Pramāṇa · Search · About · API

Pancavimsha 57

Pañcaviṃśa 57

Language
Sanskrit

57.1

eṣa vāva yajño yadagniṣṭomaḥ

57.2

ekasmā anyo yajñaḥ kāmāyāhiyate sarvvebhyo'gniṣṭomaḥ

57.3

dvādaśa stotrāṇyagniṣṭomo dvādaśa māsāḥ sam̐vvatsaraḥ
sam̐vvatsaraṃ paśavo'nu prajāyante tena paśavyaḥ samṛddhaḥ

57.4

dvādaśa stotrāṇi dvādaśa śastrāṇi taccaturviṃśaśatiścaturviṃśatirarddhamāsāḥ sam̐vvatsaraḥ sam̐vvatsaraṃ paśavo'nu prajāyante tena paśavyaḥ samṛddhaḥ

57.5

agnau stotramagnau śastraṃ prati tiṣṭhati tena brahmavarcasyaḥ

57.6

kiṃjyotiṣṭomasya jyotiṣṭomatvamityāhurvvirājaṃ
sam̐stutaḥ sampadyate virāḍvai cchandasāṃ jyotiḥ

57.7

jyotiḥ samānānāṃ bhavati ya evaṃ veda

57.8

jyeṣṭhayajño vā eṣa yadagniṣṭomaḥ

57.9

prajāpatiḥ prajā asṛjata tā asmai śraiṣṭhyāya nātiṣṭhanta sa etamagniṣṭomamapaśyattamāharattato'smai prajāḥ
śraiṣṭhyāyātiṣṭhanta

57.10

tiṣṭhante'smai samānāḥ śraiṣṭhyāya ya evaṃ veda

57.11

yattvityāhurgāyatraṃ prātaḥsavanaṃ traiṣṭubhaṃ mādhyandinaṃ
savanañjāgataṃ tṛtīyasavanaṃ kva tarhi turīyaṃ cchando'nuṣṭubiti

57.12

chandasāṃ vā anvavalguptiṃ yajamāno'nvavalupyate

57.13

aṣṭākṣarā gāyatrī hiṅkāro navama ekādaśākṣarā
triṣṭub dvādaśākṣarā jagatī cchandobhirevānuṣṭubhamāpnoti yajamānasthānavalopāya

57.14

yo vā anuṣṭubhaṃ sarvvatrāpi savanānyanvāyattāṃ
nveda sarvvatrāsyāpi bhavatyeṣā vā anuṣṭup sarvvatrāpiḥ
savanānyanvāyattā tadya evaṃ veda sarvvatrāsyāpi bha̍vati

57.15

yadvai rājāno'dhvānaṃ dhāvayanti ye'śvānā m̐vīryyavattamāstān yuñjate trivṛtpañcadaśaḥ saptadaśa ekavi ṃśa ete
vai stomānā m̐vīryyavattamāstāneva yuṅkte svargasya lokasya
samaṣṭyai

57.16

catuṣṭomo bhavati pratiṣṭhā vai catuṣṭomaḥ pratiṣṭhityāai

Linked texts (3)