Pancavimsha 48
Pañcaviṃśa 48
- Language
- Sanskrit
48.1
prāṇena purastādāhavanīyamupatiṣṭhante prāṇameva tañjayanti
48.2
apānena paścātpucchamupatiṣṭhante apānameva tañjayanti
48.3
vratapakṣābhyāṃ pakṣāvupatiṣṭhante diśa eva tajjayanti
48.4
prajāpaterhṛdayenāpikakṣamupatiṣṭhante jyaiṣṭhyameva tajjayanti
48.5
vasiṣṭhasya nihavena cātvālamupatiṣṭhante svargameva
tallokamāptvā śriyaṃ vvadante
48.6
vaiśvadevyāmṛci bhavati vviśvarūpaṃ vai paśūnāṃ rūpaṃ
paśūneva tajjayanti
48.7
satrasyarddhyāgnīdhramupatiṣṭhanta ṛddhāveva pratitiṣṭhanti
48.8
caturakṣarāṇidhanaṃ bhavati catuṣpādāḥ paśavaḥ paśuṣveva pratitiṣṭhanti
48.9
ātamitornidhanamupayantyāyureva sarvvamāpnuvanti
48.10
ślokānuślokābhyā14havirddhāne upatiṣṭhante kīrttimeva tajjayanti
48.11
yāmena mārjālīyamupatiṣṭhante pitṛlokameva tajjayanti
48.12
atha sadasa upasthānaṃ vidhatte—
āyurṇavastobhābhyāṃ sada upatiṣṭhante brahma caiva tat
kṣatrañca jayanti
48.13
atha gārhapatyopasthānaṃ vidhatte—
ṛśyasya sāmnā gārhapatyamupatiṣṭhante
48.14
athaitatsāma stauti—
indraṃ sarvvāṇi bhūtānyastuvam̐stasyarśya ekamaṅgamastutamacāyattadasyaitenāstauttenāsya priyaṃ dhāmopāgacchatpriyamevāsyaitena dhāmopagacchanti
48.15
asya ca nidhanaṃ pratyakṣamupetavyaṃ na parokṣeṇeti vidhatte—
yat parokṣaṃ nidhanamupeyurhātamukhaṃ pratimuñceran pratyakṣamupayanti hītamukhamevāpajayanti
Linked texts (3)
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit