Mantrabrahmana 2.8

Mantrabrāhmaṇa 2.8

arhaṇā putravāsa
sā dhenur abhavad yame /
sā naḥ payasvatī duhā
uttarāmuttarām̐ samām //

idam aham imāṃ padyām̐ virājam
annādyāyādhitiṣṭhāmi //

yā oṣadhīḥ somarājñīr
bahvīḥ śatavicakṣaṇāḥ /
tā mahyam asminn āsane
acchidrāḥ śarma yacchata //

yā oṣadhīḥ somarājñīr
viṣṭhitāḥ pṛthivīm anu /
tā mahyam asminn āsane
acchidrāḥ śarma yacchata //

yato devīḥ pratipaśyāmy āpas
tato mā rāddhir āgacchatu //

savyaṃ pādam avanenije
'smin rāṣṭre śriyaṃ dadhe //

dakṣiṇaṃ pādam avanenije
'smin rāṣṭre śriyam āveśayāmi //

pūrvam anyam aparam anyam ubhau pādāv avanenije
rāṣṭrasya rddhyā abhayasyāvaruddhyai //

annasya rāṣṭrir asi
rāṣṭrir ahaṃ bhūyāsam /

yaśo 'si yaśo mayi dhehi //

yaśaso yaśo 'si //

yaśaso bhakṣo 'si
mahaso bhakṣo 'si
śrībhakṣo 'si
śriyaṃ mayi dhehi // svāhā //

muñca gām̐ varuṇa pāśād
dviṣantaṃ me 'bhidhehi
taṃ jahy amuṣya cobhayor
utsṛja gām attu tṛṇāni pibatūdakam //

mātā rudrānāṃ duhitā vasūnām̐
svasādityānām amṛtasya nābhiḥ /
pra ṇu vocaṃ cikituṣe janāya
mā gām anāgām aditim̐ vadhiṣṭa //
(om ut sṛjata) //

Commentaries (2)