<!-- Pramāṇa, a library of Indian primary sources · https://indike.org/pramana/in.veda.brahmana.jaiminiya.3.196 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Jaiminīya (Talavakāra) Brāhmaṇa](https://indike.org/pramana/in.veda.brahmana.jaiminiya) › 3.196

# Jaiminīya (Talavakāra) Brāhmaṇa 3.196

Jaiminīyabrāhmaṇa 3.196

- **Language:** Sanskrit

### [3.196](https://indike.org/pramana/in.veda.brahmana.jaiminiya.3.196)

atha kārtaveśam  
tredhā bharateṣu rāṣṭramāsīdvaitahavyeṣu tṛtīyaṃ | mitravatsu tṛtīyaṃ | kṛtaveśe  
tṛtīyam  
so'kāmayata kṛtaveśo ha tvime dve rāṣṭre ekadhā rāṣṭraṃ syāditi  
sa etaddvinidhanaṃ sāmāpaśyat  
tenāstuta  
teneme dve rāṣṭre ha tvaikadhā rāṣṭramabhavat  
tadetacchrīrbhrātṛvyahā sāma  
aśnute śriyaṃ hanti dviṣantaṃ bhrātṛvyaṃ ya evaṃ veda  
yadu kṛtaveśo'paśyattasmātkārtaveśamityākhyāyate  
atha śyāvāśvaṃ svargyaṃ sāma | svargasya lokasya samaṣṭyai  
athāndhīgavamiḷāvatyanuṣṭubasaditi -- aniḷānuṣṭupsyādyadetadatra kuryuḥ  
atho paśavo vā iḷā  
paśavaśchandomāḥ paśūnāmevāvaruddhyai  
athaitā dvipado bhavantyuktabrāhmaṇāḥ  
tā etā bhavanti  
pra vājyakṣār  
iti pravatīrbhavanti  
prāyaṇīyarūpamevaitadupagacchanti  
prāyaṇīyaṃ hyetadahaḥ  
tāsu sauhaviṣam  
devā vā asurānhatvā apūtā ivāmedhyā amanyanta  
te'kāmayanta pūtā medhyā syāmeti  
ta etatsāmāpaśyan  
tenāstuvata  
tato vai te pūtā medhyā abhavan  
te'bruvansuhaviṣo vā abhūmeti  
tadeva sauhaviṣasya sauhaviṣatvam  
pūto medhyo bhavati ya evaṃ veda  
ye somāsaḥ parāvatī  
ti parāvatamiva hyetarhi yajño'gacchat

- [Previous: 3.195](https://indike.org/pramana/in.veda.brahmana.jaiminiya.3.195)
- [Next: 3.197](https://indike.org/pramana/in.veda.brahmana.jaiminiya.3.197)
- [Up: 3](https://indike.org/pramana/in.veda.brahmana.jaiminiya.3)

## Linked texts (1)

- [Sāmavedabrāhmaṇānyaṣṭau](https://indike.org/pramana/in.veda.brahmana.samavedabrahmananyastau.123.9) — Sanskrit

---
Source: [https://indike.org/pramana/in.veda.brahmana.jaiminiya.3.196](https://indike.org/pramana/in.veda.brahmana.jaiminiya.3.196) · Pramāṇa
