Pramāṇa · Search · About · API

Mantrabrahmana 2.6

Mantrabrāhmaṇa 2.6

Language
Sanskrit

2.6.1

vāstoṣpate pratijānīhy asmān
svāveśo anamīvo bhavā naḥ /
yat tvemahe prati tan no juṣasva
śaṃ no bhava dvipade śaṃ catuṣpade //

2.6.2

haye rāke sinīvali
sinīvali pṛthuṣṭuke /
subhadre pathye revati
pathā no yaśa āvaha // svāhā //

2.6.3

ye yanti prāñcaḥ panthāno
ya u cottarata āyayuḥ /
ye ceme sarve panthānas
tebhir no yaśa āvaha // svāhā //

2.6.4

yathā yanti prapado
yathā māsā aharjaram /
evaṃ mā śrīdhātāraḥ
samavayantu sarvataḥ // svāhā //

2.6.5

yathā samudram̐ sravantīḥ
samavayanti diśodiśaḥ /
evaṃ mā sakhāyo brahmacāriṇaḥ
samavayantu diśodiśaḥ // svāhā //

2.6.6

vasuvana edhi vasuvana edhi vasuvana edhi //

2.6.7

vaśaṃgamau devayānau yuvam̐ stho
yathā yuvayoḥ sarvāṇi bhūtāni vaśam āyanty
evaṃ mamāsau vaśam etu // svāhā //

2.6.8

śaṅkhaś ca manaāyuś ca devayānau yuvam̐ stho
yathā yuvayoḥ sarvāṇi bhūtāni vaśam āyanty
evaṃ mamāsau vaśam etu // svāhā //

2.6.9

ākūtīṃ devīṃ manasā prapadye
yajñasya mātaram̐ suhavā me astu /
yasyās ta ekam akṣaraṃ param̐
sahasrā ayutaṃ ca śākhās
tasyai vāce nihave juhomy
ā mā varo gacchatu śrīr yaśaś ca // svāhā //

2.6.10

idam aham imam̐ viśvakarmāṇam̐ śrīvatsam abhijuhomi // svāhā //

2.6.11

pūrṇahomam̐ yaśase juhomi
yo 'smai juhoti varam asmai dadāti
varam̐ vṛṇe yaśasā bhāmi loke // svāhā //

2.6.12

indrāmavadāt
tamo vaḥ purastād
aham̐ vo jyotir
mām abhyeta sarve // svāhā //

2.6.13

annam̐ vā ekacchandasyam
annam̐ hy ekaṃ bhūtebhyaś chandayati // svāhā //

2.6.14

śrīr vā eṣā yat satvāno
virocano mayi sattvam avadadhātu // svāhā //

2.6.15

annasya ghṛtam eva rasas
tejaḥsaṃpatkāmo juhomi // svāhā //

2.6.16

kṣudhe svāhā //

2.6.17

kṣutpipāsābhyām̐ svāhā //

2.6.18

mā bhaiṣīr na mariṣyasi
jaradaṣṭir bhaviṣyasi /
rasam̐ viṣasya nāvidam
ugrasphenam ivāsyam //

2.6.19

tura gopāya mā nātha gopāya mā-
-śastibhyo 'rātibhyaḥ
svastyayanam asi //

Commentaries (1)

Linked texts (2)