[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.3 # Mantrabrahmana 1.3 Mantrabrāhmaṇa 1.3 - **Language:** Sanskrit ### [1.3.1](https://indike.org/pramana/in.veda.brahmana.mantra.1.3.1) lekhāsaṃdhiṣu pakṣmasv āvarteṣu ca yāni te / tāni te pūrṇāhutyā sarvāṇi śamayāmy aham // ### [1.3.2](https://indike.org/pramana/in.veda.brahmana.mantra.1.3.2) keśeṣu yac ca pāpakam īkṣite rudite ca yat / tāni te pūrṇāhutyā sarvāṇi śamayāmy aham // ### [1.3.3](https://indike.org/pramana/in.veda.brahmana.mantra.1.3.3) śīle ca yac ca pāpakaṃ bhāṣite hasite ca yat / tāni te pūrṇāhutyā sarvāṇi śamayāmy aham // ### [1.3.4](https://indike.org/pramana/in.veda.brahmana.mantra.1.3.4) ārokeṣu ca danteṣu hastayoḥ pādayoś ca yat / tāni te pūrṇāhutyā sarvāṇi śamayāmy aham // ### [1.3.5](https://indike.org/pramana/in.veda.brahmana.mantra.1.3.5) ūrvor upasthe jaṅghayoḥ saṃdhāneṣu ca yāni te / tāni te pūrṇāhutyā sarvāṇi śamayāmy aham // ### [1.3.6](https://indike.org/pramana/in.veda.brahmana.mantra.1.3.6) yāni kāni ca ghorāṇi sarvāṅgeṣu tavābhavan / pūrṇāhutibhir ājyasya sarvāṇi tāny aśīśamam // ### [1.3.7](https://indike.org/pramana/in.veda.brahmana.mantra.1.3.7) dhruvā dyaur dhruvā pṛthivī dhruvam̐ viśvam idaṃ jagat / dhruvāsaḥ parvatā ime dhruvā strī patikule ^ iyam // ### [1.3.8](https://indike.org/pramana/in.veda.brahmana.mantra.1.3.8) annapāśena maṇinā prāṇasūtreṇa pṛśninā / badhnāmi satyagranthinā manaś ca hṛdayaṃ ca te // ### [1.3.9](https://indike.org/pramana/in.veda.brahmana.mantra.1.3.9) yad etad dhṛdayaṃ tava tad astu hṛdayaṃ mama / yad idam̐ hṛdayaṃ mama tad astu hṛdayaṃ tava // ### [1.3.10](https://indike.org/pramana/in.veda.brahmana.mantra.1.3.10) annaṃ prāṇasya paḍvim̐śas tena badhnāmi tvāsau // ### [1.3.11](https://indike.org/pramana/in.veda.brahmana.mantra.1.3.11) sukim̐śukam̐ śalmalim̐ viśvarūpam̐ suvarṇavarṇam̐ sukṛtam̐ sucakram / āroha sūrye amṛtasya nābhim̐ syonaṃ patye vahatuṃ kṛṇuṣva // ### [1.3.12](https://indike.org/pramana/in.veda.brahmana.mantra.1.3.12) mā vidan paripanthino ya āsīdanti dampatī / sugebhir durgam atītām apadrāntv arātayaḥ // ### [1.3.13](https://indike.org/pramana/in.veda.brahmana.mantra.1.3.13) iha gāvaḥ prajāyadhvam ihāśvā iha pūruṣāḥ / iho sahasradakṣiṇo 'pi pūṣā niṣīdatu // ### [1.3.14](https://indike.org/pramana/in.veda.brahmana.mantra.1.3.14) iha dhṛtir iha svadhṛtir iha rantir iha ramasva / mayi dhṛtir mayi svadhṛtir mayi ramo mayi ramasva // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.3.1) — Sanskrit ## Linked texts (3) - [Chāndogyabrāhmaṇa](https://indike.org/pramana/in.veda.brahmana.chandogya.3.1) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.36.1) — Śivarāma 1615, Sanskrit - [Satkriyāsāradīpikā](https://indike.org/pramana/in.sampradaya.vaisnava.gaudiya.acara.satkriyasaradipika.8.1) — Gopālakavi 1500, Sanskrit --- Source: [https://indike.org/pramana/in.veda.brahmana.mantra.1.3](https://indike.org/pramana/in.veda.brahmana.mantra.1.3) · Pramāṇa