Pancavimsha 52
Pañcaviṃśa 52
- Language
- Sanskrit
52.1
ye vai vācamannamādayantyannādā bhavanti ye nnivatarṣayanti rūkṣā bhavanti
52.2
gaurīvitaṃ śyāvāśvannihava etāni vai sāmāni
vāco'nnameteṣāṃ vāgannaṃ yadetāni na cyavante vācameva
tadannamādayanti tena sarvve'nnādā bhavanti
52.3
abhikrāntāpakrāntāni bhavantyabhikrāntāpakrāntaṃ vai
vāco rūpam
52.4
plavo'nvahaṃ bhavati
52.5
samudraṃ vā ete prasnānti ye saṃvvatsaramupayanti yovā aplavaḥ samudraṃ prasnāti na sa tata udeti yatplavo
bhavati svargasya lokasya samaṣṭyai
52.6
atratyannidhanamanūdya praśaṃsatiati viśvāni duritā taremeti yadevaiṣāṃ duṣṭutaṃ
duḥśastaṃ tadetena taranti
52.7
athābhiplavaṣaḍahasya prathame'hani anuṣṭupsvokonidhanākhyaṃ sāma
karttavyamiti vidhatteokonidhanam̐ ṣaḍahamukhe bhavati
52.8
tadetat stautiparāṃ vā ete parāvataṃ gacchanti ye ṣaḍahasyāntaṃ
gacchanti yadokonidhanam̐ ṣaḍahamukhe bhavati prajñātyai
52.9
kathamokonidhanena prajñātirbhavati tatrāhayadā vai puruṣaḥ svamoka āgacchati sarvvaṃ tarhi prajānāti sarvvamasmai divā bhavati
Linked texts (3)
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit