[Pramāṇa](https://indike.org/pramana/) › [Indian literature](https://indike.org/pramana/in) › [Vedic Literature](https://indike.org/pramana/in.veda) › [Brāhmaṇas (ritual exegesis)](https://indike.org/pramana/in.veda.brahmana) › [Mantrabrahmana](https://indike.org/pramana/in.veda.brahmana.mantra) › 2.6 # Mantrabrahmana 2.6 Mantrabrāhmaṇa 2.6 - **Language:** Sanskrit ### [2.6.1](https://indike.org/pramana/in.veda.brahmana.mantra.2.6.1) vāstoṣpate pratijānīhy asmān svāveśo anamīvo bhavā naḥ / yat tvemahe prati tan no juṣasva śaṃ no bhava dvipade śaṃ catuṣpade // ### [2.6.2](https://indike.org/pramana/in.veda.brahmana.mantra.2.6.2) haye rāke sinīvali sinīvali pṛthuṣṭuke / subhadre pathye revati pathā no yaśa āvaha // svāhā // ### [2.6.3](https://indike.org/pramana/in.veda.brahmana.mantra.2.6.3) ye yanti prāñcaḥ panthāno ya u cottarata āyayuḥ / ye ceme sarve panthānas tebhir no yaśa āvaha // svāhā // ### [2.6.4](https://indike.org/pramana/in.veda.brahmana.mantra.2.6.4) yathā yanti prapado yathā māsā aharjaram / evaṃ mā śrīdhātāraḥ samavayantu sarvataḥ // svāhā // ### [2.6.5](https://indike.org/pramana/in.veda.brahmana.mantra.2.6.5) yathā samudram̐ sravantīḥ samavayanti diśodiśaḥ / evaṃ mā sakhāyo brahmacāriṇaḥ samavayantu diśodiśaḥ // svāhā // ### [2.6.6](https://indike.org/pramana/in.veda.brahmana.mantra.2.6.6) vasuvana edhi vasuvana edhi vasuvana edhi // ### [2.6.7](https://indike.org/pramana/in.veda.brahmana.mantra.2.6.7) vaśaṃgamau devayānau yuvam̐ stho yathā yuvayoḥ sarvāṇi bhūtāni vaśam āyanty evaṃ mamāsau vaśam etu // svāhā // ### [2.6.8](https://indike.org/pramana/in.veda.brahmana.mantra.2.6.8) śaṅkhaś ca manaāyuś ca devayānau yuvam̐ stho yathā yuvayoḥ sarvāṇi bhūtāni vaśam āyanty evaṃ mamāsau vaśam etu // svāhā // ### [2.6.9](https://indike.org/pramana/in.veda.brahmana.mantra.2.6.9) ākūtīṃ devīṃ manasā prapadye yajñasya mātaram̐ suhavā me astu / yasyās ta ekam akṣaraṃ param̐ sahasrā ayutaṃ ca śākhās tasyai vāce nihave juhomy ā mā varo gacchatu śrīr yaśaś ca // svāhā // ### [2.6.10](https://indike.org/pramana/in.veda.brahmana.mantra.2.6.10) idam aham imam̐ viśvakarmāṇam̐ śrīvatsam abhijuhomi // svāhā // ### [2.6.11](https://indike.org/pramana/in.veda.brahmana.mantra.2.6.11) pūrṇahomam̐ yaśase juhomi yo 'smai juhoti varam asmai dadāti varam̐ vṛṇe yaśasā bhāmi loke // svāhā // ### [2.6.12](https://indike.org/pramana/in.veda.brahmana.mantra.2.6.12) indrāmavadāt tamo vaḥ purastād aham̐ vo jyotir mām abhyeta sarve // svāhā // ### [2.6.13](https://indike.org/pramana/in.veda.brahmana.mantra.2.6.13) annam̐ vā ekacchandasyam annam̐ hy ekaṃ bhūtebhyaś chandayati // svāhā // ### [2.6.14](https://indike.org/pramana/in.veda.brahmana.mantra.2.6.14) śrīr vā eṣā yat satvāno virocano mayi sattvam avadadhātu // svāhā // ### [2.6.15](https://indike.org/pramana/in.veda.brahmana.mantra.2.6.15) annasya ghṛtam eva rasas tejaḥsaṃpatkāmo juhomi // svāhā // ### [2.6.16](https://indike.org/pramana/in.veda.brahmana.mantra.2.6.16) kṣudhe svāhā // ### [2.6.17](https://indike.org/pramana/in.veda.brahmana.mantra.2.6.17) kṣutpipāsābhyām̐ svāhā // ### [2.6.18](https://indike.org/pramana/in.veda.brahmana.mantra.2.6.18) mā bhaiṣīr na mariṣyasi jaradaṣṭir bhaviṣyasi / rasam̐ viṣasya nāvidam ugrasphenam ivāsyam // ### [2.6.19](https://indike.org/pramana/in.veda.brahmana.mantra.2.6.19) tura gopāya mā nātha gopāya mā- -śastibhyo 'rātibhyaḥ svastyayanam asi // ## Commentaries (2) - [Padapāṭha (sandhi-resolved text, TITUS)](https://indike.org/pramana/in.veda.brahmana.mantra!padapatha.2.6.1) — Sanskrit - [Chāndogyamantrabhāṣya](https://indike.org/pramana/in.veda.brahmana.mantra!gunavisnu) — Guṇaviṣṇu, Sanskrit ## Linked texts (8) - [Chāndogyabrāhmaṇa](https://indike.org/pramana/in.veda.brahmana.chandogya.14.2) — Sanskrit - [Sāmavedabrāhmaṇānyaṣṭau](https://indike.org/pramana/in.veda.brahmana.samavedabrahmananyastau.274.2) — Sanskrit - [Chandogabrāhmaṇa](https://indike.org/pramana/in.veda.brahmana.chandogabrahmana.15.2) — Sanskrit - [Chāndogyabrāhmaṇa / Mantrabrāhmaṇa](https://indike.org/pramana/in.veda.brahmana.chandogyabrahmanamantrabrahmana.15.2) — Sanskrit - [Mantrabrāhmaṇa or Upaniṣadbrāhmaṇa or Chāndogyabrāhmaṇa](https://indike.org/pramana/in.veda.brahmana.mantrabrahmanaorupanisadbrahmanaorchandogyabrahmana.17.2) — Sanskrit - [Mantras in Gobhilagṛhyasūtra](https://indike.org/pramana/in.vedanga.kalpa.grhya.mantrasingobhilagrhyasutra.17.3) — Sanskrit - [Āraṇīsaṃhitā](https://indike.org/pramana/in.veda.samhita.aranisamhita.9.3) — Sanskrit - [Sāyaṇabhāṣya](https://indike.org/pramana/in.veda.samhita.sayanabhasya.9.3) — Sāyaṇa, Sanskrit --- Source: [https://indike.org/pramana/in.veda.brahmana.mantra.2.6](https://indike.org/pramana/in.veda.brahmana.mantra.2.6) · Pramāṇa