[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.5 # Mantrabrahmana 1.5 Mantrabrāhmaṇa 1.5 - **Language:** Sanskrit ### [1.5.1](https://indike.org/pramana/in.veda.brahmana.mantra.1.5.1) ayam ūrjāvato vṛkṣa ūrjīva phalinī bhava / parṇam̐ vanaspate 'nu tvā- -nu tvā sūyatām̐ rayiḥ // ### [1.5.2](https://indike.org/pramana/in.veda.brahmana.mantra.1.5.2) yenāditeḥ sīmānaṃ nayati prajāpatir mahate saubhagāya / tenāham asyai sīmānaṃ nayāmi prajām asyai jaradaṣṭiṃ kṛṇomi // ### [1.5.3](https://indike.org/pramana/in.veda.brahmana.mantra.1.5.3) rākām aham̐ suhavām̐ suṣṭutī huve śṛṇotu naḥ subhagā bodhatu tmanā / sīvyatv apaḥ sūcyācchidyamānayā dadātu vīram̐ śatadāyumukhyam // ### [1.5.4](https://indike.org/pramana/in.veda.brahmana.mantra.1.5.4) yās te rāke sumatayaḥ supeśaso yābhir dadāsi dāśuṣe vasūni / tābhir no adya sumanā upāgahi sahasrapoṣam̐ subhage rarāṇā // ### [1.5.5](https://indike.org/pramana/in.veda.brahmana.mantra.1.5.5) kiṃ paśyasi / prajāṃ paśūnt saubhāgyaṃ mahyaṃ dīrghāyuṣṭvaṃ patyuḥ // ### [1.5.6](https://indike.org/pramana/in.veda.brahmana.mantra.1.5.6) yā tiraścī nipadyate aham̐ vidharaṇī iti / tāṃ tvā ghṛtasya dhārayā yaje sam̐rādhanīm aham / sam̐rādhanyai devyai deṣṭryai // ### [1.5.7](https://indike.org/pramana/in.veda.brahmana.mantra.1.5.7) vipaścit puccham abharat tad dhātā punar āharat / parehi tvam̐ vipaścit pumān ayaṃ janiṣyate 'sau nāma // ### [1.5.8](https://indike.org/pramana/in.veda.brahmana.mantra.1.5.8) iyam ājñedam annam idam āyur idam amṛtam // ### [1.5.9](https://indike.org/pramana/in.veda.brahmana.mantra.1.5.9) medhāṃ te mitrāvaruṇau medhām agnir dadhātu te / medhāṃ te aśvinau devāv ādhattāṃ puṣkarasrajau // ### [1.5.10](https://indike.org/pramana/in.veda.brahmana.mantra.1.5.10) yat te susīme hṛdayam̐ hitam antaḥ prajāpatau // vedāhaṃ manye tad brahma māhaṃ pautram aghaṃ nigām // ### [1.5.11](https://indike.org/pramana/in.veda.brahmana.mantra.1.5.11) yat pṛthivyā anāmṛtaṃ divi candramasi śritam / vedāmṛtasyāhaṃ nāma māhaṃ pautram agham̐ riṣam // ### [1.5.12](https://indike.org/pramana/in.veda.brahmana.mantra.1.5.12) indrāgnī śarma yacchataṃ prajāyai me prajāpatī / yathāyaṃ na pramīyeta putro janitryā adhi // ### [1.5.13](https://indike.org/pramana/in.veda.brahmana.mantra.1.5.13) yad adaś candramasi kṛṣṇaṃ pṛthivyā hṛdayam̐ śritam / tad aham̐ vidvām̐s tat paśyan māhaṃ pautram agham̐ rudam // ### [1.5.14](https://indike.org/pramana/in.veda.brahmana.mantra.1.5.14) ko 'si katamo 'sy eṣo 'sy amṛto 'si / āhaspatyaṃ māsaṃ praviśāsau // ### [1.5.15](https://indike.org/pramana/in.veda.brahmana.mantra.1.5.15) sa tvāhne paridadātv ahas tvā rātryai paridadātu rātris tvāhorātrābhyāṃ paridadātv ahorātrau tvārdhamāsebhyaḥ paridattām ardhamāsās tvā māsebhyaḥ paridadatu māsās tva rtubhyaḥ paridadatv ṛtavas tvā sam̐vatsarāya paridadatu sam̐vatsaras tvāyuṣe jarāyai paridadātv asau // ### [1.5.16](https://indike.org/pramana/in.veda.brahmana.mantra.1.5.16) aṅgādaṅgāt sam̐śravasi hṛdayād adhi jāyase / prāṇaṃ te prāṇena saṃdadhāmi jīva me yāvad āyuṣam // ### [1.5.17](https://indike.org/pramana/in.veda.brahmana.mantra.1.5.17) aṅgādaṅgāt saṃbhavasi hṛdayād adhi jāyase / vedo vai putranāmāsi sa jīva śaradaḥ śatam // ### [1.5.18](https://indike.org/pramana/in.veda.brahmana.mantra.1.5.18) aśmā bhava paraśur bhava hiraṇyam astṛtaṃ bhava / ātmāsi putra mā mṛthāḥ sa jīva śaradaḥ śatam // ### [1.5.19](https://indike.org/pramana/in.veda.brahmana.mantra.1.5.19) paśūnāṃ tvā hiṅkāreṇābhijighrāmy asau // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.5.1) — Sanskrit ## Linked texts (7) - [Chāndogyabrāhmaṇa](https://indike.org/pramana/in.veda.brahmana.chandogya.5.1) — Sanskrit - [Gobhilagṛhyasūtra](https://indike.org/pramana/in.vedanga.kalpa.grhya.gobhila.2.7.15) — Gobhila, Sanskrit - [Kauṣītakagṛhyasūtra](https://indike.org/pramana/in.vedanga.kalpa.grhya.kausitaka.1.14.8) — Sanskrit - [Pāraskaragṛhyasūtra](https://indike.org/pramana/in.vedanga.kalpa.grhya.paraskara.1.15.6) — Pāraskara, Sanskrit - [Jaiminīyagṛhyasūtra](https://indike.org/pramana/in.vedanga.kalpa.grhya.jaiminiya.8.2) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.41.1.2) — Śivarāma 1615, Sanskrit - [Satkriyāsāradīpikā](https://indike.org/pramana/in.sampradaya.vaisnava.gaudiya.acara.satkriyasaradipika.13.1.3) — Gopālakavi 1500, Sanskrit --- Source: [https://indike.org/pramana/in.veda.brahmana.mantra.1.5](https://indike.org/pramana/in.veda.brahmana.mantra.1.5) · Pramāṇa