Pramāṇa · Search · About · API

Mantrabrahmana 2.1

Mantrabrāhmaṇa 2.1

Language
Sanskrit

2.1.1

yaḥ prācyāṃ diśi sarparāja
eṣa te baliḥ //

2.1.2

yo dakṣiṇasyāṃ diśi sarparāja
eṣa te baliḥ //

2.1.3

yaḥ prtīcyāṃ diśi sarparāja
eṣa te baliḥ //

2.1.4

ya udīcyāṃ diśi sarparāja
eṣa te baliḥ //

2.1.5

namaḥ pṛthivyai dam̐ṣṭrāya
viśvabhṛn mā te 'nte riṣāma /
sam̐hataṃ mā vivadhīr
vihataṃ mābhisam̐vadhīḥ //

2.1.6

somo rājā somastambo rājā
somo 'smākam̐ rājā somasya vayam̐ smaḥ /
ahijambhanam asi saumastambam̐
saumastambam ahijambhanam asi //

2.1.7

yām̐ sandhām̐ samadhatta
yūyam̐ saptarṣibhiḥ saha /
tām̐ sarpā mātyakrāmiṣṭa
namo vo astu mā no him̐siṣṭa //

2.1.8

mā nas toke tanaye mā na āyau
mā no goṣu mā no aśveṣu rīriṣaḥ /
vīrān mā no rudra bhāmito vadhīr
haviṣmantaḥ sadam it tvā havāmahe //

2.1.9

śatāyudhāya śatavīryāya
śatotaye 'bhimātiṣāhe /
śatam̐ yo naḥ śarado ajīyād
indro neṣad ati duritāni viśvā //

2.1.10

ye catvāraḥ pathayo devayānā
antarā dyāvāpṛthivī viyanti /
teṣām̐ yo ajyānim ajītim āvahāt
tasmai no devāḥ paridatteha sarve //

2.1.11

grīṣmo hemanta uta no vasantaḥ
śarad varṣāḥ suvitaṃ no astu /
teṣām ṛtūnām̐ śataśāradānāṃ
nivāta eṣām abhaye syāma //

2.1.12

idvatsarāya parivatsarāya
sam̐vatsarāya kṛṇutā bṛhan namaḥ /
teṣām̐ vayam̐ sumatau yajñiyānāṃ
jyog ajītā ahatā syāma //

2.1.13

bhadrān naḥ śreyaḥ samanaiṣṭa devās
tvayāvasena samaśīmahi tvā /
sa no mayobhūḥ pitav āviśasva
śaṃ tokāya tanvai syonaḥ // svāhā //

2.1.14

amo 'si prāṇa tad ṛtaṃ bravīmy
amā hy asi sarvam anu praviṣṭaḥ /
sa me jarām̐ rogam apamṛjya śarīrād
apāma edhi mā mṛthā na indra //

2.1.15

agniḥ prāśnātu prathamaḥ
sa hi veda yathā haviḥ /
śivā asmabhyam oṣadhīḥ
kṛṇotu viśvacarṣaṇiḥ // svāhā //

2.1.16

etam u tyaṃ madhunā sam̐yutam̐ yavam̐
sarasvatyā adhi manāv acakṛṣuḥ /
indra āsīt sīrapatiḥ śatakratuḥ
kīnāśā āsan marutaḥ sudānavaḥ // svāhā //

Commentaries (1)

Linked texts (7)