Pancavimsha 105: atha dvādaśaḥ khaṇḍaḥ
Pañcaviṃśa 105
- Language
- Sanskrit
atha dvādaśaḥ khaṇḍaḥ
105.1
bharadvājāyanā vai satramāsata tānapṛcchan kiṃ prathamenā'hnā kuruteti praivaimeti kiṃ dvitīyenetyava samevā'kurmmahīti kiṃ tṛtīyeneti paryyaivāpsavāmahīti kiṃ caturtheneti
sataiva sadapyadadhveti kiṃ pañcameneti prāṇāneva vicchindanta aimeti ki ṣaṣṭhenetīdamevā'gacchāmeti iti
105.2
yasya padena prastautyatha svāramabhi vāva tena devāḥ paśūnapaśyan yat purastāt stobhamatha svāramudeva tenāsṛjanta yadubhayataḥstobhamatha svāramebhya eva tena lokebhyo
devāḥ paśubhyo'nnādyaṃ prāyacchan yadanutunnamatha svāramupaiva
tenāśikṣannathasya madhye nidhanamatha svāraṃ garbhāṃꣲstenādadhata
tāni havatāsvāreṇa prājanayan
105.3
imaṃ vāva devā lokaṃ padanidhanenā'bhyajayannamuṃ bahirṇidhanenāntarikṣaṃ diṅnidhanenā'mṛtatvamīnidhanenāgacchan
brahmavarcasamarthanidhanenā'vārundhatā'sminneva loka ihanidhanena pratyatiṣṭhan
105.4
imaṃ vāva devā lokaṃ dravādiḍenā'bhyajayannamumūrdhveḍenāntarikṣaṃ pariṣṭubdheḍena pratiṣṭhāmiḍāmiraiḍenā'vārundhata
pratiṣṭhāyā'dhyakṣerḍena vyajayantā'sminneva loka iheḍana pratyatiṣṭhan
105.5
na vāk saṃvatsaramativadatīḍaiva saṃvatsaramativadati
garbheṇa saṃvatsare paryāvṛttya prajāyate tenā'tivadati
105.6
tā vā etāścatasraḥ ṣaḍahaṃ parācya iḍā atiyantyeṣā nūteṣā viṣūcyeṣā pratīcyetaddhīḍam
105.7
saṃvatsaro'gnirvāk samvatsaro yadagnirvibhajyate
vācameva tadvibhajanti
105.8
dve dve akṣare vibhajanti dvau dvau hi māsāvṛturatho
māsānāmeva tadrūpaṃ kriyate
105.9
ṣaḍahāni vibhajanti ṣaḍṛtava ṛtūnāṃ dhṛtyā ṛtūnāṃ pratiṣṭhityai atho ṛtūnāmeva tadrūpaṃ kriyate ṣaḍu puruṣā
gānagniranuvidhīyate
105.10
yadidaṃ bahudhāgnirvidhīyate ṣaḍdhāvādityaḥ sarvvāḥprajāḥ pratyaṅ tasmādete eva devate vibhaktimānaśāte
nāto'nyā kācana
Linked texts (3)
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit