[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.7 # Mantrabrahmana 1.7 Mantrabrāhmaṇa 1.7 - **Language:** Sanskrit ### [1.7.1](https://indike.org/pramana/in.veda.brahmana.mantra.1.7.1) ye apsv antar agnayaḥ praviṣṭā gohya upagohyo marūko manohāḥ khalo virujas tanūdūṣir indriyahā ati tānt sṛjāmi // ### [1.7.2](https://indike.org/pramana/in.veda.brahmana.mantra.1.7.2) yad apāṃ ghoram̐ yad apāṃ krūram̐ yad apām aśāntam ati tat sṛjāmi // ### [1.7.3](https://indike.org/pramana/in.veda.brahmana.mantra.1.7.3) yo rocanas tam iha gṛhṇāmi tenāhaṃ mām abhiṣiñcāmi // ### [1.7.4](https://indike.org/pramana/in.veda.brahmana.mantra.1.7.4) yaśase tejase brahmavarcasāya balāyendriyāya vīryāyānnādyāya rāyas poṣāya tviṣyā apacityai // ### [1.7.5](https://indike.org/pramana/in.veda.brahmana.mantra.1.7.5) yena striyam akṛṇutam yenāpāmṛśatam̐ surām / yenākṣān abhyaṣiñcatam̐ yenemāṃ pṛthivīṃ mahīm / yad vāṃ tad aśvinā yaśas tena mām abhiṣiñcatam // ### [1.7.6](https://indike.org/pramana/in.veda.brahmana.mantra.1.7.6) udyan bhrājabhṛṣṭibhir indro marudbhir asthāt prātaryāvabhir asthāt / daśasanir asi daśasaniṃ mā kurv ā tvā viśāmy ā mā viśa // ### [1.7.7](https://indike.org/pramana/in.veda.brahmana.mantra.1.7.7) udyan bhrājabhṛṣṭibhir indro marudbhir asthāt sāṃtapanebhir asthāt / śatasanir asi śatasaniṃ mā kurv ā tvā viśāmy ā mā viśa // ### [1.7.8](https://indike.org/pramana/in.veda.brahmana.mantra.1.7.8) udyan bhrājabhṛṣṭibhir indro marudbhir asthāt sāyam̐yāvabhir asthāt / sahasrasanir asi sahasrasaniṃ mā kurv ā tvā viśāmy ā mā viśa // ### [1.7.9](https://indike.org/pramana/in.veda.brahmana.mantra.1.7.9) cakṣur asi cakṣuṣ ṭvam asy ava me pāpmānaṃ jahi / somas tvā rājāvatu namas te 'stu mā mā him̐sīḥ // ### [1.7.10](https://indike.org/pramana/in.veda.brahmana.mantra.1.7.10) ud uttamam̐ varuṇa pāśam asmad avādhamam̐ vi madhyamam̐ śrathāya / athāditya vrate vayaṃ tavānāgaso aditaye syāma // ### [1.7.11](https://indike.org/pramana/in.veda.brahmana.mantra.1.7.11) śrīr asi mayi ramasva // ### [1.7.12](https://indike.org/pramana/in.veda.brahmana.mantra.1.7.12) netryau stho nayataṃ mām // ### [1.7.13](https://indike.org/pramana/in.veda.brahmana.mantra.1.7.13) gandharvo 'sy upāva upa mām ava // ### [1.7.14](https://indike.org/pramana/in.veda.brahmana.mantra.1.7.14) yakṣam iva cakṣuṣaḥ priyo vo bhūyāsam // ### [1.7.15](https://indike.org/pramana/in.veda.brahmana.mantra.1.7.15) oṣṭhāpidhānā nakulī dantaparimitaḥ paviḥ / jihve mā jihvalo vācaṃ cāru mādyeha vādaya // ### [1.7.16](https://indike.org/pramana/in.veda.brahmana.mantra.1.7.16) vanaspate vīḍvaṅgo hi bhūyā asmatsakhā prataraṇaḥ suvīraḥ / gobhiḥ saṃnaddho asi vīḍayasva ^ āsthātā te jayatu jetvāni // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.7.1) — Sanskrit ## Linked texts (4) - [Chāndogyabrāhmaṇa](https://indike.org/pramana/in.veda.brahmana.chandogya.7.1) — Sanskrit - [Pāraskaragṛhyasūtra](https://indike.org/pramana/in.vedanga.kalpa.grhya.paraskara.2.6.10) — Pāraskara, Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.43.1.9) — Śivarāma 1615, Sanskrit - [Satkriyāsāradīpikā](https://indike.org/pramana/in.sampradaya.vaisnava.gaudiya.acara.satkriyasaradipika.17.3-2) — Gopālakavi 1500, Sanskrit --- Source: [https://indike.org/pramana/in.veda.brahmana.mantra.1.7](https://indike.org/pramana/in.veda.brahmana.mantra.1.7) · Pramāṇa