Pancavimsha 81: atha ṣaṣṭhaḥ khaṇḍaḥ

Pañcaviṃśa 81

Language: Sanskrit

atha ṣaṣṭhaḥ khaṇḍaḥ

81.1

devā vai brahma vyabhajanta tasya yo raso'tyaricyata
tadyajñāyajñīyamabhavat

81.2

athaitadvidhatte—
brahmaṇo vā eṣa raso yadyajñāyajñīyaṃ yadyajñāyajñīyena
stuvanti brahmaṇa eva rase yajñaṃ pratiṣṭhāpayanti

81.3

athaitannirvacanadvārā praśaṃsati—
yonirve yajñāyajñīyametasmādvai yoneḥ prajāpatiryajñamasṛjata tasmādyajñāyajñīyam

81.4

tasmādvā etena purā brāhmaṇā bahiṣpavamānamastoṣata
yonerdhyajñaṃ pratanavāmahā iti yajñantataḥ stuvanti yonau
yajñaṃ pratiṣṭhāpayanti

asureṣu vai sarvvo yajña āsītte devā yajñāyajñīyamapaśyaṃ'steṣāṃ yajñāyajñā vo agnaya ityāgnihotramavṛñjata
girāgirā ca dakṣasa iti darśapūrṇamāsau prapra vayamamṛtaṃjātavedasamiti cāturmāsyāni priyamitrannaśaśaṃsiṣamiti saumyamadhvaram

81.6

yajñā vo agnaye girā ca dakṣase pra vayamamṛtañjātavedasāmpriyamamitrannaśa̍ṃsiṣamiti vai tarhi cchandā̍ṃsyāsa̍ṃste devā abhyārambhamabhinivartya cchandobhiryyajñamasurāṇāmavṛñjata

81.7

cchando̍bhiryyajñaṃ bhrātṛvyasya vṛṅkte ya e̱vaṃ veda̍

81.8

etaddhasma vā āha kūśāmbaḥ svāyavo brahmā lātavyaḥ ka̍ssvadya̱śiśumārī yajñapathe'pyastā gariṣyati

81.9

eṣā vai śiśumārī yajñapathe'pyastā yajñāaffinityyajñājñīyaṃ
yadgirāgiretyāhvātmānaṃ tadudgātā girati

81.10

airaṅkṛtvodgeyamirāyāṃ yajñaṃ pratiṣṭhāpayatyapramāyuka
udgātā bhavati

81.11

nvaiśvānare vā etadudgātātmānaṃ pradadhāti yatprapra vayamityāha praprīṃ vayamiti vaktavyaṃ vaiśvānarameva parikrāmati

81.12

yo vai nihnuvānaṃ cchanda upaiti pāpīyānujjagivān
bhavatyetadvai nihnuvānaṃ cchando yanna śaṃsiṣamiti nu śam̐siṣamiti vaktavyam̐ suśam̐siṣamiti vā na nihnuvānaṃ
chanda upaiti vasīyānujjagivān bhavati

81.13

yasya vai yajñā 'vāgantā bhavanti 'vācācchidreṇa sravantyete vai yajñā 'vāgantā ye yajñāyajñīyāntā etadvācaśchidraṃ yadanṛtaṃ yadagniṣṭomayājyanṛtamāha tadanvasya yajñaḥ
sravatyakṣareṇāntataḥ pratiṣṭhāpyamakṣareṇaiva yajñasya chidramapi dadhāti

81.14

virājo vā etadrūpaṃ yadakṣaraṃ virājyevāntataḥ pratitiṣṭhati

Linked texts (3)

Viṃśabrāhmaṇa — Sanskrit
Tāṇḍya or Pañcaviṃśa-brāhmaṇa — Sanskrit
Sāmavedabrāhmaṇānyaṣṭau — Sanskrit