[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 2.4 # Mantrabrahmana 2.4 Mantrabrāhmaṇa 2.4 - **Language:** Sanskrit ### [2.4.1](https://indike.org/pramana/in.veda.brahmana.mantra.2.4.1) idaṃ bhūmer bhajāmaha idaṃ bhadram̐ sumaṅgalam / parā sapatnān bādhasvā- -nyeṣām̐ vindate dhanam anyeṣām̐ vindate vasu // ### [2.4.2](https://indike.org/pramana/in.veda.brahmana.mantra.2.4.2) imam̐ stomam arhate jātavedase ratham iva saṃmahemā manīṣayā / bhadrā hi naḥ pramatir asya sam̐sady agne sakhye mā riṣāmā vayaṃ tava // ### [2.4.3](https://indike.org/pramana/in.veda.brahmana.mantra.2.4.3) bharāmedhmaṃ kṛṇavāmā havīm̐ṣi te citayantaḥ parvaṇāparvaṇā vayam / jīvātave pratarām̐ sādhayā dhiyo 'gne sakhye mā riṣāmā vayaṃ tava // ### [2.4.4](https://indike.org/pramana/in.veda.brahmana.mantra.2.4.4) śakema tvā samidham̐ sādhayā dhiyas tve devā havir adanty āhutam / tvam ādityām̐ āvaha tām̐ hy uśmasy agne sakhye mā riṣāmā vayaṃ tava // ### [2.4.5](https://indike.org/pramana/in.veda.brahmana.mantra.2.4.5) tapaś ca tejaś ca śraddhā ca hrīś ca satyaṃ cā- -krodhaś ca tyāgaś ca dhṛtiś ca dharmaś ca satvaṃ ca vāk ca manaś cātmā ca brahma ca tāni prapadye tani mām avantu / bhūr bhuvaḥ svar oṃ mahāntam ātmānaṃ prapadye // ### [2.4.6](https://indike.org/pramana/in.veda.brahmana.mantra.2.4.6) virūpākṣo 'si dantāñjiḥ / tasya te śayyā parṇe gṛhā antarikṣe vimitam̐ hiraṇmayam / tad devānām̐ hṛdayāny ayasmaye kumbhe 'ntaḥ saṃnihitāni / tāni balabhṛc ca balasāc ca rakṣato 'pramaṇī animiṣataḥ satyam / yat te dvādaśa putrās te tvā sam̐vatsaresam̐vatsare kāmapreṇa yajñena yājayitvā punar brahmacaryam upayanti / tvaṃ deveṣu brāhmaṇo 'sy ahaṃ manuṣyeṣu brāhmaṇo vai brāhmaṇam upadhāvaty upa tvā dhāvāmi / japantaṃ mā mā pratijāpīr juhvantaṃ mā mā pratihauṣīḥ kurvantaṃ mā mā pratikārṣīḥ / tvāṃ prapadye tvayā prasūta idaṃ karma kariṣyāmi tan me rādhyatāṃ tan me samṛdhyatāṃ tan ma upapadyatām / samudro mā viśvavyacā brahmānujānātu tutho mā viśvavedā brahmaṇaḥ putro 'nujānātu śvātro mā pracetā maitrāvaruṇo 'nujānātu / tasmai virūpākṣāya dantāñjaye samudrāya viśvavyacase tuthāya viśvavedase śvātrāya pracetase sahasrākṣāya brahmaṇaḥ putrāya namaḥ // ### [2.4.7](https://indike.org/pramana/in.veda.brahmana.mantra.2.4.7) sahasrabāhur gaupatyaḥ sa paśūn abhirakṣatu / mayi puṣṭiṃ puṣṭipatir dadhātu mayi prajāṃ prajāpatiḥ // svāhā // ### [2.4.8](https://indike.org/pramana/in.veda.brahmana.mantra.2.4.8) kautomatam̐ sam̐vananam̐ subhāgaṃkaraṇaṃ mama / nākulī nāma te mātā- -thāhaṃ puruṣāmayaḥ / yan nau kāmasya vicchinnaṃ tan nau saṃdhehy oṣadhe // ### [2.4.9](https://indike.org/pramana/in.veda.brahmana.mantra.2.4.9) vṛkṣa iva pakvas tiṣṭhasi sarvān kāmān bhuvaspate / yas tvainam̐ veda tasmai me bhogān dhukṣvākṣatān bṛhan // ### [2.4.10](https://indike.org/pramana/in.veda.brahmana.mantra.2.4.10) ṛtam̐ satye pratiṣṭhitaṃ bhūtaṃ bhaviṣyatā saha / ākāśa upanirajjatu mahyam annam atho śriyam // ### [2.4.11](https://indike.org/pramana/in.veda.brahmana.mantra.2.4.11) abhibhāgo 'si sarvasmim̐s tad u sarvaṃ tvayi śritam / tena sarveṇa sarvo mā vivāsana vivāsaya // ### [2.4.12](https://indike.org/pramana/in.veda.brahmana.mantra.2.4.12) kośa iva pūrṇo vasunā tvaṃ prīto dadase dhanam / adṛṣṭo dṛṣṭam ābhara sarvān kāmān prayaccha me // ### [2.4.13](https://indike.org/pramana/in.veda.brahmana.mantra.2.4.13) ākāśasyaiṣa ākāśo yad etad bhāti maṇḍalam / evaṃ tvā deva yo vede- -śāneśāṃ prayaccha me // ### [2.4.14](https://indike.org/pramana/in.veda.brahmana.mantra.2.4.14) bhūr bhuvaḥ svar om̐ sūrya iva dṛśe bhūyāsam agnir iva tejasā vāyur iva prāṇena soma iva gandhena bṛhaspatir iva buddhyā- -śvināv iva rūpeṇendrāgnī iva balena brahmabhāga evāhaṃ bhūyāsaṃ pāpmabhāgā me dviṣantaḥ // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.2.4.1) — Sanskrit ## Linked texts (2) - [Chāndogyabrāhmaṇa](https://indike.org/pramana/in.veda.brahmana.chandogya.12.1) — Sanskrit - [Paippalādasaṃhitā](https://indike.org/pramana/in.veda.samhita.atharva*paippalada.13.5.3) — Sanskrit --- Source: [https://indike.org/pramana/in.veda.brahmana.mantra.2.4](https://indike.org/pramana/in.veda.brahmana.mantra.2.4) · Pramāṇa