[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.6 # Mantrabrahmana 1.6 Mantrabrāhmaṇa 1.6 - **Language:** Sanskrit ### [1.6.1](https://indike.org/pramana/in.veda.brahmana.mantra.1.6.1) āyam agāt savitā kṣureṇa // ### [1.6.2](https://indike.org/pramana/in.veda.brahmana.mantra.1.6.2) uṣṇena vāya udakenaidhi // ### [1.6.3](https://indike.org/pramana/in.veda.brahmana.mantra.1.6.3) āpa undantu jīvase // ### [1.6.4](https://indike.org/pramana/in.veda.brahmana.mantra.1.6.4) viṣṇor dam̐ṣṭro 'si // ### [1.6.5](https://indike.org/pramana/in.veda.brahmana.mantra.1.6.5) oṣadhe trāyasvainam // ### [1.6.6](https://indike.org/pramana/in.veda.brahmana.mantra.1.6.6) svadhite mainam̐ him̐sīḥ // ### [1.6.7](https://indike.org/pramana/in.veda.brahmana.mantra.1.6.7) yena pūṣā bṛhaspater vāyor indrasya cāvapat / tena te vapāmi brahmaṇā jīvātave jīvanāya dīrghāyuṣṭvāya varcase // ### [1.6.8](https://indike.org/pramana/in.veda.brahmana.mantra.1.6.8) tryāyuṣaṃ jamadagneḥ kaśyapasya tryāyuṣam agastyasya tryāyuṣam̐ yad devānāṃ tryāyuṣaṃ tat te astu tryāyuṣam // ### [1.6.9](https://indike.org/pramana/in.veda.brahmana.mantra.1.6.9) agne vratapate vrataṃ cariṣyāmi tat te prabravīmi tac chakeyaṃ tena rdhyāsam / idam aham anṛtāt satyam upaimi // svāhā // ### [1.6.10](https://indike.org/pramana/in.veda.brahmana.mantra.1.6.10) vāyo vratapate vrataṃ cariṣyāmi tat te prabravīmi tac chakeyaṃ tena rdhyāsam / idam aham anṛtāt satyam upaimi // svāhā // ### [1.6.11](https://indike.org/pramana/in.veda.brahmana.mantra.1.6.11) sūrya vratapate vrataṃ cariṣyāmi tat te prabravīmi tac chakeyaṃ tena rdhyāsam / idam aham anṛtāt satyam upaimi // svāhā // ### [1.6.12](https://indike.org/pramana/in.veda.brahmana.mantra.1.6.12) candra vratapate vrataṃ cariṣyāmi tat te prabravīmi tac chakeyaṃ tena rdhyāsam / idam aham anṛtāt satyam upaimi // svāhā // ### [1.6.13](https://indike.org/pramana/in.veda.brahmana.mantra.1.6.13) vratānām̐ vratapate vrataṃ cariṣyāmi tat te prabravīmi tac chakeyaṃ tena rdhyāsam / idam aham anṛtāt satyam upaimi // svāhā // ### [1.6.14](https://indike.org/pramana/in.veda.brahmana.mantra.1.6.14) āgantrā samaganmahi pra sumartyam̐ yuyotana / ariṣṭāḥ saṃcaremahi svasti caratād ayam // ### [1.6.15](https://indike.org/pramana/in.veda.brahmana.mantra.1.6.15) agniṣ ṭe hastam agrahīt savitā hastam agrahīd aryamā hastam agrahīn mitras tvam asi karmaṇā- -gnir ācāryas tava // ### [1.6.16](https://indike.org/pramana/in.veda.brahmana.mantra.1.6.16) brahmacaryam āgām upa mā nayasva // ### [1.6.17](https://indike.org/pramana/in.veda.brahmana.mantra.1.6.17) ko nāmāsy asau nāmāsmi // ### [1.6.18](https://indike.org/pramana/in.veda.brahmana.mantra.1.6.18) devasya te savituḥ prasave 'śvinor bāhubhyāṃ pūṣṇo hastābhyām̐ hastaṃ gṛhṇāmy asau // ### [1.6.19](https://indike.org/pramana/in.veda.brahmana.mantra.1.6.19) sūryasyāvṛtam anvāvartasvāsau // ### [1.6.20](https://indike.org/pramana/in.veda.brahmana.mantra.1.6.20) prāṇānāṃ granthir asi mā visraso 'ntaka ^ idaṃ te paridadāmy amum // ### [1.6.21](https://indike.org/pramana/in.veda.brahmana.mantra.1.6.21) ahura ^ idaṃ te paridadāmy amum // ### [1.6.22](https://indike.org/pramana/in.veda.brahmana.mantra.1.6.22) kṛśana ^ idaṃ te paridadāmy amum // ### [1.6.23](https://indike.org/pramana/in.veda.brahmana.mantra.1.6.23) prajāpate tvā paridadāmy asau // ### [1.6.24](https://indike.org/pramana/in.veda.brahmana.mantra.1.6.24) devāya tvā savitre paridadāmy asau // ### [1.6.25](https://indike.org/pramana/in.veda.brahmana.mantra.1.6.25) brahmacāry asy asau // ### [1.6.26](https://indike.org/pramana/in.veda.brahmana.mantra.1.6.26) samidham ādhehy apo 'śāna karma kuru mā divā svāpsīḥ // ### [1.6.27](https://indike.org/pramana/in.veda.brahmana.mantra.1.6.27) iyaṃ duruktāt paribādhamānā varṇaṃ pavitraṃ punatī ma āgāt / prāṇāpānābhyāṃ balaṃ āharantī svasā devī subhagā mekhaleyam // ### [1.6.28](https://indike.org/pramana/in.veda.brahmana.mantra.1.6.28) ṛtasya goptrī tapasaḥ paraspī ghnatī rakṣaḥ sahamānā arātīḥ / sā mā samantam abhiparyehi bhadre dhartāras te mekhale mā riṣāma // ### [1.6.29](https://indike.org/pramana/in.veda.brahmana.mantra.1.6.29) tat savitur vareṇyaṃ bhargo devasya dhīmahi / dhiyo yo naḥ pracodayāt // ### [1.6.30](https://indike.org/pramana/in.veda.brahmana.mantra.1.6.30) bhūr bhuvaḥ svar om̐ // ### [1.6.31](https://indike.org/pramana/in.veda.brahmana.mantra.1.6.31) suśravaḥ suśravasaṃ mā kuru yathā tvam̐ suśravaḥ suśravā deveṣv evam aham̐ suśravaḥ suśravā brāhmaṇeṣu bhūyāsam // ### [1.6.32](https://indike.org/pramana/in.veda.brahmana.mantra.1.6.32) agnaye samidham āhārṣaṃ bṛhate jātavedase / yathā tvam agne samidhā samidhyasa evam aham āyuṣā medhayā varcasā prajayā paśubhir brahmavarcasena dhanenānnādyena samedhiṣīya // svāhā // ### [1.6.33](https://indike.org/pramana/in.veda.brahmana.mantra.1.6.33) punar mām aitv indriyaṃ punar āyuḥ punar bhagaḥ / punar draviṇam aitu mā punar brāhmaṇam aitu mā // ### [1.6.34](https://indike.org/pramana/in.veda.brahmana.mantra.1.6.34) punar manaḥ punar ātmā ma āgāt punaś cakṣuḥ punaḥ śrotraṃ ma āgāt / vaiśvānaro adabdhas tanūpā antas tiṣṭhatu me mano 'mṛtasya ketuḥ // svāhā // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.6.1) — Sanskrit ## Linked texts (5) - [Chāndogyabrāhmaṇa](https://indike.org/pramana/in.veda.brahmana.chandogya.6.7) — Sanskrit - [Jaiminīyagṛhyasūtra](https://indike.org/pramana/in.vedanga.kalpa.grhya.jaiminiya.12.2) — Sanskrit - [Kauṣītakagṛhyasūtra](https://indike.org/pramana/in.vedanga.kalpa.grhya.kausitaka.2.2.11) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.42.1-4.6) — Śivarāma 1615, Sanskrit - [Satkriyāsāradīpikā](https://indike.org/pramana/in.sampradaya.vaisnava.gaudiya.acara.satkriyasaradipika.16.16.1) — Gopālakavi 1500, Sanskrit --- Source: [https://indike.org/pramana/in.veda.brahmana.mantra.1.6](https://indike.org/pramana/in.veda.brahmana.mantra.1.6) · Pramāṇa