Pramāṇa · Search · About · API

Pancavimsha 94

Pañcaviṃśa 94

Language
Sanskrit

94.1

yasya kalaśa upadasyati kalaśamevā'syopadasyantaṃ
prāṇo'nūpadasyati prāṇo hi somaḥ

94.2

tadāhuḥ payo'vanayediti

94.3

atho khalvāhurantarhitamiva vā etadyatpayo hiraṇyamevā'po'bhyavanayeddhiraṇyamabhyunnayediti

94.4

prāṇā vā āpo'mṛtaṃ hiraṇyamamṛta evā'sya prāṇān
dadhāti sa sarvvamāyureti

94.4-2

klṛptaṃ śatavarṣalakṣaṇaṃ āyureti prāpnoti

94.5

yasya nārāśaṃsa upavāyati nārāśaṃsamevāsyopavīyantaṃ prāṇo'nupadasyati prāṇo hi somaḥ

94.6

yamadhvaryuurantato grahaṃ gṛhṇīyāttasyā''ptumavanayet

94.7

prāyaścityai vai graho gṛhyate prāyaścityaivā'smai prāyaścittiṃ karoti

94.8

(3)yadi pītāpītau somau saṅgaccheyātāmantaḥ paridhyaṅgārānnirvartya juhuyāt 'hutasya cā'hutasya cā'hutasya hutasya ca| pītāpītasya somasyendrānī pibataṃ sutaṃ svāhe'
ti saiva tasya prāyaścittiḥ

94.9

yadi bhakṣaṇayā''nīto hutaśiṣṭaḥ somaḥ keśakīṭādibhirjuṣṭaḥ
syāt tadā karttavyamāhaprajāpataye svāhetyabhakṣaṇīyasya juhuyāduttarāddhrdyapūrvāddhrdya uparavaḥ

94.10

abhivṛṣṭasya somasya bhakṣaṇamantraṃ vidhatte'indurindu mavāgā'dityavavṛṣṭasya bhakṣayet

94.11

'tasya ta indavindrapītasyendriyāvatassarvvagaṇasya
sarvvagaṇa upahūta upahūtasya bhakṣayāmi'

94.12

"hiraṇyagarbhaḥ samavarttatāgra" ityājyenā'bhyupākṛtasya
juhuyādāgnīdhraṃ paritya "bhūtānāṃ jātaḥ patireka āsīt sa
dādhāra pṛthivīṃ dyāmutemāṃ tasmai ta indo haviṣā vidhema
svāhe"ti saiva tasya prāyaścittiḥ

94.13

yadi grāvā'pi śīryyate paśubhiryajamāno vyṛddhyate paśavo vai grāvāṇo dyutānasya mārutasya sāmnā stuyuḥ

94.14

mārutā vai grāvāṇaḥ svenaivainām̐stadrūpeṇa samarddhayati

94.15

yadi somamabhidahedūgrahānadhvaryyuḥ spaśayeta stotrāṇyudgātā śastrāṇi hotā'tha yathāpūrvaṃ yajñena careyuḥ pañca dakṣiṇā deyāḥ pāṅkto yajño yāvānyajñastamevārabhate'vabhṛthādudetya punardīkṣate tanna taddyādyaddvāsyaṃ syāt purā
dvādaśyā dīkṣeta yaddvādaśāmatinayedantarddhīyeta

Linked texts (6)