[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 2.2 # Mantrabrahmana 2.2 Mantrabrāhmaṇa 2.2 - **Language:** Sanskrit ### [2.2.1](https://indike.org/pramana/in.veda.brahmana.mantra.2.2.1) prathamā ha vyuvāsa sā dhenur abhavad yame / sā naḥ payasvatī duhām uttarāmuttarām̐ samām // ### [2.2.2](https://indike.org/pramana/in.veda.brahmana.mantra.2.2.2) prati kṣatre pratitiṣṭhāmi rāṣtre praty aśveṣu pratitiṣṭhāmi goṣu / prati prāṇe pratitiṣṭhāmi puṣṭau praty aṅgeṣu pratitiṣṭhāmy ātmani // ### [2.2.3](https://indike.org/pramana/in.veda.brahmana.mantra.2.2.3) prati dyāvāpṛthivyoḥ pratitiṣṭhāmi yajñe // ### [2.2.4](https://indike.org/pramana/in.veda.brahmana.mantra.2.2.4) syonā pṛthivi no bhavā- -nṛkṣarā niveśanī / yacchā naḥ śarma sapratho devān mā bhayād iti // ### [2.2.5](https://indike.org/pramana/in.veda.brahmana.mantra.2.2.5) yat paśavaḥ pradhyāyata manasā hṛdayena ca / vācā sahasrapāśayā pratibadhnāmi vo manaḥ // ### [2.2.6](https://indike.org/pramana/in.veda.brahmana.mantra.2.2.6) anu tvā mātā manyatām anu pitānu bhrātā / sagarbhyo 'nu sakhā sayūthyaḥ // ### [2.2.7](https://indike.org/pramana/in.veda.brahmana.mantra.2.2.7) āttaṃ devebhyo haviḥ // ### [2.2.8](https://indike.org/pramana/in.veda.brahmana.mantra.2.2.8) yat paśur māyum akṛto- -ro vā padbhir āhate / agnir mā tasmād enaso viśvān muñcatv am̐hasaḥ // ### [2.2.9](https://indike.org/pramana/in.veda.brahmana.mantra.2.2.9) agnāv agniś carati praviṣṭa ṛṣīṇāṃ putro adhirāja eṣaḥ / sa naḥ syonaḥ suyajā yajāti yathā devānāṃ janimāni veda // ### [2.2.10](https://indike.org/pramana/in.veda.brahmana.mantra.2.2.10) aulūkhalāḥ saṃpravadanti grāvāṇo haviṣ kṛṇvantaḥ parivatsarīṇām / ekāṣṭake suprajasaḥ suvīrā jyog jīvema balihṛto vayaṃ te // ### [2.2.11](https://indike.org/pramana/in.veda.brahmana.mantra.2.2.11) iḍāyās padaṃ ghṛtavat sarīsṛpaṃ jātavedaḥ prati havyā gṛbhāya / ye grāmyāḥ paśavo viśvarūpās teṣām̐ saptānāṃ mayi rantir astu // ### [2.2.12](https://indike.org/pramana/in.veda.brahmana.mantra.2.2.12) eṣaiva sā yā pūrvā vyaucchat seyam apsv antaś carati praviṣṭā / vadhūr jigāya prathamā janitrī viśve hy asyāṃ mahimāno antaḥ // ### [2.2.13](https://indike.org/pramana/in.veda.brahmana.mantra.2.2.13) eṣaiva sā yā prathamā vyaucchat sā dhenur abhavad viśvarūpā / sam̐vatsarasya yā patnī sā no astu sumaṅgalī // ### [2.2.14](https://indike.org/pramana/in.veda.brahmana.mantra.2.2.14) yāṃ devāḥ pratipaśyanti rātrīṃ dhenum ivāyatīm / sā naḥ payasvatī duhā uttarāmuttarām̐ samām // ### [2.2.15](https://indike.org/pramana/in.veda.brahmana.mantra.2.2.15) sam̐vatsarasya pratimām̐ yāṃ tvā rātri yajāmahe / prajām ajaryāṃ naḥ kuru rāyas poṣeṇa sam̐sṛja // ### [2.2.16](https://indike.org/pramana/in.veda.brahmana.mantra.2.2.16) anv imaṃ no anumatir yajñaṃ deveṣu manyatām / agniś ca havyavāhanaḥ sa no dād dāśuṣe mayaḥ // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.2.2.1) — Sanskrit ## Linked texts (6) - [Chāndogyabrāhmaṇa](https://indike.org/pramana/in.veda.brahmana.chandogya.10.1) — Sanskrit - [Paippalādasaṃhitā](https://indike.org/pramana/in.veda.samhita.atharva*paippalada.1.104.1) — Sanskrit - [Kāṭhakasaṃhitā](https://indike.org/pramana/in.veda.samhita.krsnayajur*kathaka.4.14) — Sanskrit - [Maitrāyaṇīsaṃhitā](https://indike.org/pramana/in.veda.samhita.krsnayajur*maitrayani.2.13.10) — Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.46.2-3.p1.1) — Śivarāma 1615, Sanskrit - [Kalpaḥ](https://indike.org/pramana/in.jaina.post.vidhi.mantra.kalpah.2.1.25.9) — Sanskrit --- Source: [https://indike.org/pramana/in.veda.brahmana.mantra.2.2](https://indike.org/pramana/in.veda.brahmana.mantra.2.2) · Pramāṇa