<!-- Pramāṇa, a library of Indian primary sources · https://indike.org/pramana/in.veda.brahmana.jaiminiya.3.210 -->

[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Jaiminīya (Talavakāra) Brāhmaṇa](https://indike.org/pramana/in.veda.brahmana.jaiminiya) › 3.210

# Jaiminīya (Talavakāra) Brāhmaṇa 3.210: atha sauparṇamuktabrāhmaṇam

Jaiminīyabrāhmaṇa 3.210

- **Language:** Sanskrit

### [3.210](https://indike.org/pramana/in.veda.brahmana.jaiminiya.3.210)

atha dhurāṃ sāma dravadiḷaṃ rāthantaram  
tasmādrāthantare'hankriyate  
chandāṃsi vai dhuraḥ  
yātayāmāna ivaite yacchandomāḥ  
tadyadatra dhurāṃ sāma kriyate tenaiva chandomā dhūrvantaśchandasvanto'yātayāmānaḥ  
kriyante  
atho prāṇā vai dhuraḥ  
paśavo dhuraḥ  
prāṇeṣveva tatpaśuṣu pratitiṣṭhati  
atheḷataṃ triṇidhanaṃ savanānāṃ kḷhaptyai  
etaddha vai samṛddhaṃ yadgāyatraṃ triṇidhanam  
iḷankāvya svargakāmastapo'tapyata  
sa etatsāmāpaśyat  
tenāstuta  
sa imameva lokaṃ prathamena nidhanenābhyārohad | antarikṣaṃ dvitīyena | amuṃ  
tṛtīyena  
tānimāṃstrīm̐llokānabhyārohat  
tato vai sa svarge loke pratyatiṣṭhat  
tadetatsvargyaṃ pratiṣṭhā sāma  
gacchti svargaṃ lokaṃ | prati svarge loke tiṣthati ya evaṃ veda  
yadviḷankāvyo'paśyattasmādaiḷatamityākhyāyate  
atha saumitraṃ | bhrātṛvyahā sendraṃ sāma  
hanti dviṣantaṃ bhrātṛvyamāsyendro havaṃ gacchati ya evaṃ veda  
taccaturakṣaraṇidhanaṃ bhavati catuṣpadā vai paśavaḥ | paśavaśchandomāḥ  
paśūnāmevāvaruddhyai

- [Previous: 3.209](https://indike.org/pramana/in.veda.brahmana.jaiminiya.3.209)
- [Next: 3.211](https://indike.org/pramana/in.veda.brahmana.jaiminiya.3.211)
- [Up: 3](https://indike.org/pramana/in.veda.brahmana.jaiminiya.3)

---
Source: [https://indike.org/pramana/in.veda.brahmana.jaiminiya.3.210](https://indike.org/pramana/in.veda.brahmana.jaiminiya.3.210) · Pramāṇa
