[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 2.3 # Mantrabrahmana 2.3 Mantrabrāhmaṇa 2.3 - **Language:** Sanskrit ### [2.3.1](https://indike.org/pramana/in.veda.brahmana.mantra.2.3.1) svāhā somāya pitṛmate // ### [2.3.2](https://indike.org/pramana/in.veda.brahmana.mantra.2.3.2) svāhāgnaye kavyavāhanāya // ### [2.3.3](https://indike.org/pramana/in.veda.brahmana.mantra.2.3.3) apahatā asurā rakṣām̐si vediṣadaḥ // ### [2.3.4](https://indike.org/pramana/in.veda.brahmana.mantra.2.3.4) ye rūpāṇi pratimuñcamānā asurāḥ santaḥ svadhayā caranti / parāpuro nipuro ye bharanty agniṣ ṭām̐l lokāt praṇudatv asmāt // ### [2.3.5](https://indike.org/pramana/in.veda.brahmana.mantra.2.3.5) eta pitaraḥ somyāso gambhīrebhiḥ pathibhiḥ pūrviṇebhiḥ / dattāsmabhyaṃ draviṇeha bhadram̐ rayiṃ ca naḥ sarvavīraṃ niyacchata // ### [2.3.6](https://indike.org/pramana/in.veda.brahmana.mantra.2.3.6) atra pitaro mādayadhvam̐ yathābhāgam āvṛṣāyadhvam // ### [2.3.7](https://indike.org/pramana/in.veda.brahmana.mantra.2.3.7) amīmadanta pitaro yathābhāgam āvṛṣāyiṣata // ### [2.3.8](https://indike.org/pramana/in.veda.brahmana.mantra.2.3.8) namo vaḥ pitaro jīvāya namo vaḥ pitaraḥ śūṣāya // ### [2.3.9](https://indike.org/pramana/in.veda.brahmana.mantra.2.3.9) namo vaḥ pitaro ghorāya namo vaḥ pitaro rasāya // ### [2.3.10](https://indike.org/pramana/in.veda.brahmana.mantra.2.3.10) namo vaḥ pitaraḥ svadhāyai namo vaḥ pitaro manyave // ### [2.3.11](https://indike.org/pramana/in.veda.brahmana.mantra.2.3.11) namo vaḥ pitaraḥ pitaro namo vaḥ // ### [2.3.12](https://indike.org/pramana/in.veda.brahmana.mantra.2.3.12) gṛhān naḥ pitaro datta // ### [2.3.13](https://indike.org/pramana/in.veda.brahmana.mantra.2.3.13) sado vaḥ pitaro deṣma // ### [2.3.14](https://indike.org/pramana/in.veda.brahmana.mantra.2.3.14) etad vaḥ pitaro vāsaḥ // ### [2.3.15](https://indike.org/pramana/in.veda.brahmana.mantra.2.3.15) ūrjam̐ vahantīr amṛtaṃ ghṛtaṃ payaḥ kīlālaṃ parisrutam̐ svadhā stha / tarpayata me pitîṛn // ### [2.3.16](https://indike.org/pramana/in.veda.brahmana.mantra.2.3.16) ādhatta pitaro garbhaṃ kumāraṃ puṣkarasrajam / yatheha puruṣaḥ syāt // ### [2.3.17](https://indike.org/pramana/in.veda.brahmana.mantra.2.3.17) abhūn no dūto haviṣo jātavedā avāḍ ḍhavyāni surabhīṇi kṛtvā / prādāt pitṛbhyaḥ svadhayā te akṣan prajānann agne punar ehi yonim // ### [2.3.18](https://indike.org/pramana/in.veda.brahmana.mantra.2.3.18) vaha vapāṃ jātavedaḥ pitṛbhyo yatraitān vettha nihitān parācaḥ / medasaḥ kulyā abhi tān sravantu satyā eṣām āśiṣaḥ santu kāmāḥ // svāhā // ### [2.3.19](https://indike.org/pramana/in.veda.brahmana.mantra.2.3.19) jātavedo vapayā gaccha devām̐s tvam̐ hi hotā prathamo babhūva / satyā vapā pragṛhītā me astu samṛdhyatāṃ me yad idaṃ karomi // ### [2.3.20](https://indike.org/pramana/in.veda.brahmana.mantra.2.3.20) yat kusīdam apradattaṃ mayeha yena yamasya nidhinā carāṇi / idaṃ tad agne anṛṇo bhavāmi jīvann eva prati tat te dadāmi // ### [2.3.21](https://indike.org/pramana/in.veda.brahmana.mantra.2.3.21) ekāṣṭakā tapasā tapyamānā jajāna garbhaṃ mahimānam indram / tena devā asahanta śatrūn hantāsurāṇām abhavac chacībhiḥ // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.2.3.1) — Sanskrit ## Linked texts (5) - [Chāndogyabrāhmaṇa](https://indike.org/pramana/in.veda.brahmana.chandogya.11.16) — Sanskrit - [Paippalādasaṃhitā](https://indike.org/pramana/in.veda.samhita.atharva*paippalada.1.106.4) — Sanskrit - [Pāraskaragṛhyasūtra](https://indike.org/pramana/in.vedanga.kalpa.grhya.paraskara.3.3.5) — Pāraskara, Sanskrit - [Subodhinīpaddhati](https://indike.org/pramana/in.niti.dharma.prayoga.subodhinipaddhati.47.40.8) — Śivarāma 1615, Sanskrit - [Kalpaḥ](https://indike.org/pramana/in.jaina.post.vidhi.mantra.kalpah.2.6.2.p50) — Sanskrit --- Source: [https://indike.org/pramana/in.veda.brahmana.mantra.2.3](https://indike.org/pramana/in.veda.brahmana.mantra.2.3) · Pramāṇa