Pancavimsha 96
Pañcaviṃśa 96
- Language
- Sanskrit
96.1
prajāpatiḥ prajā asṛjata so'tāmyattasmai vāgjyotirudagṛhṇātso'bravītko me'yaṃ jyotirudagrahīditi svaiva
te vāgityabravīttāmabravīdvirājaṃ tvā chandasāṃ jyotiṣkṛtvā yajāntā iti
96.2
tasmādyo virājaṃ stomaṃ sampadadyate taṃ jyotiṣṭomo'gniṣṭoma ityācakṣate virāddhi chandasāṃ jyotiḥ
96.3
jyotiḥ samānānāṃ bhavati ya evaṃ veda
96.4
anuṣṭup ca vai saptadaśaśca samabhavatāṃ sā'nuṣṭup caturakṣarāṇi chandāṃsyasṛjata ṣaḍuttarān stomān saptadaśastāvetānmadyataḥ prājanayatām
96.5
atha sṛṣṭānāṃ stomānāṃ madhye stomadvayasyāharviśeṣasambandhaṃ pradarśayan tayorahoraharantarāt pūrvaprayojyatvamāhatrivṛcca triṇavaśca rāthantarau tāvajaścā'śvaścānvasṛjyetāṃ tasmāttau rāthantaraṃ prācīnaṃ pradhūnutaḥ
96.6
athā'nyayoḥ stomayoraharviśeṣasambandhaṃ darśayan tasyā'harviśeṣasya paścādbhāvino'pi dīptirbhavatītyāhapañcadaśaścaikaviṃśaśca bārhatau tau gauścā'viścānvasṛjyetāṃ tasmāttau bārhataṃ prācīnaṃ bhāskurutaḥ
96.7
evaṃ vai vidvāṃsamāhurapi grāmyāṇāṃ paśūnāṃ vāca
ājānāti
Linked texts (3)
- Viṃśabrāhmaṇa — Sanskrit
- Tāṇḍya or Pañcaviṃśa-brāhmaṇa — Sanskrit
- Sāmavedabrāhmaṇānyaṣṭau — Sanskrit