Pancavimsha 126

Pañcaviṃśa 126

Language: Sanskrit

126.1

‘paripriyā divaḥ kaviri’ti parivatyo bhavantyanto vai
caturthamahastasyaitāḥ paryāpttyai

126.3

tva 17 hyaṅga daivyeti tvāmiti bṛhato rūpaṃ bārhata 17 hyetadahaḥ
somaḥ punāna ūrmiṇā 'vyaṃvāraṃ vidhāvati | agre vācaḥ
pavamānaḥ kanikradaditi

126.4

agra m̐ hyetarhi vāco'gacchannagramevaitayā yajamānaṃ
gamayanti

126.5

“puro jitīvo andhasa” ti virājau vairāja m̐ hyetadahaḥ

126.6

'somaḥ pavate janitā matīnā' miti prātassavane ṣoḍaśinaṃ gṛhītaṃ taṃ tṛtīyasavane prajanayanti

126.7

triṣṭubhaḥ satyo jagatyo rūpeṇa tasmājjagatīnāṃ loke kriyante

126.8

gāyatraṃ bhavati yadeva gāyatrasya brāhmaṇam

aṅgiraso vai satramāsata teṣāmāptaḥ spṛtaḥ svargoloka āsītpanthānaṃ tu devayānaṃ na prājānaṃsteṣāṅkalyāṇa āṅgiraso dhyāyamudavrajat sa ūrṇāyuṃ gandharvamapsarasāṃ madhye preṅkhayamāṇamupaitsa iyāmiti yāṃ yāmabhyadiśattasainamakāmayata tamabhyavadatkalyāṇā 3 ityāso vai vaḥ
spṛtaḥ svargo lokaḥ panthānaṃ tu devayānaṃ na prajānīthedṃ
sāma svargyaṃ tena stutvā svargaṃ lokameṣyatha mā tu vocohamadarśāmiti

126.11

evaṃ gandharveṇoktaḥ kiṃ kṛtavāniti tadāha—
sa aitakalyāṇaḥ so'bravīdāpto vai naḥ spṛtaḥ svargo lokaḥ panthānaṃ tu devayānaṃ prajānīma idam̐ sāma svargyaṃ
tena stutvā svargaṃ lokameṣyāma iti kaste'vocadityahamevā'darśamiti tena stutvā svargaṃ lokamāyannahadhitva kalyāṇo'nṛtam̐ hi so'vadatsa eṣaḥ śvitraḥ

126.12

svargyaṃ vā etatsāma svargalokaḥ puṇyaloko bhavatyaurṇāyavena tuṣṭuvānaḥ

126.13

bṛhatkaṃ bhavati

126.14

sāmā''rṣeyeṇa praśastaṃ tvam̐ hītyannādyasyā'varuddhyai
hīti vā annaṃ pradīyate ṣoḍaśinamu caivaitenodyacchati

126.15

ārtīṣādīyaṃ bhavati

126.16

āyurvā ārtīṣādīyamāyuṣo'varuddhyai

126.17

ātamitornidhanamupayantyāyureva sarvamāpnuvanti

126.18

nānadaṃ bhavati

126.19

jyāyo'bhyārambhamatihāya pañcamamahaḥ ṣaṣṭhasyā'hna ārambhastena ṣaṣṭhamaharārabhante santatyai

126.20

ṣoḍaśākṣareṇa prastauti ṣoḍaśinamu caivaitenodyacchati

126.21

āndhīgavaṃ bhavati

126.22

padmā vā anyā virāḍakṣayyā'nyā'smāllokātpadmayā
virājā'nnādyamavarundhe'muṣmādakṣayayorbhayoranayorlokayorannādyamavarundha āndhīgavena tuṣṭuvānaḥ

126.23

vātsapraṃ bhavati

126.24

etasminvai vairājaṃ pratiṣṭhitaṃ pratitiṣṭhati vātsapreṇa
tuṣṭuvānaḥ

126.25

vatsaprīrbhālndanaḥ śraddhāṃ nā'vindata sa tapo'tapyata
sa etadvātsapramapaśyatsa śraddhāmavindata śraddhā vindāmahā iti vai satramāsate vindate śraddhām

126.26

īṃnidhanaṃ tathā hyetasyā'hno rūpaṃ nidhanāntāḥ pavamānā
bhavantyahno dhṛtyai stomaḥ

Linked texts (3)

Viṃśabrāhmaṇa — Sanskrit
Tāṇḍya or Pañcaviṃśa-brāhmaṇa — Sanskrit
Sāmavedabrāhmaṇānyaṣṭau — Sanskrit