<!-- Pramāṇa, a library of Indian primary sources · https://indike.org/pramana/in.veda.brahmana.jaiminiya.3.204 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Jaiminīya (Talavakāra) Brāhmaṇa](https://indike.org/pramana/in.veda.brahmana.jaiminiya) › 3.204

# Jaiminīya (Talavakāra) Brāhmaṇa 3.204

Jaiminīyabrāhmaṇa 3.204

- **Language:** Sanskrit

### [3.204](https://indike.org/pramana/in.veda.brahmana.jaiminiya.3.204)

tāsu vasiṣṭhasya vīṅkamatikrāntiḥ  
ati vā etarhyanuṣṭubanuṣṭubhaṃ krāmati  
saiṣānuṣṭupsatī trayastriṃśadakṣarā saṃpadyate  
tenātikrāmati  
vasiṣṭho vai jīto hataputro'kāmayata vīmām̐llokānaśnuvīya | vi prajayā  
paśubhiraśnuvīyeti  
sa etatsāmāpaśyat  
tenāstuta  
tena vīvītyevemām̐llokānāśnuta | vi prajayā paśubhirāśnute  
tadetatsvargyaṃ prajananaṃ sāma  
vīmām̐llokānaśnute | vi prajayā paśubhiraśnute | ya evaṃ veda  
tadu stobhānutunnaṃ bhavati  
anutunnādvai prajāḥ paśavaḥ prajāyante  
paśavaśchandomāḥ  
tena vai rūpasamṛddham  
yadu vasiṣṭho'paśyattasmādvasiṭṭasya vīṃkamityākhyāyate  
tadaiḷamacchāvākasāma bhavati  
paśavo vā iḷā  
paśuṣvevaitatpratitiṣṭhanti

- [Previous: 3.203](https://indike.org/pramana/in.veda.brahmana.jaiminiya.3.203)
- [Next: 3.205](https://indike.org/pramana/in.veda.brahmana.jaiminiya.3.205)
- [Up: 3](https://indike.org/pramana/in.veda.brahmana.jaiminiya.3)

---
Source: [https://indike.org/pramana/in.veda.brahmana.jaiminiya.3.204](https://indike.org/pramana/in.veda.brahmana.jaiminiya.3.204) · Pramāṇa
