Pramāṇa · Search · About · API

Pancavimsha 14: atha dvitīyaḥ khaṇḍaḥ

Pañcaviṃśa 14

Language
Sanskrit

atha dvitīyaḥ khaṇḍaḥ

14.1

tisṛbhyo hiṅkaroti sa parācībhistisṛbhyo hiṅkaroti sa parācībhistisṛbhyo hiṅkaroti sa parācībhiḥ
parivarttinī triviṣṭutiḥ

14.2

praparīvarttamāpnoti ya etayā stute santatā viṣṭutiḥ
prāṇo'pāno vyānasta ṛcastān hiṅkāreṇa santanoti
sarvvamāyureti na purāyuṣaḥ pramīyate ya etayā stute varṣukaḥ
parjanyo bhavatīme hi lokāstṛcastān hiṅkāreṇa
sandadhāti

14.3

ślakṣṇeva tu vā īśvarā paśūnnirmṛjaḥ saiṣā ca parācota śreyān bhavatyuta yādṛṅeva tādṛṅ nettu pāpīyān

14.4

tāmetāmbhāllavaya upāsate tasmātte pratigṛhṇantaḥ
parīvarttānna cyavante

14.1-2

tisṛbhyo hiṅkaroti sa parācībhistisṛbhyo hiṅkaroti yā madhyamā sā prathamā yottamā sā madhyamā
yā prathamā sottamā tisṛbhyo hiṅkaroti yottamā sā
prathamā yā prathamā sā madhyamā yā madhyamā sottamā
kulāyinī trivṛto viṣṭutiḥ

14.2-2

prajākāmo vā paśukāmo vā stuvīta prajā vai kulānāthapaśavaḥ kulāyaṅkulāyameva bhavati

14.3-2

etāmevānujāvarāya kuryādetāsāmevānnaṃ paridyatīnāṃ prajānāmagramparyeti

14.4-2

etāmeva bahubhyo yajamānebhyaḥ kuryyāt yatsarvvā
agriyā bhavanti sarvvā madhye sarvvā uttamāḥ sarvvānevainān samāvadvājaḥ karoti nānyonyamapaghnate sarvve
samāvadindriyā bhavanti

14.5

varṣukaḥ parjanyo bhavatīme hi lokāstṛcastān hiṃṅkāreṇa vyatiṣajati

14.6

pāpavasīyasantu bhavati

14.7

adharottaramapāvagato rudhyatevagacchatyaparuddhaḥ pāpīyān śreyārthaṃ samadhyārohati janatā janatāmabhyetyanyonyasya prajā ādadate na yathākṣetraṃ kalpante

Linked texts (4)