[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 2.5 # Mantrabrahmana 2.5 Mantrabrāhmaṇa 2.5 - **Language:** Sanskrit ### [2.5.1](https://indike.org/pramana/in.veda.brahmana.mantra.2.5.1) mūrdhno 'dhi me vaiśravaṇāñ chiraso 'nupraveśinaḥ / lalāṭād ghasvarān ghorān vighanān vibṛhāmi vaḥ // svāhā // ### [2.5.2](https://indike.org/pramana/in.veda.brahmana.mantra.2.5.2) grīvābhyo me skandhābhyāṃ me nasto me 'nupraveśinaḥ / mukhān me vadvadān ghorān vighanān vibṛhāmi vaḥ // svāhā // ### [2.5.3](https://indike.org/pramana/in.veda.brahmana.mantra.2.5.3) bāhubhyāṃ me yatoyataḥ pārśvayor udbhaṭān adhi / uraso vadvadān ghorān vighanān vibṛhāmi vaḥ // svāhā // ### [2.5.4](https://indike.org/pramana/in.veda.brahmana.mantra.2.5.4) vaṅkṣṇābhyo me lohitādān yonihān pajrihān adhi / ūrubhyāṃ niśriṣo ghorān vighanān vibṛhāmi vaḥ // svāhā // ### [2.5.5](https://indike.org/pramana/in.veda.brahmana.mantra.2.5.5) jaṅgābhyāṃ me yatoyataḥ pārṣṇyor udbhaṭān adhi / pādayor vikirān ghorān vighanān vibṛhāmi vaḥ // svāhā // ### [2.5.6](https://indike.org/pramana/in.veda.brahmana.mantra.2.5.6) paribādhnam̐ yajāmahe 'ṇujaṅgham̐ śabalodaram / yo no 'yaṃ paribādhate dānāya ca bhagāya ca // svāhā // ### [2.5.7](https://indike.org/pramana/in.veda.brahmana.mantra.2.5.7) apehi tvaṃ paribādha mā vibādha vibādhathāḥ / sugaṃ panthānaṃ me kuru yena mā dhanam eṣyati // svāhā // ### [2.5.8](https://indike.org/pramana/in.veda.brahmana.mantra.2.5.8) prajāpate na tvad etāny anyo viśvā jātāni pari tā babhūva / yatkāmās te juhumas tan no astu vayam̐ syāma patayo rayīṇām // svāhā // ### [2.5.9](https://indike.org/pramana/in.veda.brahmana.mantra.2.5.9) yaśo 'haṃ bhavāmi brāhmaṇānām̐ yaśo rājñām̐ yaśo viśām̐ yaśaḥ satyasya bhavāmi bhavāmi yaśaso yaśaḥ // ### [2.5.10](https://indike.org/pramana/in.veda.brahmana.mantra.2.5.10) punar mā yantu devatā yā mad apacakramur mahasvanto mahānto bhavāmy asmin pātre harite somapṛṣṭhe // ### [2.5.11](https://indike.org/pramana/in.veda.brahmana.mantra.2.5.11) rūpa rūpaṃ me diśa prātarahnasya tejaso 'nnam ugrasya prāśiṣam astu vai mayi tvayīdam astu tvayi mayīdam // ### [2.5.12](https://indike.org/pramana/in.veda.brahmana.mantra.2.5.12) yad idaṃ paśyāmi cakṣuṣā tvayā dattaṃ prabhāsayā tena mā bhuñja tena bhukṣiṣīya tena mā viśa // ### [2.5.13](https://indike.org/pramana/in.veda.brahmana.mantra.2.5.13) ahar no atyapīparad rātrir no atipārayad rātrir no atyapīparad ahar no atipārayat // ### [2.5.14](https://indike.org/pramana/in.veda.brahmana.mantra.2.5.14) āditya nāvam ārokṣaṃ pūrṇām aparipādinīm / acchidrāṃ pārayiṣṇvīm̐ śatāritrām̐ svastaye // ### [2.5.15](https://indike.org/pramana/in.veda.brahmana.mantra.2.5.15) bhalāya svāhā // ### [2.5.16](https://indike.org/pramana/in.veda.brahmana.mantra.2.5.16) bhallāya svāhā // ## Commentaries (1) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.2.5.1) — Sanskrit ## Linked texts (1) - [Chāndogyabrāhmaṇa](https://indike.org/pramana/in.veda.brahmana.chandogya.13.1) — Sanskrit --- Source: [https://indike.org/pramana/in.veda.brahmana.mantra.2.5](https://indike.org/pramana/in.veda.brahmana.mantra.2.5) · Pramāṇa