<!-- Pramāṇa, a library of Indian primary sources · https://indike.org/pramana/in.veda.brahmana.jaiminiya.3.190 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Jaiminīya (Talavakāra) Brāhmaṇa](https://indike.org/pramana/in.veda.brahmana.jaiminiya) › 3.190

# Jaiminīya (Talavakāra) Brāhmaṇa 3.190

Jaiminīyabrāhmaṇa 3.190

- **Language:** Sanskrit

### [3.190](https://indike.org/pramana/in.veda.brahmana.jaiminiya.3.190)

tāsu vaikhānasam  
vaikhānasā vā etāni sāmānyapaśyannabhyārambhaṃ yajñasya pratyapasāram  
abhyārambhairvai devā asurānyajñādantarāyan  
atha ha vai vaikhānasā ityṛṣikā indrasya priyā āsuḥ  
tānha rahasyurmārimlavo mārayāṃcakāra  
tānhecchanrahasyumupeyāya  
taṃ hovāca rahasyo neha tānvaikhānasānityṛṣikānadrākṣīriti  
sa hovāca syo vai bhagavastānamārayaditi  
taṃ hovācāṃ rahasyo | yatrā duṣpratijñānā bhrūṇahatyā  
atha kathaṃ pratyajñāsthā iti  
sa hovācānṛṭaṃ ca bhrūṇahatyāṃ codayāṃsam  
tadanṛtamevāyāsīt  
sa satyamevābhyupāgāditi  
taṃ hovāca varaṃ vṛṇīṣva yaḥ pratyajñāsthā iti  
sa hovāca brāhmaṇa eva me prajāyāmājāyatāmiti  
te haite takṣavo rāhasyavā  
atho āhurindrameva taddevatā abhyaśaṃsannindraṃ paryacakṣata tvayi satastavo  
mārimlavo'mīmaraditi  
so'kāmayata samainānīrayeyamiti  
sa etatsāmāpaśyat  
tenainānsamairayat  
tadetadbheṣajaṃ prāyaścittissāma  
bheṣajaṃ vai satprāyaścittimakuruta  
vibhraṣṭamivaitadaharyatsaptamam  
tadevaitena bhiṣajyanti  
bheṣajamevaitena prāyaścittiṃ kurvate  
tadu kāmasani  
etaṃ vai sa kāmamakāmayata  
so'smai kāmassamārdhyata  
yatkāma evaitena sāmnā stute samasmai sa kāma ṛdhyate  
tadindro ha vai vikhānāḥ  
sa yadindra etatsāmāpaśyat | tasmādvaikhānasamityākhyāyate  
tadaiḷamacchāvākasāma bhavati  
paśavo vā iḷā  
paśuṣvevaitatpratitiṣṭhanti

- [Previous: 3.189](https://indike.org/pramana/in.veda.brahmana.jaiminiya.3.189)
- [Next: 3.191](https://indike.org/pramana/in.veda.brahmana.jaiminiya.3.191)
- [Up: 3](https://indike.org/pramana/in.veda.brahmana.jaiminiya.3)

## Discussed in (2)

- [Altindische Grammatik](https://indike.org/pramana/ins.literature.wackernagel-1896.v3.c9.2534) — Wackernagel & Debrunner 1896, German
- [The Religion and Philosophy of the Veda and Upanishads](https://indike.org/pramana/ins.religion.keith-1925.v1.c17.s1.40) — Keith 1925, English

---
Source: [https://indike.org/pramana/in.veda.brahmana.jaiminiya.3.190](https://indike.org/pramana/in.veda.brahmana.jaiminiya.3.190) · Pramāṇa
