[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.4 # Mantrabrahmana 1.4 Mantrabrāhmaṇa 1.4 - **Language:** Sanskrit ### [1.4.1](https://indike.org/pramana/in.veda.brahmana.mantra.1.4.1) agne prāyaścitte tvaṃ devānāṃ prāyaścittir asi / brāhmaṇas tvā nāthakāma upadhāvāmi / yāsyāḥ pāpī lakṣmīs tām asyā apajahi // ### [1.4.2](https://indike.org/pramana/in.veda.brahmana.mantra.1.4.2) vāyo prāyaścitte tvaṃ devānāṃ prāyaścittir asi / brāhmaṇas tvā nāthakāma upadhāvāmi / yāsyāḥ patighnī tanūs tām asyā apajahi // ### [1.4.3](https://indike.org/pramana/in.veda.brahmana.mantra.1.4.3) candra prāyaścitte tvaṃ devānāṃ prāyaścittir asi / brāhmaṇas tvā nāthakāma upadhāvāmi / yāsyā aputryā tanūs tām asyā apajahi // ### [1.4.4](https://indike.org/pramana/in.veda.brahmana.mantra.1.4.4) sūrya prāyaścitte tvaṃ devānāṃ prāyaścittir asi / brāhmaṇas tvā nāthakāma upadhāvāmi / yāsyā apaśavyā tanūs tām asyā apajahi // ### [1.4.5](https://indike.org/pramana/in.veda.brahmana.mantra.1.4.5) agnivāyucandrasūryāḥ prāyaścittayo yūyaṃ devānāṃ prāyaścittayaḥ stha / brāhmaṇo vo nāthakāma upadhāvāmi / yāsyāḥ pāpī lakṣmīr yā patighnī yāputryā yāpaśavyā tā asyā apahata // ### [1.4.6](https://indike.org/pramana/in.veda.brahmana.mantra.1.4.6) viṣṇur yoniṃ kalpayatu tvaṣṭā rūpāṇi pim̐śatu / āsiñcatu prajāpatir dhātā garbhaṃ dadhātu te // ### [1.4.7](https://indike.org/pramana/in.veda.brahmana.mantra.1.4.7) garbhaṃ dhehi sinīvāli garbhaṃ dhehi sarasvati / garbhaṃ te aśvinau devāv ādhattāṃ puṣkarasrajau // ### [1.4.8](https://indike.org/pramana/in.veda.brahmana.mantra.1.4.8) pumām̐sau mitrāvaruṇau pumām̐sāv aśvināv ubhau / pumān agniś ca vāyuś ca pumān garbhas tavodare // ### [1.4.9](https://indike.org/pramana/in.veda.brahmana.mantra.1.4.9) pumān agniḥ pumān indraḥ pumān devo bṛhaspatiḥ / pumām̐saṃ putram̐ vindasva taṃ pumān anu jāyatām // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.4.1) — Sanskrit ## Linked texts (3) - [Chāndogyabrāhmaṇa](https://indike.org/pramana/in.veda.brahmana.chandogya.4.1) — Sanskrit - [Kauṣītakagṛhyasūtra](https://indike.org/pramana/in.vedanga.kalpa.grhya.kausitaka.1.11.4) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.38.4) — Śivarāma 1615, Sanskrit --- Source: [https://indike.org/pramana/in.veda.brahmana.mantra.1.4](https://indike.org/pramana/in.veda.brahmana.mantra.1.4) · Pramāṇa