Pancavimsha 90

Pañcaviṃśa 90

Language: Sanskrit

90.1

yadi somamakrītamapahareyuranyaḥ kretavyaḥ

90.2

yadi krītaṃ yo'nyo'bhyāśaṃ syāt sa āhṛtyaḥ somavikrayiṇe tu kiñciddadyāt

90.3

yadi somaṃ na vindeyuḥ pūtīkānabhiṣuṇuyuryadi na
pūtīkānarjyunāni

90.4

gāyatrī somamāharattasyā anu visṛjya somarākṣiḥ
parṇamacchinattasya yo'm̐śuḥ parāpatatsa pūtīko'bhavattasmin devā ūtimavindannūtīko vā eṣa yatpūtīkānabhiṣuvantyūtimevāsmai vindanti

90.5

pratidhuk ca prātaḥ pūtīkāśca, śṛtañca madhyandine pūtīkāśca, dadhi cā'parāhṇe pūtīkāśca

90.6

somapītho vā etasmādapakrāmatītyāhuryasya somamapaharantīti sa oṣadhīṃśca paśūm̐śca praviśati tamoṣadhibhyaśca paśubhyaścā'varundhe

indro vṛtramaham̐stasya yo nastaḥ somaḥ samadhāvattāni babhratūlānyarjunāni, yo vapāyā utkhinnāyāstāni
lohitatūlāni, yāni babhrūtūlānyarjunāni tānyabhiṣuṇuyādetadvai brahmaṇo rūpaṃ sākṣādeva somamabhiṣuṇoti

90.8

śrāyantīyaṃ brahmasāma kāryyaṃ sadevainaṃ karoti

90.9

yajñāyajñīyamanuṣṭubhi prohedvācaivainaṃ samarddhayati vāravantīyamagniṣṭomasāma kāryyamindriyasya vīryyasya parigṛhītyai

90.10

pañca dakṣiṇā deyāḥ

90.11

pāṅkto yajño yāvānyejñastamevā''rabhate

90.12

avabhṛthādudetya punardīkṣeta

90.13

tatra taddadyādyaddāsyan syāt

Linked texts (4)

Ārṣeyakalpa — Maśaka Gārgya, Sanskrit
Viṃśabrāhmaṇa — Sanskrit
Tāṇḍya or Pañcaviṃśa-brāhmaṇa — Sanskrit
Sāmavedabrāhmaṇānyaṣṭau — Sanskrit