[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 2.1 # Mantrabrahmana 2.1 Mantrabrāhmaṇa 2.1 - **Language:** Sanskrit ### [2.1.1](https://indike.org/pramana/in.veda.brahmana.mantra.2.1.1) yaḥ prācyāṃ diśi sarparāja eṣa te baliḥ // ### [2.1.2](https://indike.org/pramana/in.veda.brahmana.mantra.2.1.2) yo dakṣiṇasyāṃ diśi sarparāja eṣa te baliḥ // ### [2.1.3](https://indike.org/pramana/in.veda.brahmana.mantra.2.1.3) yaḥ prtīcyāṃ diśi sarparāja eṣa te baliḥ // ### [2.1.4](https://indike.org/pramana/in.veda.brahmana.mantra.2.1.4) ya udīcyāṃ diśi sarparāja eṣa te baliḥ // ### [2.1.5](https://indike.org/pramana/in.veda.brahmana.mantra.2.1.5) namaḥ pṛthivyai dam̐ṣṭrāya viśvabhṛn mā te 'nte riṣāma / sam̐hataṃ mā vivadhīr vihataṃ mābhisam̐vadhīḥ // ### [2.1.6](https://indike.org/pramana/in.veda.brahmana.mantra.2.1.6) somo rājā somastambo rājā somo 'smākam̐ rājā somasya vayam̐ smaḥ / ahijambhanam asi saumastambam̐ saumastambam ahijambhanam asi // ### [2.1.7](https://indike.org/pramana/in.veda.brahmana.mantra.2.1.7) yām̐ sandhām̐ samadhatta yūyam̐ saptarṣibhiḥ saha / tām̐ sarpā mātyakrāmiṣṭa namo vo astu mā no him̐siṣṭa // ### [2.1.8](https://indike.org/pramana/in.veda.brahmana.mantra.2.1.8) mā nas toke tanaye mā na āyau mā no goṣu mā no aśveṣu rīriṣaḥ / vīrān mā no rudra bhāmito vadhīr haviṣmantaḥ sadam it tvā havāmahe // ### [2.1.9](https://indike.org/pramana/in.veda.brahmana.mantra.2.1.9) śatāyudhāya śatavīryāya śatotaye 'bhimātiṣāhe / śatam̐ yo naḥ śarado ajīyād indro neṣad ati duritāni viśvā // ### [2.1.10](https://indike.org/pramana/in.veda.brahmana.mantra.2.1.10) ye catvāraḥ pathayo devayānā antarā dyāvāpṛthivī viyanti / teṣām̐ yo ajyānim ajītim āvahāt tasmai no devāḥ paridatteha sarve // ### [2.1.11](https://indike.org/pramana/in.veda.brahmana.mantra.2.1.11) grīṣmo hemanta uta no vasantaḥ śarad varṣāḥ suvitaṃ no astu / teṣām ṛtūnām̐ śataśāradānāṃ nivāta eṣām abhaye syāma // ### [2.1.12](https://indike.org/pramana/in.veda.brahmana.mantra.2.1.12) idvatsarāya parivatsarāya sam̐vatsarāya kṛṇutā bṛhan namaḥ / teṣām̐ vayam̐ sumatau yajñiyānāṃ jyog ajītā ahatā syāma // ### [2.1.13](https://indike.org/pramana/in.veda.brahmana.mantra.2.1.13) bhadrān naḥ śreyaḥ samanaiṣṭa devās tvayāvasena samaśīmahi tvā / sa no mayobhūḥ pitav āviśasva śaṃ tokāya tanvai syonaḥ // svāhā // ### [2.1.14](https://indike.org/pramana/in.veda.brahmana.mantra.2.1.14) amo 'si prāṇa tad ṛtaṃ bravīmy amā hy asi sarvam anu praviṣṭaḥ / sa me jarām̐ rogam apamṛjya śarīrād apāma edhi mā mṛthā na indra // ### [2.1.15](https://indike.org/pramana/in.veda.brahmana.mantra.2.1.15) agniḥ prāśnātu prathamaḥ sa hi veda yathā haviḥ / śivā asmabhyam oṣadhīḥ kṛṇotu viśvacarṣaṇiḥ // svāhā // ### [2.1.16](https://indike.org/pramana/in.veda.brahmana.mantra.2.1.16) etam u tyaṃ madhunā sam̐yutam̐ yavam̐ sarasvatyā adhi manāv acakṛṣuḥ / indra āsīt sīrapatiḥ śatakratuḥ kīnāśā āsan marutaḥ sudānavaḥ // svāhā // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.2.1.1) — Sanskrit ## Linked texts (7) - [Chāndogyabrāhmaṇa](https://indike.org/pramana/in.veda.brahmana.chandogya.9.4) — Sanskrit - [Taittirīyasaṃhitā](https://indike.org/pramana/in.veda.samhita.krsnayajur*taittiriya.5.7.2.3) — Sanskrit - [Pāraskaragṛhyasūtra](https://indike.org/pramana/in.vedanga.kalpa.grhya.paraskara.3.1.2) — Pāraskara, Sanskrit - [Śaunakasaṃhitā](https://indike.org/pramana/in.veda.samhita.atharva*saunaka.6.55.3) — Sanskrit - [Kauṣītakagṛhyasūtra](https://indike.org/pramana/in.vedanga.kalpa.grhya.kausitaka.4.4.9) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.46.1-3.6) — Śivarāma 1615, Sanskrit - [Kalpaḥ](https://indike.org/pramana/in.jaina.post.vidhi.mantra.kalpah.1.2.764) — Sanskrit --- Source: [https://indike.org/pramana/in.veda.brahmana.mantra.2.1](https://indike.org/pramana/in.veda.brahmana.mantra.2.1) · Pramāṇa