Pramāṇa · Search · About · API

Pancavimsha 64: atha daśamaḥ khaṇḍaḥ

Pañcaviṃśa 64

Language
Sanskrit

Contents

atha daśamaḥ khaṇḍaḥ

64.1

agna āyūm̐ṣi pavasa iti pratipadaṃ kuryādyeṣāṃ
dīkṣitānāṃ pramīyate

64.2

apūtā iva vā ete yeṣāṃ dīkṣitānāṃ pramīyate
yadyeṣā'gnipāvamānī pratipadbhavatyagnirevainānniṣṭapati pavamānaḥ punāti

64.3

yadāyūm̐ṣītyāha ya eva jīvantite ṣvāyurdadhāti

64.4

āno mitrāvaruṇeti jyogārmayāvine pratipadaṃ
kuryāt

64.5

apakrāntau vā etasya prāṇāpānau yasya jyaugāmayati prāṇāpānau mitrāvaruṇau prāṇāpānāvevāsmindadhāti

64.6

apaghnanpavate mṛdhopasomo arāvṇa ityanṛtamabhiśasyamānāya pratipadaṃ kuryāt

64.7

arāvāṇo vā ete ye'nṛtamabhiśam̐santi tānevāsmādapahanti

64.8

gacchannindrasya niṣkṛtamiti pūtamevainaṃ yajñiyamindrasya niṣkṛtaṃ gamayati

64.9

vṛṣā pavasva dhārayeti rājanyāya pratipadaṃ kuryādvṛṣā vai rājanyo vṛṣāṇamevainaṃ karoti

64.10

marutvate ca matsara iti maruto vai devānāṃ viśo
viśamevāsmā anu niyunaktyanapakrāmukā'smādviḍbhavati

64.11

niv śvā dadhāna ojasetyojasaivāsmai vīryeṇa viśaṃ
purastātparigṛhṇātyanapakrāmukāsmādviḍbhavati

64.12

pavasvendo vṛṣāsuta iti pratipadaṃ kuryyādyaḥ kāmayeta jane ma ṛdhyeteti

64.13

kṛdhī no yaśaso jana iti janatāyāmevāsmā ṛdhyate

64.14

yuvaṃ hi sthaḥ svaḥ patī iti dvābhyāṃ pratipadaṃ kuryyātsamāvadbhājāvevainau yajñasya karotyubhau yajñayaśasenārpayati

64.15

prāsya dhārā akṣarānniti vṛṣṭikāmasya pratipadaṃ kuryyāt

64.15-2

spaṣṭam

64.16

prāsya dhārā akṣaranniti divo 'vṛṣṭiñcyāvayati 'vṛṣṇaḥ sutasyaujasa ityantarikṣāt

64.17

devām̐ anu prabhūṣata ityasmin loke pratiṣṭhāpayati

64.18

ojasā vā etadvīryeṇa pradīyate yadaprattaṃ bhavati
yadavṛṣṇaḥ sutasyaujasa ityāhaujasaivāsmai 'vīryeṇa divo
'vṛṣṭiṃ prayacchati

64.19

tayā pavasva dhārayā yayā gāva ihāgamannanyās
upa no gṛhmiti pratipadaṃ kuryādyaḥ kāmayetopa mā
janyā gāvo nameyurrvindeta me janyā gā rāṣṭramiti yadvaiṣā pratipadbhavatyupainañjanyāgāvo namanti 'vindate'sya
janyā gā rāṣṭram

64.19.p1

saptamo'dhyāyaḥ

Linked texts (3)