[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.1 # Mantrabrahmana 1.1 Mantrabrāhmaṇa 1.1 - **Language:** Sanskrit ### [1.1.1](https://indike.org/pramana/in.veda.brahmana.mantra.1.1.1) deva savitaḥ prasuva yajñaṃ prasuva yajñapatiṃ bhagāya / divyo gandharvaḥ ketapūḥ ketaṃ naḥ punātu vācaspatir vācaṃ naḥ svadatu // ### [1.1.2](https://indike.org/pramana/in.veda.brahmana.mantra.1.1.2) kāma veda te nāma mado nāmāsi samānayāmum̐ surā te abhavat / param atra janmāgne tapaso nirmito 'si // svāhā // ### [1.1.3](https://indike.org/pramana/in.veda.brahmana.mantra.1.1.3) imaṃ ta upasthaṃ madhunā sam̐sṛjāmi prajāpater mukham etad dvitīyam / tena pum̐so 'bhibhavāsi sarvān avaśān vaśiny asi rājñī // svāhā // ### [1.1.4](https://indike.org/pramana/in.veda.brahmana.mantra.1.1.4) agniṃ kravyādam akṛṇvan guhānāḥ strīṇām upastham ṛṣayaḥ purāṇāḥ / tenājyam akṛṇvam̐s traiśṛṇgaṃ tvāṣṭraṃ tvayi tad dadhātu // svāhā // ### [1.1.5](https://indike.org/pramana/in.veda.brahmana.mantra.1.1.5) yā akṛṇtann avayan yā atanvata yāś ca devyo antān abhito 'dadanta / tās tvā devyo jarasā sam̐vyayantv āyuṣmatīdaṃ paridhatsva vāsaḥ // ### [1.1.6](https://indike.org/pramana/in.veda.brahmana.mantra.1.1.6) paridhatta dhatta vāsasainām̐ śatāyuṣīṃ kṛṇuta dīrgham āyuḥ / śataṃ ca jīva śaradaḥ suvarcā vasūni cārye vibhajāsi jīvan // ### [1.1.7](https://indike.org/pramana/in.veda.brahmana.mantra.1.1.7) somo 'dadad gandharvāya gandharvo 'dadad agnaye / rayiṃ ca putrām̐ś cādād agnir mahyam atho imām // ### [1.1.8](https://indike.org/pramana/in.veda.brahmana.mantra.1.1.8) pra me patiyānaḥ panthāḥ kalpatām̐ śivā ariṣṭā patilokaṃ gameyam // ### [1.1.9](https://indike.org/pramana/in.veda.brahmana.mantra.1.1.9) prāsyāḥ patiyānaḥ panthāḥ kalpatām̐ śivā ariṣṭā patilokaṃ gamyāḥ // ### [1.1.10](https://indike.org/pramana/in.veda.brahmana.mantra.1.1.10) agnir etu prathamo devatābhyaḥ so 'syai prajāṃ muñcatu mṛtyupāśāt / tad ayam̐ rājā varuṇo 'numanyatām̐ yatheyam̐ strī pautram aghaṃ na rodāt // svāhā // ### [1.1.11](https://indike.org/pramana/in.veda.brahmana.mantra.1.1.11) imām agnis trāyatāṃ gārhapatyaḥ prajām asyai jaradaṣṭiṃ kṛṇotu / aśūnyopasthā jīvatām astu mātā pautram ānandam abhivibudhyatām iyam̐ // svāhā // ### [1.1.12](https://indike.org/pramana/in.veda.brahmana.mantra.1.1.12) dyaus te pṛṣtham̐ rakṣatu vāyur ūrū aśvinau ca / stanaṃdhayān te putrānt savitābhirakṣatv ā vāsasaḥ paridhānād bṛhaspatir viśve devā abhirakṣantu paścāt // svāhā // ### [1.1.13](https://indike.org/pramana/in.veda.brahmana.mantra.1.1.13) mā te gṛheṣu niśi ghoṣa utthād anyatra tvad rudatyaḥ sam̐viśantu / mā tvam̐ rudaty ura ābādhiṣṭhā jīvapatnī patiloke virāja paśyantī prajām̐ sumanasyamānām̐ // svāhā // ### [1.1.14](https://indike.org/pramana/in.veda.brahmana.mantra.1.1.14) aprajasyaṃ pautramṛtyuṃ pāpmānam uta vāgham / śīrṣṇaḥ srajam ivonmucya dviṣadbhyaḥ pratimuñcāmi pāśam̐ // svāhā // ### [1.1.15](https://indike.org/pramana/in.veda.brahmana.mantra.1.1.15) paraitu mṛtyur amṛtaṃ ma āgād vaivasvato na abhayaṃ kṛṇotu / paraṃ mṛtyo anuparehi panthām̐ yatra no anya itaro devayānāt / cakṣuṣmate śṛṇvate te bravīmi mā naḥ prajām̐ rīriṣo mota vīrānt // svāhā // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.1.1) — Sanskrit ## Linked texts (5) - [Chāndogyabrāhmaṇa](https://indike.org/pramana/in.veda.brahmana.chandogya.1.1) — Sanskrit - [Gobhilagṛhyasūtra](https://indike.org/pramana/in.vedanga.kalpa.grhya.gobhila.2.1.20) — Gobhila, Sanskrit - [Jaiminīyagṛhyasūtra](https://indike.org/pramana/in.vedanga.kalpa.grhya.jaiminiya.3.2) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.15.1-3) — Śivarāma 1615, Sanskrit - [Satkriyāsāradīpikā](https://indike.org/pramana/in.sampradaya.vaisnava.gaudiya.acara.satkriyasaradipika.5.1.13) — Gopālakavi 1500, Sanskrit --- Source: [https://indike.org/pramana/in.veda.brahmana.mantra.1.1](https://indike.org/pramana/in.veda.brahmana.mantra.1.1) · Pramāṇa