Pancavimsha 71
Pañcaviṃśa 71
- Language
- Sanskrit
71.1
prajāpatirakāmayata bahu syāṃ prajāyeyeti sa tūṣṇīṃ
manasā dhyāyattasya yanmanasyāsīttadbṛhatsamabhavat
71.2
sa ādadhīta garbho vai me'yamantarhitastaṃ vācā
prajanayā iti
71.3
sa vācaṃ vyasṛjata sā vāgrathantaramanvapadyata
71.4
rathammaryyāḥ kṣeplātārīditi tadrathantarasya rathantaratvam
71.5
tato bṛhadanva prājāyata bṛhanmaryyā ida sa jyogantarabhūditi tadbṛhato bṛhattvam
71.6
yathā vai putro jyeṣṭha evaṃ bṛhatprajāpateḥ
71.7
jyeṣṭhabrāhmaṇaṃ vā etat
71.8
atha viduṣaḥ phalam—
prajyaiṣṭhyamāpnoti ya evaṃ veda
71.9
yanvityāhurbṛhatpūrvvaṃ prajāpatau samabhavatkasmādrathantaraṃ pūrvvaṃ yogamānaśa iti
71.10
bṛhadeva pūrvvaṃ samabhavadrathantarantu pūrvvaṃ sṛṣṭyā sṛjata tasmātpūrvvaṃ yogamānaśe
71.11
tayoḥ samānannidhanamāsīttasminnātiṣṭhetānta ājimaitāṃ tayorhāsiti bṛhatprāṇamudajayadasiti rathantaramapānamabhisamaveṣṭata
71.12
prāṇāpānau vai bṛhadrathantare jyogāmayāvina ubhe kuryādapakrāntau vā etasya prāṇāpānau yasya jyogāmayati
prāṇāpānāvevāsmindadhāti
71.13
yānvityāhurubhe bṛhadrathantare bahirṇidhane kasmād bṛhadbahirṇidhanāni bhajate'ntarṇidhanāni rathantaramiti
71.14
prāṇo bṛhatasmādbahirṇidhanāni bhajate bahirhi prāṇo'pāno rathantaraṃ tasmādantarṇidhanāni bhajate'ntarhyapānaḥ
71.15
mahāvṛkṣau vai bṛhadrathantare nidhanena samarye
71.16
yadadvai mahāvṛkṣau samṛcchete bahu tatra virbhagnaṃ prabhagnam̐ śete
71.17
airaṃ vai bṛhadaiḍam̐rathantarammano vai bṛhadvāgrathantaram̐
sāma vai bṛhadṛgrathantaraṃ prāṇo vai bṛhadapāno rathantaramasau
vai loko bṛhadayaṃm̐rathantarametāni manasānvīkṣyodgāye
tklṛptābhyāmevābhyāmudgāyati
Linked texts (3)
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit