Pramāṇa · Search · About · API

Mantrabrahmana 1.7

Mantrabrāhmaṇa 1.7

Language
Sanskrit

1.7.1

ye apsv antar agnayaḥ praviṣṭā
gohya upagohyo marūko manohāḥ
khalo virujas tanūdūṣir indriyahā
ati tānt sṛjāmi //

1.7.2

yad apāṃ ghoram̐ yad apāṃ krūram̐
yad apām aśāntam ati tat sṛjāmi //

1.7.3

yo rocanas tam iha gṛhṇāmi
tenāhaṃ mām abhiṣiñcāmi //

1.7.4

yaśase tejase brahmavarcasāya
balāyendriyāya vīryāyānnādyāya
rāyas poṣāya tviṣyā apacityai //

1.7.5

yena striyam akṛṇutam
yenāpāmṛśatam̐ surām /
yenākṣān abhyaṣiñcatam̐
yenemāṃ pṛthivīṃ mahīm /
yad vāṃ tad aśvinā yaśas
tena mām abhiṣiñcatam //

1.7.6

udyan bhrājabhṛṣṭibhir indro marudbhir asthāt
prātaryāvabhir asthāt /
daśasanir asi daśasaniṃ mā kurv
ā tvā viśāmy ā mā viśa //

1.7.7

udyan bhrājabhṛṣṭibhir indro marudbhir asthāt
sāṃtapanebhir asthāt /
śatasanir asi śatasaniṃ mā kurv
ā tvā viśāmy ā mā viśa //

1.7.8

udyan bhrājabhṛṣṭibhir indro marudbhir asthāt
sāyam̐yāvabhir asthāt /
sahasrasanir asi sahasrasaniṃ mā kurv
ā tvā viśāmy ā mā viśa //

1.7.9

cakṣur asi cakṣuṣ ṭvam asy
ava me pāpmānaṃ jahi /
somas tvā rājāvatu
namas te 'stu
mā mā him̐sīḥ //

1.7.10

ud uttamam̐ varuṇa pāśam asmad
avādhamam̐ vi madhyamam̐ śrathāya /
athāditya vrate vayaṃ tavānāgaso aditaye syāma //

1.7.11

śrīr asi mayi ramasva //

1.7.12

netryau stho nayataṃ mām //

1.7.13

gandharvo 'sy upāva upa mām ava //

1.7.14

yakṣam iva cakṣuṣaḥ priyo vo bhūyāsam //

1.7.15

oṣṭhāpidhānā nakulī
dantaparimitaḥ paviḥ /
jihve mā jihvalo vācaṃ
cāru mādyeha vādaya //

1.7.16

vanaspate vīḍvaṅgo hi bhūyā
asmatsakhā prataraṇaḥ suvīraḥ /
gobhiḥ saṃnaddho asi vīḍayasva ^
āsthātā te jayatu jetvāni //

Commentaries (1)

Linked texts (4)