Pramāṇa · Search · About · API

Pancavimsha 38: atha caturthaḥ khaṇḍaḥ

Pañcaviṃśa 38

Language
Sanskrit

Contents

atha caturthaḥ khaṇḍaḥ

38.1

pañcasu māḥsu bārhatāḥ pragāthā āpyante

38.2

tatastrayodaśasvahaḥsu kathaṃ pragāthalābha ityāśaṅkyāha-teṣvāpteṣu chandasī saṃyujyaitavyam

38.3

tisra uṣṇahaḥ syurekā gāyatrī tāstisro bṛhatyobhavanti

38.4

tadāhuḥ sam̐śara iva vā eṣacchandasāṃ yat dve chandasī saṃyuñjantīti

38.5

caturuttarairevacchandobhiretavyaṃ

38.6

paśavo vai caturuttarāṇicchandām̐si paśubhireva
tat svargaṃ lokamakramamānayanti

38.7

ekāṅgāyatrīmekāhamupeyurekāmuṣṇihamekāhamekā manuṣṭubhamekāhaṃ bṛhatyā pañcamāsa iyuḥ paṅktimekāhamupeyutriṣṭubhā ṣaṣṭhaṃ māsamīyuḥ śvo viṣuvān bhaviteti
jagatīmupeyuḥ

38.8

tadāhuranavaklṛptāni vā etānicchandām̐si madhyandine bṛhatyā caiva triṣṭubhā caitavyaṃ

38.9

ete vai cchandasī vīryyavatī ete pratyakṣaṃ madhyandinasya rūpaṃ

38.10

rāthantare'hani bṛhatī kāryaitadvai rathantarasya svamāyatanaṃ yadbṛhatī svaeva tadāyatane rathantaraṃ pratitiṣṭhati
bārhate'hani triṣṭup kāryaitadvaibṛhataḥ svamāyatanaṃ yat triṣṭup svaeva tadāyatane vṛhadrathantare pratitiṣṭhantī itaḥ

38.11

trayastrim̐śatā pragāthairetavyaṃ trayastrim̐śaddevatā devatāsveva pratitiṣṭhantoyanti, caturvim̐śatyaitavyaṃ caturvim̐śatirarddhamāsāḥ saṃvatsaraḥ saṃvatsara eva pratitiṣṭhanto yanti, dvādaśabhiretavyaṃ dvādaśamāsāḥ saṃvatsaraḥ
saṃvatsara eva pratitiṣṭhantoyanti, ṣaḍbhiretavyam̐ ṣaḍṛtava
ṛtuṣveva pratitiṣṭhantoyanti, caturbhiretavyañcatuṣpādāḥ
paśavaḥ paśuṣveva pratitiṣṭhantodyanti, tribhiretavyantrayaime lokā eṣveva lokeṣu pratitiṣṭhantodyanti, dvābhyāmetavyandvipādyajamānaḥ svargasya lokasyākrāntyā anyenānyena hi padā puruṣaḥ pratitiṣṭhanneti

38.11.p1

iti tāṇḍyamahābrāhmaṇe caturthādhyāyasyacaturthaḥ khaṇḍaḥ

Linked texts (4)