[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.2 # Mantrabrahmana 1.2 Mantrabrāhmaṇa 1.2 - **Language:** Sanskrit ### [1.2.1](https://indike.org/pramana/in.veda.brahmana.mantra.1.2.1) imam aśmānam ārohā- -śmeva tvam̐ sthirā bhava / dviṣantam apabādhasva mā ca tvaṃ dviṣatām adhaḥ // ### [1.2.2](https://indike.org/pramana/in.veda.brahmana.mantra.1.2.2) iyaṃ nāry upabrūte 'gnau lājān āvapantī / dīrghāyur astu me patiḥ śatam̐ varṣāṇi jīvatv edhantāṃ jñātayo mama // svāhā // ### [1.2.3](https://indike.org/pramana/in.veda.brahmana.mantra.1.2.3) aryamaṇaṃ nu devaṃ kanyā agnim ayakṣata / sa imāṃ devo aryamā preto muñcatu māmutaḥ // svāhā // ### [1.2.4](https://indike.org/pramana/in.veda.brahmana.mantra.1.2.4) pūṣaṇaṃ nu devaṃ kanyā agnim ayakṣata / sa imāṃ devo pūṣā preto muñcatu māmutaḥ // svāhā // ### [1.2.5](https://indike.org/pramana/in.veda.brahmana.mantra.1.2.5) kanyalā pitṛbhyaḥ patilokam̐ yatī- -yam apa dīkṣām ayaṣṭa / kanya uta tvayā vayaṃ dhārā udanyā ivā- -tigāhemahi dviṣaḥ // ### [1.2.6](https://indike.org/pramana/in.veda.brahmana.mantra.1.2.6) ekam iṣe viṣṇus tvā nayatu // ### [1.2.7](https://indike.org/pramana/in.veda.brahmana.mantra.1.2.7) dve ūrje viṣṇus tvā nayatu // ### [1.2.8](https://indike.org/pramana/in.veda.brahmana.mantra.1.2.8) trīṇi vratāya viṣṇus tvā nayatu // ### [1.2.9](https://indike.org/pramana/in.veda.brahmana.mantra.1.2.9) catvāri māyobhavāya viṣṇus tvā nayatu // ### [1.2.10](https://indike.org/pramana/in.veda.brahmana.mantra.1.2.10) pañca paśubhyo viṣṇus tvā nayatu // ### [1.2.11](https://indike.org/pramana/in.veda.brahmana.mantra.1.2.11) ṣaḍ rāyas poṣāya viṣṇus tvā nayatu // ### [1.2.12](https://indike.org/pramana/in.veda.brahmana.mantra.1.2.12) sapta saptabhyo hotrābhyo viṣṇus tvā nayatu // ### [1.2.13](https://indike.org/pramana/in.veda.brahmana.mantra.1.2.13) sakhā saptapadī bhava sakhyaṃ te gameyam̐ sakhyāt te mā yoṣam̐ sakhyān me mā yoṣṭhāḥ // ### [1.2.14](https://indike.org/pramana/in.veda.brahmana.mantra.1.2.14) sumaṅgalīr iyam̐ vadhūr imām̐ sameta paśyata / saubhāgyam asyai dattvāyā- -thāstam̐ viparetana // ### [1.2.15](https://indike.org/pramana/in.veda.brahmana.mantra.1.2.15) samañjantu viśve devāḥ sam āpo hṛdayāni nau / saṃ mātariśvā saṃ dhātā sam u deṣṭrī dadhātu nau // ### [1.2.16](https://indike.org/pramana/in.veda.brahmana.mantra.1.2.16) gṛbhnāmi te saubhagatvāya hastaṃ mayā patyā jaradaṣṭir yathāsaḥ / bhago aryamā savitā puraṃdhir mahyam tvādur gārhapatyāya devāḥ // ### [1.2.17](https://indike.org/pramana/in.veda.brahmana.mantra.1.2.17) aghoracakṣur apatighny edhi śivā paśubhyaḥ sumanāḥ suvarcāḥ / vīrasūr jīvasūr devakāmā syonā śaṃ no bhava dvipade śaṃ catuṣpade // ### [1.2.18](https://indike.org/pramana/in.veda.brahmana.mantra.1.2.18) ā naḥ prajāṃ janayatu prajāpatir ā jarasāya samanaktv aryamā / adurmaṅgalīḥ patilokam āviśa śaṃ no bhava dvipade śaṃ catuṣpade // ### [1.2.19](https://indike.org/pramana/in.veda.brahmana.mantra.1.2.19) imāṃ tvaṃ indra mīḍhvaḥ suputrām̐ subhagāṃ kṛdhi / daśāsyāṃ putrān ādhehi patiṃ ekādaśaṃ kuru // ### [1.2.20](https://indike.org/pramana/in.veda.brahmana.mantra.1.2.20) samrājñī śvaśure bhava samrājñī śvaśrvāṃ bhava / nanāndari samrājñī bhava samrājñī adhi devṛṣu // ### [1.2.21](https://indike.org/pramana/in.veda.brahmana.mantra.1.2.21) mama vrate te hṛdayaṃ dadhātu mama cittam anu cittaṃ te astu / mama vācam ekamanā juṣasva bṛhaspatis tvā niyunaktu mahyam // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.2.1) — Sanskrit ## Linked texts (3) - [Chāndogyabrāhmaṇa](https://indike.org/pramana/in.veda.brahmana.chandogya.2.1) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.34.1) — Śivarāma 1615, Sanskrit - [Satkriyāsāradīpikā](https://indike.org/pramana/in.sampradaya.vaisnava.gaudiya.acara.satkriyasaradipika.6.1) — Gopālakavi 1500, Sanskrit --- Source: [https://indike.org/pramana/in.veda.brahmana.mantra.1.2](https://indike.org/pramana/in.veda.brahmana.mantra.1.2) · Pramāṇa