Pramāṇa · Search · About · API

Pancavimsha 40: atha ṣaṣṭhaḥ khaṇḍaḥ

Pañcaviṃśa 40

Language
Sanskrit

atha ṣaṣṭhaḥ khaṇḍaḥ

40.1

viṣuvāneṣa bhavati

40.2

devaloko vā eṣa yadviṣuvāndevalokameva tadabhyārohanti

40.3

ekavim̐śo bhavatyekavim̐śo vā asya bhuvanasyāditya ādityalokameva tadabhyārohanti

40.4

dvādaśamāsāḥ pañcarttavastraya ime lokā asāvāditya
ekavim̐śaḥ

40.5

madhyata eva yajñasya pratitiṣṭhanti

40.6

vāyo śuklo ayāmita iti śukravatī pratipadbhavatyādityasya rūpaṃ

40.7

vāyurvvā etandevatānāmānaśo'nuṣṭup chandasāṃ yadtonyā pratipat syātpradahet

40.8

yanti vā ete prāṇādityāhurye gāyatryāḥ pratipado yantīti yadvāyavyā bhavanti tena prāṇānna yantiprāṇohi vāyuḥ

40.9

atho śamayantyevainametayā śāntirhi vāyuḥ

40.10

āyāhi somapītaya iti saumī pāvamānī

40.11

niyutvatī bhavati paśavo vai niyutaḥ śāntiḥ paśavaḥ
śāntenaiva tadādityamupayanti

40.12

divākīrtyasāmā bhavati

40.13

athaitaddivākīrtyasāmatvaṃ praśaṃsatisvarbhānurvā āsura ādityantamasā'vidhyattasya devā divākīrtyaistamo'pāghnanyaddivākīrtyāni bhavanti tamaevāsmādapaghnanti raśmayo vā eta ādityasya yadivākīrtyāni raśmibhireva tadādityaṃ sākṣādārabhante

40.14

bhrājābhrāje pavamānamukhe bhavato mukhata evāsya tābhyāṃ tamo'paghnanti

40.15

mahādivākīrtyañca ṇvikarṇañca madhyato bhavato madhyataevāsya tābhyāṃ tamo'paghnanti bhāsamantato bhavati pakṣaevāsya tena tamo'paghnanti

40.16

āgniṣṭomasāmatvena vihitaṃ bhāsaṃ praśaṃsatidaśastobhaṃ bhavati daśākṣarā vivarāḍ vivarājyeva pratitiṣṭhanti

40.17

bhāsasya stotriyadvāreṇa stutiṃ cikīrṣuḥ kaścitpraśnamupakṣipattiyattvityāhuḥ ṣaḍbhirito māsairadhvānaṃ yanti ṣaḍbhiḥ
punarāyanti kva tarhi svargoloko yasya kāmāya satramāsata iti

40.18

tatredamattaramāhamūrddhānandiva iti svarge lokamārabhante

40.19

tarhi vyāptatvāt satrāvasānaeva mriyeran tatrāhaaratiṃ pṛthivyā ityasmim̐lloke pratitiṣṭhanti

40.20

vaiśvānaramṛṛtaājātamagnimiti viṣuvata eva tadrūpaṃ
kriyate

40.21

kaviṃ samrājamatithiñjanānāmityannādyamevopayanti

40.22

āsannāpātrañjanayanta devā iti jāyanta eva

40.23

tantriṣṭubjagatoṣu bhavati traiṣṭubjāgato vā ādityo
yadato'nyāsu syādava svargāllokātpadyeran

40.23-2

ktikāsu yadyadi bhāsaṃ syāt svargāllokādavapadyeran adhaḥ pateyuḥ
satriṇaḥ

40.24

samrāḍvatīṣu bhavati sāmrājyaṃ vai svargo lokaḥ
svarga eva loke pratitiṣṭhanti

Linked texts (3)