmaṇa 3.186

Jaiminīyabrāhmaṇa 3.186

- **Language:** Sanskrit

### [3.186](https://indike.org/pramana/in.veda.brahmana.jaiminiya.3.186)

atha samantam  
indrāgnī vā akāmayetāṃ samantau syāva | samānīmṛddhimṛdhnuyāveti  
tāvetatsāmāpaśyatām  
ardhamanyo'paśyada ardhamanyaḥ  
tasyāntau samāhṛtya samadhattām  
yatsamadhattāṃ tatsamantasya samantatvam  
tenāstuvātām  
tato vai tau samantāvabhavatāṃ | samānīmṛddhimārdhnutām  
tadbrahma vā agniḥ | kṣatramindraḥ  
ubhayaṃ brahma ca kṣatraṃ cāvarunddhe ya evaṃ veda  
tasmādu haitatsāmaitasmādahno nāntarityam  
idaṃ vai rathantaramado bṛhat  
idamevāntarikṣaṃ samantamanayoreva lokayossamantatvāya  
etena vā ete samante  
samantena paśukāma stuvīta  
paśavo vā antarikṣaṃ | paśavassamantam  
paśumāneva bhavati samantena tuṣṭuvānaḥ  
brāhmaṇaḥ purodhākāmassamantena stuvīta  
āgreyo brāhmaṇa | ṣandro rājanya | āgneyī pṛthivy | ṣandrī dyauḥ  
te ete'ntarikṣamabhi samante  
samantāvenau karoti brāhmaṇaṃ ca rājanyaṃ ca samantena tuṣṭuvāno | gacchati  
purodhāṃ | pura evaṃ dadhate  
prajāpatirvā akāmayata samantaḥ prajayā paśubhi syāma iti  
sa etatsāmāpaśyat  
tenāstuta tato vai sa samantaḥ prajayā paśubhirabhavat  
tadveva samantasya samantatvam  
samanta eva prajayā paśubhirbhavati ya evaṃ veda

- [Previous: 3.185](https://indike.org/pramana/in.veda.brahmana.jaiminiya.3.185)
- [Next: 3.187](https://indike.org/pramana/in.veda.brahmana.jaiminiya.3.187)
- [Up: 3](https://indike.org/pramana/in.veda.brahmana.jaiminiya.3)

---
Source: [https://indike.org/pramana/in.veda.brahmana.jaiminiya.3.186](https://indike.org/pramana/in.veda.brahmana.jaiminiya.3.186) · Pramāṇa
