Pramāṇa · Search · About · API

Pancavimsha 89

Pañcaviṃśa 89

Language
Sanskrit

Contents

89.1

caturthaḥ khaṇḍaḥ
(1) yadi somau sam̐sutau syātāṃ mahati rātreḥ prātaranuvākamupākuryāt

89.2

pūrvo vācaṃ pūrvaśchandām̐si pūrvo devatā vṛṅkte

89.3

(1)vṛṣaṇavatīṃ pratipadaṃ kuryādindro vai vṛṣā prātaḥsavanādevaiṣāmindraṃ vṛṅkte

89.4

atho khalvāhuḥ savanamukhe savanamukhe kāryā savanamukhāt savanamukhādevaiṣāmindraṃ vṛṅkte

89.5

susamiddhe hotavyamagnirū vai sarvvā devatāḥ sarvvā eva
devatāḥ parayañjuhoti

89.6

(2) saṃveśāyopaveśāya gāyatryai cchandase'bhibhūtaye svāhā
saṃveśāyopaveśāya triṣṭubhe cchandase'bhibhūtaye svāhā saṃveśāyopaveśāya jagatyai cchandase'bhibhūtaye svāheti
juhoti

89.7

cchandāṃsi vā abhibhūtayastairevainānabhibhavatyubhe bṛhadrathantare kārye

89.8

tadetatpraśaṃsati—
yanna vā indrasya harī tadindraḥ, indrasya vai harī bṛhadrathantare, yadubhe bṛhadrathantare bhavataḥ pūrva evendrasya harī ārabhante

89.9

anyadapi sāmadvayaṃ vidhatte—
tauraśravase kārye

89.10

anayoḥ prayogānuguṇyamākhyānapradarśanenāha—
turaśravasaśca vai pārāvatānāñca somau saᳪṃsutāvāstāṃ, tata ete turaśravāḥ sāmanī apaśyattābhyāmasmā indraḥ śālmalināṃ yamunāyā havyaṃ nirāvahat yattauraśravase
bhavato havyamevaiṣāṃ vṛṅkte

89.11

pūrve'bhiṣuṇyuḥ

89.12

yā vai pūrvāḥ prasnānti tāḥ pūrvāstīrthaṃ jayanti pūrva
evendramārabhante

89.13

vihavyaṃ śasyam

89.14

jamadagneśca vā ṛṣīṇāñca somo saṃsutāvāstāṃ
tata etajjamadagnirvihavyamapaśyattamindra upāvarttata yadvihavyam̐hotā śam̐satīndramevaiṣāṃ vṛṅkte

89.14-2

tasome vihavyaṃ śaṃsatīti yat tenendramevaiṣāṃ vṛṅkte varjayati

89.15

yadītaro'gniṣṭomaḥ syādukthaḥ kāryo yadyuktho'tirātro yo vai bhūyānyajñakratuḥ sa indrasya priyo bhūyasaivaiṣāṃ
yajñakratunendraṃ vṛṅkte

89.16

atho khalvāhurduṣprāpa iva vai paraḥ panthā yamevā'gre
yajñakratumārabheta tasmānneyāditi

89.17

sajanīyam̐ śasyamagastyasya kayāśubhīyam̐ śasyam

89.18

asyā amuṣyā adyaśvānmithunādahorātrābhyāmevainānnirbhajati

89.18.p1

iti tāṇḍyamahābrāhmaṇe navamādhyāyasya caturthaḥ khaṇḍaḥ

Linked texts (4)