Pramāṇa · Search · About · API

Pancavimsha 36

Pañcaviṃśa 36

Language
Sanskrit

Contents

36.1

prāyaṇīyametadaharbhavati

36.2

prāyaṇīyena vā ahnā devāḥ svargaṃ lokaṃ prāyanyat
prāyam̐ statprāyaṇīyasya prāyaṇīyatvam

36.3

tasmātprāyaṇīyasyāha ṛtvijā bhavitavyametaddhi
svargasya lokasya nediṣṭhaṃ ya etasyartviṅna bhavati hīyate
svargāllokāt

36.4

caturvim̐śaṃ bhavati

36.5

caturvim̐śatyakṣarā gāyatrī tejo brahmavarcasaṅgāyatrī
teja eva brahmavarcasamārabhya prayanti

36.6

caturvim̐śaṃ bhavati caturvim̐śo vai saṃvam̐tsaraḥ sākṣādeva saṃvam̐tsaramārabhante

36.7

yāvatyaścaturvim̐śasyokthasya stotrīyāstāvatyaḥ saṃvam̐tsarasya rātrayaḥ stotrīyābhireva tat saṃvam̐tsaramāpnuvanti

36.8

pañcadaśastotrāṇi bhavanti pañcadaśārddhamāsasya rātrayo'rddhamāsaśa eva tat saṃvam̐tsaramāpnuvanti

36.9

pañcadaśa stotrāṇi pañcadaśa śastrāṇi samāso māsaśa
eva tat saṃvam̐tsaramāpnuvanti

36.10

tadāhurīrmma iva vā eṣā hotrā yadacchāvākyā yadacchāvākamanusantiṣṭhata īśvarermā bhavitoriti yadyukthyam̐
syāttraikakubhañcodvaṃśīyañcāntataḥ pratiṣṭhāpye vīrye vā ete
sāmanī vīryyaevāntataḥ pratitiṣṭhanti

36.11

atho khalvāhuragniṣṭomameva kāryyameṣa vai yajñaḥ svargyo
yadagniṣṭoma ūrddhohi hotāramanusantiṣṭhate

36.12

dvādaśastotrāṇyagniṣṭomo dvādaśa māsāḥ saṃvatsarastena saṃvatsarasammito dvādaśa stotrāṇi dvādaśa śastrāṇi taccaturvith‌śatiścaturvith‌śatirarddhamāsāḥ saṃvatsarastena saṃvatsarasammitaḥ

36.13

atho khalvāhurukthameva kāryamahnaḥ samṛddhayai

36.14

sarvāṇi rūpāṇi kriyante sarvath hyetenāhnāpyate

36.15

pavante vājasātaye somāḥ sahasrapājasa iti sahasravatī pratipatkā‌yyī

36.16

saṃvvam̐tsarasya rūpa m̐ sarvvā‍nevainānetayā punāti sarvānabhivadati

36.17

atho khalvāhuḥ pavasva vāco agriya ityeva kāryā
mukhaṃ vā etat saṃvvam̐tsarasya yadvācogramamukhata eva tat
saṃvvam̐tsaramārabhante

36.18

mithunamiva vā eṣā vyāhṛtiḥ pavasveti pu m̐so rūpaṃ
vāca iti striyāḥ someti puṃso rūpaścitrābhiriti
striyā mithunamevaibhyo yajñamukhe dadhāti prajananāya

36.19

agne yuṅkṣvā hi ye taveti jarābodhīyamagniṣṭoma
sāma kāryyaṃ yuktenaiva sanvatsareṇa prayanti caturvigᳵśatyakṣarāsu bhavati caturvigᳵśasya rūpam

36.20

atho khalvāhuryyajñāyajñīyameva kāryyam

36.21

panthā vai yajñāyajñīyaṃ patha eva tanna yanti

36.21.p1

iti tāṇḍyamahābrāhmaṇe caturthādhyāyasya dvitīyaḥ khaṇḍaḥ

Linked texts (3)