Pancavimsha 17: atha saptamaḥ khaṇḍaḥ
Pañcaviṃśa 17
- Language
- Sanskrit
atha saptamaḥ khaṇḍaḥ
17.1
pañcabhyo hiṅkaroti sa tisṛbhiḥ sa ekayā, sa ekayā, pañcabhyo hiṅkaroti sa ekayā sa tisṛbhiḥ sa ekayā
saptabhyo hiṅkaroti sa ekayā sa tisṛbhiḥ sa tisṛbhirdaśasaptā saptadaśasya viṣṭutiḥ
17.2
etayā vai devā asurānatyakrāmannati pāpmānaṃ bhrātṛvyaṃ krāmati ya etayā stute
17.3
abhikrāmantī viṣṭutirabhikrāntyā evābhikrāntena
yajñasyardhnoti tasmādetayā stotavyamṛddhyā eva
17.4
garbhiṇī viṣṭutiḥ praprajayā prapaśubhirjāyate ya etayā stute
17.5
vidvai saptadaśastasyā rājā garbho viśa eva tadrājānaṅgarbhaṅkaroti
17.6
nāvagatoparudhyate nāparuddho'vagacchati
17.7
annaṃ vai saptadaśo yatsapta madhye bhavanti pañca pañcābhito'nnameva tanmadhyato dhīyate'naśanāyuko yajamāno
bhavatyanaśanāyukāḥ prajāḥ
17.8
vairājo vai puruṣaḥ sapta grāmyāḥ paśavo yaddaśapūrvvā
bhavanti saptottamā yajamānameva tat paśuṣu pratiṣṭhāpayati
17.9
eṣā vai pratiṣṭhitā saptadaśasya viṣṭutiḥ pratitiṣṭhati ya etayā stute
Linked texts (4)
- Pañcaviṃśabrāhmaṇa — Sanskrit
- Sāmavedabrāhmaṇānyaṣṭau — Sanskrit
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit