[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 1.8 # Mantrabrahmana 1.8 Mantrabrāhmaṇa 1.8 - **Language:** Sanskrit ### [1.8.1](https://indike.org/pramana/in.veda.brahmana.mantra.1.8.1) imā me viśvatovīryo bhava indraś ca rakṣatām / pūṣam̐s tvaṃ paryāvartayā- -naṣṭā āyantu no gṛhān // ### [1.8.2](https://indike.org/pramana/in.veda.brahmana.mantra.1.8.2) imā madhumatīr mahyam anaṣṭāḥ payasā saha / gāva ājyasya mātara ihemāḥ santu bhūyasīḥ // ### [1.8.3](https://indike.org/pramana/in.veda.brahmana.mantra.1.8.3) gavām̐ śleṣmāsi gāvo mayi śliṣyantu // ### [1.8.4](https://indike.org/pramana/in.veda.brahmana.mantra.1.8.4) saṃgrahaṇa saṃgṛhāṇa ye jātāḥ paśavo mama / pūṣaiṣām̐ śarma yacchatu yathā jīvanto apyayān // ### [1.8.5](https://indike.org/pramana/in.veda.brahmana.mantra.1.8.5) bhuvanam asi sāhasram indrāya tvā sṛmo 'dadāt / akṣatam ariṣṭam ilāndam // ### [1.8.6](https://indike.org/pramana/in.veda.brahmana.mantra.1.8.6) gopoṣaṇam asi gopoṣasyeśiṣe gopoṣāya tvā / sahasrapoṣaṇam asi sahasrapoṣasyeśiṣe sahasrapoṣāya tvā // ### [1.8.7](https://indike.org/pramana/in.veda.brahmana.mantra.1.8.7) lohitena svadhitinā mithunaṃ karṇayoḥ kṛtam / yāvatīnām̐yāvatīnām̐ va aiṣamo lakṣaṇam akāriṣam / bhūyasīnāṃbhūyasīnām̐ va uttarāmuttarām̐ samāṃ kriyāsam // ### [1.8.8](https://indike.org/pramana/in.veda.brahmana.mantra.1.8.8) iyaṃ tantī gavāṃ mātā savatsānāṃ niveśanī / sā naḥ payasvatī duhā uttarāmuttarām̐ samām // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.1.8.1) — Sanskrit ## Linked texts (2) - [Chāndogyabrāhmaṇa](https://indike.org/pramana/in.veda.brahmana.chandogya.8.1) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.46.1-3.1) — Śivarāma 1615, Sanskrit --- Source: [https://indike.org/pramana/in.veda.brahmana.mantra.1.8](https://indike.org/pramana/in.veda.brahmana.mantra.1.8) · Pramāṇa