<!-- Pramāṇa, a library of Indian primary sources · https://indike.org/pramana/in.veda.brahmana.jaiminiya.3.203 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Jaiminīya (Talavakāra) Brāhmaṇa](https://indike.org/pramana/in.veda.brahmana.jaiminiya) › 3.203

# Jaiminīya (Talavakāra) Brāhmaṇa 3.203

Jaiminīyabrāhmaṇa 3.203

- **Language:** Sanskrit

### [3.203](https://indike.org/pramana/in.veda.brahmana.jaiminiya.3.203)

ṛṣayo vai satrādutthāyāyanta āyuñjānāḥ  
te hocureta kiṃ cideva yakṣaṃ paśyāmeti  
te hocurakūpāro vā ayaṃ kaśyapassamudre'ntarmahadyakṣam  
eta taṃ paśyāmeti  
taṃ hānvabhyaveyuḥ  
tebhyo ha nāvirāsa  
te hocuretendrameva stavāma sa vāvāsyeśe  
sa eva na imaṃ darśayiṣyatīti  
te'trimabruvannṛṣe | tvaṃ stutāditi  
sa etamatristṛcamapaśyat  
tenainamupāyan  
yadindra citra ma iha nāsti tvādātamadrivaḥ  
rādhastanno vidadvasa ubhayāhastyā bhara  
iti  
sa hekṣāṃcakre mahadbata ma ṛṣayo yācanti  
ubhayāhastyā bhare  
ti vā āhuriti  
yatte dikṣu prarādhyaṃ mano asti śrutaṃ bṛhat  
tena dṛḍhā cidadriva ā vājaṃ darṣi sātaye  
iti  
sa hekṣāṃcakre dṛḍhaṃ bata ma ṛṣayo yācanti  
na hājajñāvakūpāraṃ didṛkṣanta iti  
yanminyase vareṇyamindra dyukṣaṃ tadā bhara  
vidyāma tasya te vayamakūpārasya dāvane  
iti  
sa hājajñāvakūpāraṃ vai didṛkṣanta iti  
taṃ ha padodasyannuvācedameva medamṛṣayo mahadivobhayāhastyā bhare  
tyavocanniti  
tamapaśyan  
tā etāḥ kāmasanaya ṛcaḥ  
etaṃ vai te kāmamakāmayanta  
sa ebhyaḥ kāmassamārdhyata  
yatkāma evaitābhirṛgbhi stute | samasmai sa kāma ṛdhyate

- [Previous: 3.202](https://indike.org/pramana/in.veda.brahmana.jaiminiya.3.202)
- [Next: 3.204](https://indike.org/pramana/in.veda.brahmana.jaiminiya.3.204)
- [Up: 3](https://indike.org/pramana/in.veda.brahmana.jaiminiya.3)

## Linked texts (2)

- [Kauthuma (e-text without accents, input A. Pandey)](https://indike.org/pramana/in.veda.samhita.sama*kauthuma*unaccented.4.4.2.13.5) — Sanskrit
- [Śāṭyāyanabrāhmaṇa (fragments)](https://indike.org/pramana/in.veda.brahmana.satyayana*fragments.1.11) — Sanskrit

## Discussed in (3)

- [The Religion and Philosophy of the Veda and Upanishads](https://indike.org/pramana/ins.religion.keith-1925.v1.c23.s2.83) — Keith 1925, English
- [Yakṣas](https://indike.org/pramana/ins.art.coomaraswamy-1928.v1.c2.s2.8) — Coomaraswamy 1928, English
- [Spiritual Authority and Temporal Power in the Indian Theory of Government](https://indike.org/pramana/ins.polity.coomaraswamy-1942.c2.s1.8) — Coomaraswamy 1942, English

---
Source: [https://indike.org/pramana/in.veda.brahmana.jaiminiya.3.203](https://indike.org/pramana/in.veda.brahmana.jaiminiya.3.203) · Pramāṇa
