Pramāṇa · Search · About · API

Pancavimsha 95

Pañcaviṃśa 95

Language
Sanskrit

95.1

yadi mahāvīro bhidyeta taṃ bhinnamabhimṛśet(1) "ya ṛte cidabhiśriṣaḥ purā jatrubhya ātṛdaḥ| sandhātā sandhiṃ
maghavā purūvasurniṣkarttā vihrutaṃ punaḥ|| mā bhema niṣṭathā ivendra tvada storeṇā iva| vanāni na prajahitānyadrivo duroṣāso amanmahi| amanmahīdanāśavo nuprābhaśva vṛtrahan|sakṛtsute mahatā śūra rādhasānustomaṃ mademahī"ti mahāvīraṃ
bhinnamabhimṛśet saiva tasya prāyaścittiḥ

95.2

nikhātasya yūpasya yajñamadhye virohaṇakṛtāṃ hāniṃ darśayatiasuryyaṃ vā etasmādvarṇaṃ kṛtvā teja indriyaṃ vīryyamannādyaṃ prajāḥ paśavo'pakrāmanti yasya yūpo virohati sa
īśvaraḥ pāpīyān bhavitoḥ

95.3

tvāṣṭraṃ paśuṃ bahurūpamālabheta tvaṣṭā vai paśūnāṃ rūpāṇāṃ vikarttā tameva tadupadhāvati sa enaṃ tejasendriyeṇa
vīryeṇānnādyena prajayā paśubhiḥ punassamarddhayati saiva
tasya prāyaścittiḥ

95.1-2

agninā pṛthivyauṣadhibhistenā'yaṃ lokastrivṛdvrāyunā'ntarikṣeṇa vayobhistenaiṣa lokastrivṛdyo'yamantarādityena
divā nakṣatraistenā'sau lokastrivṛdetadeva trivṛta āyatanameṣā'sya bandhutā

95.2-2

āyatanavān bandhumān bhavati ya evaṃ veda

95.3-2

tamu pratiṣṭhetyāhustrivṛddhyevaiṣu lokeṣu pratiṣṭhitaḥ

95.4

arddhamāsa eva pañcadaśasyā''yatanameṣā''sya bandhutā

95.5

āyatanavān bandhumān bhavati ya evaṃ veda

95.6

taṃ caujo balamityāhurarddhamāsaśo hi prajāḥ paśava ojo balaṃ puṣyanti

95.7

saṃvatsara eva saptadaśasyā''yatanaṃ dvādaśa māsāḥ pañcarttava etadeva saptadaśasyā''yatanameṣā'sya bandhutā

95.8

āyatanavān bandhumān bhavati ya evaṃ veda

95.9

tamu prajātirityāhuḥ saṃvatsaraṃ hi prajāḥ paśavo'nuprajāyante

95.10

āditya evaikaviṃśasyā''yatanaṃ dvādaśa māsāḥ pañcavarttavraya ime lokā asāvāditya ekaviṃśa etadevaikaviṃśasyā''yatanameṣā'sya bandhutā

95.11

āyatanavān bandhumān bhavati ya evaṃ veda

95.12

tamu devatalpa ityāhuḥ pra devatalpamāpnoti ya evaṃ veda

95.13

trivṛdeva triṇavasyā''yatanameṣā'sya bandhutā

95.14

āyatanavān bandhumān bhavati yaṃ evaṃ veda

95.15

tamu puṣṭirityāhustrivṛddhvaiṣa puṣṭaḥ

95.16

devatā eva trayastriṃ&śasyā''yatanaṃ trayastriṃ&śaddevatāḥ prajāpatiścatustriṃ&śa etadeva trayastriṃ&śasyā''yatanameṣā'sya bandhutā

95.17

āyatanavān bandhumān bhavati ya evaṃ veda

95.18

tamu nāka ityāhurna hi prajāpatiḥ kasmai canā'kam

95.19

chandāṃsyeva chandomānāmāyatanameṣāṃ bandhutā

95.20

āyatanavān bandhumān bhavati ya evaṃ veda

95.21

tānu puṣṭirityāhuḥ paśavo hi chandomāḥ

Linked texts (3)